Bruselas
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Bruselas Bruxelles Brussel Brüssel | |||
Localidat de Belchica | |||
| |||
Estau • Rechión |
![]() Bruselas-Capital | ||
Superficie | 32,61 km² | ||
Población • Total • Densidat |
176545 hab. (2017) 5.169 hab/km² | ||
Altaria • Meyana |
13 m. | ||
Codigo postal | 1000, 1040, 1050 | ||
Ríos | Senne | ||
Coordenadas | | ||
https://www.brussel.be/ Web oficial |
Bruselas (Bruxelles francés, Brussel en neerlandés, Brüssel en alemán) ye una ciudat de Belchica, que ye a suya capital; ye tamién a capital d'a rechión de Bruselas-Capital y, amás a mas, d'a Unión Europea y d'a OTAN. Como capital d'o Estau, Bruselas ye a siede d'o gubierno de Belchica y o Parlamento. Alberga tamién, o Castillo de Laeken, residencia d'o rei Felipe de Belchica y a familia real belga.
enA ciudat de Bruselas tien una superficie de 32,61 km², una población de 168.576 habitants en 2013 y una densidat de población de 5169 hab/km² (2013).
Fa parte d'a Organización d'as Ciudaz d'o Patrimonio d'a Humanidat.
Toponimia
[editar | modificar o codigo]En o lexico comercial aragonés d'o sieglo XV s'escribiba Bruxeles (en Monzón), Bruxellyas (en Uesca)[1] u Bruxellas.
Historia
[editar | modificar o codigo]A ciudat de Bruselas ya existiba en o sieglo VII, pero a suya importancia naixió con os contes de Lovaina, que en facioron a suya capital. Situata en a val d'o río Senne, afluent d'o río Escalda, estió un important centro comercial, dentrando en o sieglo XIII en o Ligallo Hanseatico.
Estió tamién a capital d'os territorios espanyols en os Países Baixos espanyols y Flandres, y tamién estió a capital d'os territorios d'os Países Baixos austriacos dimpués d'a Guerra de Succesión Espanyola. En 1815, dimpués d'o Congreso de Viena, s'encorporó a os neerlandeses, dica a independencia de Belchica en 1830, anyo en que se convertió en a capital d'o nuevo estato.
En a Primera Guerra Mundial, a ocuporon as tropas de l'Imperio Alemán y en a Segunda Guerra Mundial as tropas d'o Tercer Reich.
Con a creyación d'a Unión Europea en a segunda metat d'o sieglo XX, pasó a estar a capital d'ista institución.
Cultura
[editar | modificar o codigo]Cine
[editar | modificar o codigo]En a ciudat de Bruselas se celebra anualment o Festival de Cine Fantastico de Bruselas, que concede bels premios, en destacando lo Cuervo d'Oro y lo Cuervo d'Archent.
Esportes
[editar | modificar o codigo]Os esportes mas populars en Bruselas son os mesmos que o resto d'o país, o ciclismo, a natación, o fútbol y o tenis. A ciudat ye un caso rarizo entre as grans capitals europeas por que en l'actualidat no tién garra club de fútbol important a livel internacional.
Instalacions esportivas
[editar | modificar o codigo]A prencipal instalación esportiva d'a ciudat ye l'Estadio Rey Balduino, conoixiu popular y tradicionalment como Estadio de Heysel, a on dende a suya inaguración en l'anyo 1930 s'han feito muitos esdevimientos esportivos importants, y conoixiu mundialment por a trachedia de Heysel, en a que o 29 de mayo de 1985 morioron 39 personas y habió bels 600 ferius, a causa d'una avalancha d'aficionaus antis de principiar a final d'a Copa d'Europa que disputoron a Juventus y o Liverpool en a suya edición de 1985.
Competicions esportivas
[editar | modificar o codigo]Bruselas ha estau seu de muitos esdevenimientos esportivos importants internacionalment como o Campionato Mundial de Ciclismo en Pista en a suya edición de 1930, cualques finals d'a Liga de Campiones d'Europa, d'a desapareixita Recopa d'Europa y bels partius d'as Eurocopas de fútbol de 1972 y 2000 como ciudat siede.
Tamién organizó o Campionato Europeu de Campo a Traviesa en a suya edición de 2003 y l'anyo siguient, en 2004 o Campionato d'o Mundo de Campo a Traviesa, la cita mas important d'o campo a traviesa
En ciclismo cal destacar a Brussels Cycling Classic (conoixita como París-Bruselas dica 2012) y o desapareixito Gran Premio Eddy Merckx, en homenache a o gran ciclista belga Eddy Merckx.
Localidaz achirmanadas
[editar | modificar o codigo]Referencias
[editar | modificar o codigo]- ↑ J Angel Sesma, Ángeles Líbano Zumalacárregui Léxico comercial en Aragón (Siglo XV) Institución Fernando el Católico, 1982
Vinclos externos
[editar | modificar o codigo]Se veigan as imáchens de Commons sobre Bruselas.
- Pachina web municipal.
- Mapa interactivo de Bruselas.