Vinsent van Qoq — hollandpostimpressionist rəssam. Yuxarı orta təbəqəyə mənsub bir ailədə dünyaya gəlmiş Vinsent ciddi, sakit və düşüncəli bir uşaq idi. Uşaqlığında şəkil çəkməklə məşğul olan Vinsent gənclik illərində tez-tez səyahət etdi və incəsənət dileri kimi fəaliyyət göstərirdi. Londona transfer olunduqdan sonra depressiyaya düşmüş, daha sonra dinə üz tutdu və cənubi Belçikada vaxtını protestantmissioner olaraq keçirmişdir. Xəstə və tənha Vinsent 1881-ci ildə rəssamlığa maraq salmazdan əvvəl evinə, valideynlərinin yanına gətirilir. Gənc qardaşı Teo ona maddi baxımdan yardım göstərir və onlar uzun illər məktublaşaraq daim ünsiyyətdə olurlar. Əksəriyyəti natürmort və kəndli işçilərin təsvirlərindən ibarət olan erkən yaradıcılıq işlərində parlaq rəng tonlarının az olması onları rəssamın sonrakı rəsmlərindən fərqləndirir. 1886-cı ildə o, Parisə köçdü, Emil Bernar və Pol Qogen də daxil olmaqla, avanqard üslubun impressionizmin həssasiyyətinə qarşı çıxan bir sıra nümayəndəsi ilə tanış olur.
Malazgird döyüşü — Bizans imperiyası ilə Səlcuqlu imperiyası arasında 26 avqust 1071-ci ildə İberiyanın Manzıkert nahiyyəsində (hal-hazırda TürkiyəninMuş əyalətinin Malazgird məntəqəsi) döyüş baş vermişdir. Döyüşdə Bizans ordusunun məğlub olması və imperator IV Roman Diogenin əsir düşməsi Anadoluda və ətrafında Bizans hakimiyyətinin zəiflənməsində mühüm rol oynamış və Anadolunun tədricən türkləşməsinə şərait yaratmışdır. XI əsrdə qərbə doğru yürüşlərdə iştirak edən türklərin bir çoxu Malazgird qələbəsini Kiçik Asiyanın qapılarını onların üzünə açan qələbə kimi qəbul edirdilər. Bizans ordusundakı muzdluların və hərbi mükəlləfiyyətlə orduya cəlb edilmiş döyüşçülərin əksəriyyətinin döyüşdən tez bir zamanda qaçıb canlarını xilas etməsinə görə məğlubiyyət qərbi və şərqi nizamlı olmayan şəxslərdən toplanılmış döyüşçülərə baha başa gəlmişdir.
SSRİ medallarının siyahısı — kommunizm quruculuğunda, sosialist ölkəsinin müdafiəsində xüsusi xidmətlərə görə verilən dövlət mükafatları. SSRİ konstitusiyasına görə (maddə 121, bənd 9) SSRİ medallarını SSRİ Ali Sovetinin Rəyasət Heyəti təsis edir və verir. Hər bir medalı təsis edərkən SSRİ Ali Sovetinin Rəyasət Heyəti eyni zamanda müvafiq medal haqqında Əsasnaməni və həmin medalın təsvirini təsdiq edir. SSRİ medalları ilə təltifetmənin ümumi qaydası həmçinin "SSRİ-nin ordenləri, medalları və fəxri adları haqqında Ümumi Əsasnamə" (1979) ilə nizamlanır. İlk sovet medalı "Böyük Oktyabr sosialist inqilabının 3 illiyi" medalıdır (1920).
"VKontakte" sosial şəbəkəsinin və "Telegram" mobil tətbiqinin yaradıcısı Pavel Durov(şəkildə) Azərbaycandan Fransaya uçduğu təyyarədən enərkən Parisdə Fransanın hava nəqliyyatı jandarmeriyası tərəfindən saxlanılıb.
Banqladeşin sabiq baş naziri Şeyx Həsinənin ölkəsindəki etirazlardan sonra vəzifəsindən istefa verməsinin ardından Məhəmməd Yunus yaradılan müvəqqəti hökumətin başçısı təyin edilib.
Kainatdakı yadplanetli sivilizasiyaların qorxduqları üçün özlərini gizli saxladıqlarını müdafiə edən Qaranlıq meşə fərziyyəsinin adı 2008-ci ildə nəşr olunmuş eyniadlı romandan götürülmüşdür.
"Dinosaur Game" videooyununda oyun personajının dinozavr olmasının səbəbi indiki dövrdə internetin olmamasının tarixdən əvvəlki dövrlərdə yaşamağa bərabər olmasının açıqlanması məqsədi olub.