1
| ||||
---|---|---|---|---|
مقداري | واحد | |||
ترتيبي | 1 (لول) |
|||
تعميل | ∅ | |||
لولي | لا | |||
قواسم | 1 | |||
نماري رومانيين | I | |||
سيستيم د نّماري | ||||
جوجي | 12 | |||
تلاتي | 13 | |||
ربعي | 14 | |||
خمسي | 15 | |||
ساتي | 16 | |||
تمني | 18 | |||
طناشي | 112 | |||
سطاشي | 116 | |||
عشريني | 120 | |||
ساتي مربع | 136 | |||
لوغات | ||||
نّماري ليونانيين | α' | |||
نماري عربية شرقية، كردية، فارسية، سيندية، ؤردو | ١ | |||
لأسامية ؤ لبنغالية | ১ | |||
شينوية | 一/弌/壹 | |||
ديڤاناݣارية | १ | |||
لݣعزية | ፩ | |||
جورجية | Ⴀ/ⴀ/ა | |||
لعبرية | א | |||
جاپونية | 一/壱 | |||
لكانادية | ೧ | |||
لخميرية | ១ | |||
لماليالامية | ൧ | |||
طايلاندية | ๑ | |||
طاميلية | ௧ | |||
طيلوݣو | ೧ | |||
عدّل لكود - عدّل ![]() |
واحد ؤلا نمرة واحد ؤلا لعاداد واحد (رّمز ف نّماري لغبارية 1) هوّا نمرة ؤ عاداد ؤ كونصيپط مْتجرّد كيمتّل شي حاجة كاينة غير هيّا مامنهاش كتر، سوا بشكل مطلق ؤلا نسبي، ؤلا لي مزية من لمزيات ديالها كاتساوي عبرة معيارية ديال ديك لمزية. متلا، شي ستون لوزن ديالو واحد كيلوݣرام كيعني بلي لوزن ديالو كيساوي لعبرة لمعيارية ديال تّقل لي هوّا لكيلوݣرام، مي يلا جينا ناخدو لعبرة لمعيارية ديال تّقل هيا لݣرام ؤلا رّطل، لوزن ديال داك سّتون ماغاديش يبقا كيساوي واحد. ف سّيستيم لعشري د لحساب، لواحد كيكون قبل منو نّمرة زيرو، ؤ متبوع ب نّمرة جوج. لواحد هوّا لمحايد ديال ضّرب (أي عاداد مضروب ف واحد كايبقا هوا هوا). ف نّيڤو لقافز ديال لماط، أي عنصر محايد ديال قانون ضربي، متلا ف ݣروپ، كيتّكتب عادتن 1 وخا مايكونش كيمتل لعاداد واحد لي كيعرفو عامّت نّاس. لواحد ماكيتّعتابرش عاداد لولي، ؤ هاد لقضية كان عليها نيقاش بين لحرايفية د لماط حتال نّص ديال لقرن لعشرين، مي دابا كاين عليها إجماع.
مقالات متعمقة: تاريخ ديال لكتبة د نماري• نماري غبارية
![](http://upload.wikimedia.org/wikipedia/commons/thumb/8/84/Mediaevalziffern.svg/220px-Mediaevalziffern.svg.png)
رّمز 1 لي مستعمل دابا ف لمغريب، ؤ ف لأغلبية د لبلدان، سيرتو ف لغرب، لي عادتن كيكون خط عامودي ب سيريف ف طّرف لفوقاني، أصلو كيرجع ل مكتوبات براهمية ف لهند، لي كان فيه لواحد كيتّكتب غير كا خط عامودي. هاد سّيستيم د لكتبة داز ل شّرق لأوسط، ؤ منها ل لمغريب ؤ لأندلس ؤ ل ؤروپا. تّطوير ديال نّماري لي كانخدمو، بما فيهوم لواحد 1، لي كيتسماو نّماري لغبارية تدار ف لأندلس، ف لقرن تّاسع لميلادي.[1]
كلمت "واحد" كاتّخدّم بشكال مختالفين ف دّاريجة:
- نمرة ؤلا رمز، متلا "دار نمرة واحد"
- عاداد ترتيبي، "جا ف رتبة واحد ف لمتيحان"
- عاداد كاردينالي لي كيحدد لقيمة د شي حاجة، "كاين غير كيلو واحد د لبطاطا"
- شي حد، "شفت واحد رّاجل"، "كاينة واحد لمرا دايزة"
- شي حاجة، "واحد لكاس ديالي ماعرفت فين راه"
- 1 هوّا لعاداد صّحيح طّْبيعي لّول.
- 1 هوّا عاداد حقيقي ؤ عاداد معقد.
- أي عاداد مضروب ف 1 كيعطي 1.
- أي عاداد مقسوم علا 1 كيعطي 1.
- 1 ؤس شي عاداد موجب ديما كيعطي واحد .
- أي عاداد ؤس 1 كيعطي نفس قيمتو .
- أي عاداد موجب ؤس زيرو كيعطي واحد .
- 1 هوّا رّمز ديال لمحايد ضّربي ديال أي قانون ضربي ف ݣروپ، ؤلا خاتم ؤلا جبرية.
- 1 هوّا لقيمة لمطلقة ؤلا معيار ماطي ديال عاداد معقد وحادي، ديال ڤيكتور وحادي، ؤ ديال محدد مطريسي.
- 1 هوّا لحتيمال ديال حادات لي مضمون باش يوقع بشكل موطلق.
- 1 ماكيتعتابر لا عاداد لولي والا عاداد مركب.
- لفاكطورييل ديال واحد كيساوي واحد .
- 1 هوّا نّمرة دّرية ديال لهيدروجين.
- 1 هيّا لقيمة ديال تّعميرة ديال لپوزيطرون ؤ ديال لپروطون.
- لݣروپ 1 ديال طّابلو دّوري مشكل من فلزات قاعدية.
- واحد كيعبر علا لوحدانية د الله ف دّيانات لوحادية، بحال لإسلام، لمسيحية، ؤ ليهودية.
- لفيلسوف پلوتينوس كيعتابر بلي لمفهوم ديال "واحد" كيمتّل لواقع لحقيقي ؤ لأصل ديال لوجود.
- لفيلسوف فيلو لإسكندري كيعتابر بلي "واحد" هوّا نّمرة ديال الله، ؤ سّاس ديال لأعداد كاملين.
- لفيلسوف ؤ لماطيماتيسيان نيكوماكوس لݣيراسي كان كيعتابر بلي واحد ماشي عاداد، مي هوّا لأصل ديال لأعداد كاملين.
![]() |
تقدر تزيد شوف بزاف د تّصاور و لمعلومات ديال 1 (number) ف ويكيميديا كومنز. |