Wilhelm Wundt
![](http://upload.wikimedia.org/wikipedia/commons/1/13/Wundt.jpg)
Wilhelm Maximilian Wundt (16 d'agostu de 1832, Neckarau (en) – 31 d'agostu de 1920, Leipzig), foi un fisiólogu, Filósofu y pioneru de la Sicoloxía científicu y fundador del primer llaboratoriu de Sicoloxía Experimental de la Historia. Ta consideráu'l Padre de la Sicoloxía Científico, y por tanto fundador d'esta ciencia como tal.
Vida y Xera
[editar | editar la fonte]Nació na Villa de Neckarau, cerca de la ciudá de Mannheim. So padre yera Pastor Luteranu y na so familia hubiera abonda xente dedicada yá d'aquella a la ciencia o la Medicina. Influyíu por so güelu, que yera un home perinteresáu pola ciencia y la educación, amás de viaxante, entamó los sos estudios, magar que como escolín nun yera mui bonu y dixéron-y dalgunes vegaes de dexar los estudios, y tres de denegá-y la beca na universidá, treslladóse al Gymanasium de Heidelberg (escuela secundaria con altos requisitos académicos), au conoció al químicu Robert Wilhelm Bunsen, col que trabayó y algamó ésitu, y que-y permitió dir a la universidá de Berlín un semestre pa dempués entamar a dar clases de Fisioloxía ensin munchu ésitu d'afluyencia.
En 1858 Helmholtz, un home que-y tenía gran estima y consideración a Wilhelm, foi nomáu Direutor del departamentu de Fisioloxía de la Universidá, y ésti contratólu como'l so primer asistente. Magar del ascensu, nun taba contentu porque yera un emplegu más bien empobináu a la enseñanza y non a la investigación comu-y prestaba, asina que propunxo-y al Becariu una nueva asignatura, "Antropoloxía" que güei pelos sos conteníos denomariamos "Sicoloxía Social", qu'él deprendió y na qu'enseñaba la rellación ente los homes y la sociedá. El puestu de Catedráticu daba-y accesu a la investigación y a la financiación estatal, lo que fizo que rápido asoleyara'l so primer llibru, contribuciones hacia una teoría de la sensoperceición nel qu'analizaba les funciones sensoriales y desarrolla un modelu de perceición y perfilaba'l modelu sicolóxicu que diba siguir nel restu de la so vida. En 1864, descontentu col Institutu au estudiaba, dexólu magar que caltuvo'l rangu de catedráticu y la financiación. Dedicaríase a la investigación por so cuenta nun llaboratoriu que fizo na so casa.
En 1871 tornó a la Universidá au tuvo 3 años hasta que-y dieron la cátedra de Filosofía en Heidelberg, au se treslladó, pa llueu ser designáu pa la mesma cátedra na Univesidá de Leipzig. Foi equí au fundó'l Primer llaboratoriu de Sicoloxía Esperimental, y au escribiera'l llibru Principios de psicología fisiológica (Entamos de Sicoloxía Fisiolóxica), consideráu l'Entamu de la ciencia de Sicoloxía comu rama llibre de la Filosofía na ciencia. Equí siguió escribiendo llibros sobro la nueva ciencia y los sos esperimentos, y dando clases siempre con un númberu reducíu d'alumnos, hasta que se retiró y foi a morrer al pueblu de Grossboten.
Investigación
[editar | editar la fonte]Wundt estudió los conteníos Mentales (sensaciones, sentimientos, imáxenes...) per aciu de la Introspeción y la Esperimentación ( foi'l primeru que utilizara esti métodu como tal). Preocupóse pola Fisioloxía de la sensación, les rellaciones sicofísiques énte los estimulos esternos, la perceición interna, la descripción analítica de la Conciencia Sensorial... amestó la primera teoría propiamente científica de la Sicoloxía, l'Estructuralismu, que defendía la posibilidá d'estudiar la estructura de la mente nos sos elementos y sofitos más cenciellos. Esta teoría sería criticada abondo pol Funcionalismu y más sero pola Escuela de la Gestalt.
Referencies
[editar | editar la fonte]- ↑ 1,0 1,1 1,2 Afirmao en: www.accademiadellescienze.it. Data de consulta: 1r avientu 2020. Accademia delle Scienze di Torino ID: wilhelm-wundt. Llingua de la obra o nome: italianu. Error de cita: La etiqueta
<ref>
ye inválida; el nome «747c392977c74635d8d3737b95a5c7df16a50279» ta definíu delles vegaes con distintu conteníu - ↑ 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://www.leipzig.de/buergerservice-und-verwaltung/unsere-stadt/auszeichnungen-und-ehrungen/leipziger-ehrenbuerger.
- ↑ 5,0 5,1 5,2 URL de la referencia: http://www.nobelprize.org/nomination/archive/show_people.php?id=10328.
Enllaces esternos
[editar | editar la fonte]- «Wilhelm Wundt». en Find a Grave. (n'inglés)
- Obres de Wilhelm Wundt nel Proyeutu Gutenberg
]