Vlag van Albanië
![]() |
|
Bynaam | Flamuri Kombëtar |
---|---|
Gebruik | Nasionale vlag en Staatsvaandel ![]() |
Verhouding | 5:7 |
Goedgekeur | 7 April 1993[1] |
Ontwerp | 'n Rooi agtergrond met 'n swart tweekopadelaar in die middel. |
Ontwerp deur | Sadik Kaceli |
Die nasionale vlag van Albanië (Albanees: Flamuri i Shqipërisë) is op 7 April 1993 amptelik in gebruik geneem. Die vlag vertoon 'n enkele rooi baan met die silhoeët van 'n tweekopadelaar (in swart) in die middel. Die vlag is gekies in 1912 nadat Albanië sy onafhanklikheid van die Ottomaanse Ryk verkry het.
Ontwerp
[wysig | wysig bron]Simboliek
[wysig | wysig bron]![](http://upload.wikimedia.org/wikipedia/commons/thumb/b/b1/Flag_of_Albania_Butrint.jpg/220px-Flag_of_Albania_Butrint.jpg)
Die rooi verteenwoordig dapperheid en krag, terwyl die tweekopadelaar die soewereine staat van Albanië verteenwoordig. Die tweekopadelaar is 'n ou simbool wat al in die Bisantynse Ryk, die Heilige Romeinse Ryk, Oostenryk-Hongarye en die Russiese Ryk gebruik is. Die adelaar verwys na die Albanese volk, aangesien Albanië in Albanees (Shqipëri of Shqipëria) “land van die adelaar” of “volk van die adelaar” beteken.
Kleurskema
[wysig | wysig bron]Die kleurskema word hieronder gelys:
![]() Kleurskema |
Rooi | Swart |
---|---|---|
CMYK | 0/100/100/0 |
0/0/0/100
|
Geskiedenis
[wysig | wysig bron]![](http://upload.wikimedia.org/wikipedia/commons/thumb/a/a4/Coat_of_arms_of_the_House_of_Kastrioti.svg/130px-Coat_of_arms_of_the_House_of_Kastrioti.svg.png)
Gedurende Johannes Hunyadi se veldtog in Niš in 1443 het Skanderbeg en 'n paar ander Albanese van die Turkse range weggestap en het hy vir 25 jaar merkwaardige oorwinnings teen die Ottomane behaal. Hy het die Bisantynse dubbelkoparendvlag gebruik en sy sonderlinge oorwinnings het aan hom die titel Athleta Christi, deur die pous toegeken, verleen.[4] Die arend is in die Middeleeue deur 'n aantal Albanese edelfamilies vir heraldiese doeleindes gebruik, en het 'n simbool van die Albanese geword.[5] Die huis van Kastrioti se wapenskild, waarop 'n swart tweekopadelaar op 'n rooi agtergrond verskyn, het bekendheid verwerf toe hy 'n opstand teen die Ottomaanse Ryk gelei het, wat uitgeloop het op die onafhanklikheid van Albanië van 1443 tot 1479. Dit was die vlag van die Liga van Lezhë wat die eerste verenigde Albanese staat in die Middeleeue was, en ook die oudste verteenwoordigende politieke liggaam in die land met nog bestaande rekords.[6][7][8][9]
Die simbool van die tweekopadelaar is gedurende die 18de, 19de en vroeg-20ste eeue deur Albanese nasionaliste gebruik as 'n simbool van hul veldtog vir hulle land se onafhanklikheid van die Ottomaanse Ryk.[10][5] Op 28 November 1912 is die Albanese onafhanklikheid in Vlorë verklaar en die vlag, wat deur Ismail Qemali gehys is, is as die simbool van die nuwe volk aanvaar.[10][5]
Die Albanese vlag het deur die jare 'n aantal veranderinge ondergaan soos verskillende bewinde dit aangepas het. Gedurende die heerskappy van Koning Zog (1928 tot 1939) is 'n kroon tot die vlag toegevoeg wat gedurende die Italiaanse besetting van Albanië (1939 tot 1943) deur twee bylbundels vervang is. Na afloop van die Tweede Wêreldoorlog het die kommunistiese regering 'n vyfpuntige goue ster tot die vlag toegevoeg wat weer op 7 April 1992 verwyder is toe dié regering tot 'n val gekom het.
Albanië se maritieme vlae – die burgerlike en vlootvaandels – verskil albei van die nasionale vlag. Die burgerlike vaandel bestaan uit drie horisontale bane in rooi, swart en rooi. Die vlootvaandel is soortgelyk aan die nasionale vlag behalwe dat dit die tweekopadelaar op 'n wit agtergrond is en dat die onderste helfte van dei vlag 'n rooi horisontale baan het. Die adelaar op die Albanese vlag verskyn ook op die muntkant van die Albanese vyflekmunt wat in 1995 en 2000 uitgereik is.[11]
Sedert 1969 is die vlag van Albanië nieamptelik in Kosovo vertoon deur die land se etniese Albanese bevolking.[12] Dit was in die 1990’s die simbool van die nieerkende Republiek Kosovo. Die huidige onafhanklike staat van Kosovo gebruik 'n ander vlag wat ontwerp is om enige simbole te vermy wat met 'n spesifieke etniese groep verbind word (soos die vlae van Bosnië en Herzegowina en Siprus ook doen).
Vorige vlae
[wysig | wysig bron]Ander vlae
[wysig | wysig bron]Vlae en standaarde
[wysig | wysig bron]Vorige vlae en standaarde
[wysig | wysig bron]Diverse
[wysig | wysig bron]-
Vlag van die Albanese Moslems in die eerste kwart van die 19e eeu
-
Vlag van die Italiaanse protektoraat Albanië met die kroon van die Huis van Savoje
-
Vlag van die Republiek Kosovo, 'n selfverklaarde staat in 1992 op die grondgebied van die provinsie Kosovo en Metohija (Serwië)
-
Vlag van Dardania wat gebruik is as vlag van Kosovo en presidensiële vlag onder UNMIK, ontwerp deur Ibrahim Rugova.
-
Vlag van Kosovo (2008–), verteenwoordig die Kosovaarse Albanese en die vyf minderhede in Kosovo
Verwysings
[wysig | wysig bron]- ↑ (en) "Albanië". Flags of the World. Besoek op 13 Oktober 2020.
- ↑ (en) Hodgkison, Harry (2005). Scanderbeg: From Ottoman Captive to Albanian Hero. ISBN 1-85043-941-9.
- ↑ (en) The Flag Bulletin. Flag Research Center. 1 Januarie 1987.
- ↑ Mucha, Crampton & Louda 1985, p. 36.
- ↑ 5,0 5,1 5,2 Elsie 2010, "Flag, Albanian", bl. 140: “Die adelaar was in die laat Middeleeue 'n algemene heraldiese simbool vir talle Albanese dinastieë en het daardeur 'n simbool van Albanese in die breë geword. Volgens oorlewering was dit ook Skanderbeg se vlag … As 'n simbool van moderne Albanië is die vlag weer waargeneem tydens die jare van nasionale opbloei en was dit ook algemeen in gebruik gedurende die opstande van 1909 tot 1912. Dit is hierdie vlag wat Ismail Qemal bey Vlorë op 28 November 1912 in Vlorë gehys het om Albanese onafhanklikheid te verklaar.”
- ↑ Matanov 2010, p. 363.
- ↑ Pickard & Çeliku 2008, p. 16.
- ↑ Schmitt 2009.
- ↑ (sq) "Kuvendi i Lezhës (1444)". letersia.fajtori.com.
- ↑ 10,0 10,1 Elsie 2001, "Eagles", bl. 78.
- ↑ (en) "Albanese munte in sirkulasie – Uitgawe van 1995, 1996 en 2000". Bank van Albanië. 2004–2009. Geargiveer vanaf die oorspronklike op 6 Maart 2009. Besoek op 9 Maart 2012.
- ↑ Malcolm 1998, p. 325.
Bronne
[wysig | wysig bron]- (en) Elsie, Robert (2010). Historical Dictionary of Albania. Lanham, MD: Scarecrow Press (The Rowman & Littlefield Publishing Group Incorporated). ISBN 0-8108-6188-7.
- (en) Elsie, Robert (2001). A Dictionary of Albanian Religion, Mythology, and Folk Culture. New York, NY: New York Universiteitspers. ISBN 0-8147-2214-8.
- (en) Grumeza, Ion (2010). The Roots of Balkanization: Eastern Europe C.E. 500–1500. Lanham, MD: Universiteitspers van Amerika. ISBN 0-7618-5134-8.
- (en) Malcolm, Noel (1998). Kosovo: A Short History. Londen: Macmillan. ISBN 0-333-66612-7.
- (en) Matanov, Christo (2010). The Oxford Encyclopedia of Medieval Warfare and Military Technology. Oxford: Oxford Universiteitspers. ISBN 978-0-19-533403-6.
- (en) Mucha, Ludvík; Crampton, William; Louda, Jiří (1985). Webster's Concise Encyclopedia of Flags & Coats of Arms. New York, NY: Crescent Books. ISBN 0-517-49951-7.
- (en) Pickard, Rob; Çeliku, Florent (2008). Analysis and Reform of Cultural Heritage Policies in South-East Europe. Straatsburg: Raad van Europa Uitgewers. ISBN 978-9-28-716265-6.
- (de) Schmitt, Oliver Jens (2009). Skanderbeg: Der neue Alexander auf dem Balkan. Regensburg: Verlag Friedrich Pustet. ISBN 978-3-7917-2229-0.
- (sq) Frashëri, Kristo (2002). Gjergj Kastrioti Skënderbeu: Jeta dhe Vepra, 1405–1468. Tirana, Albanië: Botimet Toena. ISBN 99927-1-627-4.
Eksterne skakels
[wysig | wysig bron]![]() |
Wikimedia Commons bevat media in verband met Vlae van Albanië. |
- (en) Albanië by Flags of the World.
- (en) "Flag of Albania". Encyclopædia Britannica. Besoek op 20 Oktober 2020.