Gemäldegalerie
![](http://upload.wikimedia.org/wikipedia/commons/thumb/f/f1/Berlin_Kulturforum_2002a.jpg/220px-Berlin_Kulturforum_2002a.jpg)
![](http://upload.wikimedia.org/wikipedia/commons/thumb/c/ce/Petrus_Christus_-_Portrait_of_a_Young_Woman_-_Google_Art_Project.jpg/220px-Petrus_Christus_-_Portrait_of_a_Young_Woman_-_Google_Art_Project.jpg)
La Gemäldegalerie (Germanlingva prononco: [ɡəˈmɛːldəɡaləˌʁiː], Pentrogalerio) estas arta muzeo en Berlino, Germanio, kaj la muzeo kie oni ekspozicias la ĉefan elekton de pentraĵoj kiuj apartenas al la Berlinaj Ŝtataj Muzeoj (Staatliche Museen zu Berlin). Ĝi tenas unu el la plej gravaj kolektoj de eŭropa pentrarto de la 13a al la 18a jarcentoj en la mondo. En ĝia kolekto estas majstroverkoj el artistoj kiel Albrecht Dürer, Lucas Cranach, Hans Holbein, Rogier van der Weyden, Jan van Eyck, Rafaelo, Botticelli, Tiziano, Caravaggio, Giambattista Pittoni, Peter Paul Rubens, David Teniers la Dua, Rembrandt, Johannes Vermeer, kaj Antonio Viviani. Ĝi malfermiĝis en 1830, kaj la nuna konstruaĵo estis finkompletigita en 1998. Ĝi situas en la muzea distrikto Kulturforum okcidente de Potsdamer Platz.
La Gemäldegalerie fieras pri sia scienca metodologio por kolekti kaj ekspozicii arton. Ĉiu ĉambro povas esti komprenata kiel aparta ejo pri unu ĝis kvin artistoj en certa periodo aŭ laŭ certa stilo. La germana kolekto estas la plej fajna kaj plej kompleta en la mondo, kun rivaloj nur en Vieno kaj Munkeno, kaj ankaŭ la kolektoj de Fruaj Nederlandanoj kaj Italoj estas escepte kompletaj. La kolektoj de hispana, franca kaj brita artoj estas multe pli malgranda. Speciale rimarkindaj ĉambroj estas la okedra ĉambro de Rembrandt kaj ĉambro kiu enhavas kvin diversajn Madonojn de Rafaelo.
Bibliografio
[redakti | redakti fonton]- "Prestel": Gemäldegalerie, Berlin, Prestel Museum Guide, 1998, Prestel Verlag, ISBN 3791319124
- Marco Bussagli, Dresda, I Dipinti Della Gemäldegalerie, Bologna, Scripta Maneant, 2014, ISBN 978-88-7057-257-5
Eksteraj ligiloj
[redakti | redakti fonton]- Staatliche Museen zu Berlin | Gemäldegalerie
- Kaiser-Friedrich-Museums-Verein Association of the friends of the Gemäldegalerie
- www.kulturforum-berlin.com Informo pri "Kulturforum" en Berlino
52° 30′ 30.5″ N 13° 21′ 55.5″ O / 52.508472 °N, 13.365417 °O (mapo)