Monza (IFA: [ˈmonʦa], Munscia per loka lombarda lingvo) estas komunumo de Italio. La komunumo estas la ĉefurbo de la laŭ decido de 2004 kreita kaj en 2009 plene ekfunkciinta provinco Monza kaj Brianza en la regiono Lombardio - antaŭe ĝi apartenis al la provinco Milano. Fine de 2023 en la komunumo vivis 121 799 loĝantoj sur areo de 33,09 kvadrataj kilometroj, kio rezultigas loĝdenson de 3 681 loĝantoj/km². Tra la urbo fluas la rivero Lambro, alfluanto de Pado.
Monza lokiĝas nur 15 kilometrojn distance de Milano. La urbo famas ankaŭ por sia kurejo "Autodromo nazionale di Monza" (nacia aŭtomobilkurejo de Monza), sur kiu estas ĉiujare batalita la Itala konkurso de Formulo 1.