Arthur Eddington
Sir Arthur Stanley Eddington, nado o 28 de decembro de 1882 e finado o 22 de novembro de 1944 foi un científico inglés da primeira metade do século XX. Foi astrónomo, físico e matemático.[1]
Traxectoria
[editar | editar a fonte]Eddington fixo o seu maior traballo en astrofísica, sendo catedrático da Universidade de Cambridge, substituíndo a George Darwin, un dos fillos de Charles Darwin, polo seu pasamento. Tamén foi un filósofo da ciencia e un divulgador científico. O límite de Eddington leva o seu nome: é o límite natural da luminosidade das estrelas, ou a radiación xerada pola acreción sobre un obxecto compacto (que é o que provoca a luminosidade).
Relatividade xeral
[editar | editar a fonte]![](http://upload.wikimedia.org/wikipedia/commons/thumb/d/da/1919_eclipse_negative.jpg/220px-1919_eclipse_negative.jpg)
Eddington tamén escribiu unha serie de artigos que explicaban a teoría da relatividade xeral de Einstein para o mundo de fala inglesa.
Sendo cuáquero e pacifista, alén de estar moi interesado nas ideas científicas de Einstein, estaba moi en sintonía con el polas súas ideas sociais.
A Primeira guerra mundial rompeu moitas liñas de comunicación científica e os novos desenvolvementos da ciencia alemá non eran moi coñecidos en Inglaterra.
Ao redor de 1920, anticipou o descubrimento e o mecanismo da fusión nuclear nas estrelas no seu artigo "The Internal Constitution of the Stars" (A constitución interna das estrelas).[2] [3] Nese momento, a fonte da enerxía estelar era un completo misterio; Eddington foi o primeiro en especular correctamente que a fonte era a fusión de hidróxeno en helio.
Tamén realizou unha expedición para observar a eclipse solar do 29 de maio de 1919, ao mesmo tempo que William Wallace Campbell (pero de xeito independente) que tentara a confirmación experimental desde 1911. Iso deu unha das primeiras confirmacións da relatividade xeral.
As súas observacións mostraron que a luz das estrelas que pasaban preto do Sol estaba lixeiramente inclinada cara ao astro. Isto foi previsto pola teoría xeral da relatividade.
Posteriormente, fíxose coñecido polas súas exposicións populares e interpretacións da teoría.
Notas
[editar | editar a fonte]- ↑ "Arthur Stanley Eddington, 1882 - 1944". Obituary Notices of Fellows of the Royal Society (en inglés) 5 (14): 113–125. 1945-11. ISSN 1479-571X. doi:10.1098/rsbm.1945.0007.
- ↑ Eddington, A. S. (1920). "The Internal Constitution of the Stars". The Scientific Monthly 11 (4): 297–303. ISSN 0096-3771.
- ↑ Eddington, A. S. (1916-11). "On the Radiative Equilibrium of the Stars". Monthly Notices of the Royal Astronomical Society 77 (1): 16–35. ISSN 0035-8711. doi:10.1093/mnras/77.1.16.