Endemismu
Apariencia
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
![](http://upload.wikimedia.org/wikipedia/commons/thumb/c/cf/Iguanamarina.jpg/220px-Iguanamarina.jpg)
Endemismu ye un términu utilizáu en bioloxía pa indicar que la distribución d'un taxón ta llindáu a un ámbitu xeográficu amenorgáu, non atopándose de mou natural en nenguna otra parte del mundu. Por ello, cuando s'indica qu'una especie ye endémica de cierta rexón, significa que namái ye posible atopala de mou natural nesi llugar.[1]
L'endemismu pue considerase dientro d'un abanicu bien ampliu d'escales xeográfiques: asina, un organismu pue ser endémicu d'una cume de monte o un llagu, d'una cordal o un sistema fluvial, d'una islla, d'un país o inclusive d'un continente. De normal el conceutu aplícase a especies, pero tamién pue usase pa otros taxones como subespecies, variedaes, xéneros, families, etc.