Paano i-cancel ang Netflix
Puwede mong i-cancel ang Netflix account mo kahit kailan.
Kailan titigil ang mga singil sa membership
Hindi ka na sisingilin ulit maliban na lang kung sisimulan mo ulit ang account mo. Kung magka-cancel ka nang may natitira pang panahon sa billing period mo, puwede mong gamitin ang Netflix hanggang sa automatic na ma-cancel ang account sa katapusan ng billing period.
Kung wala kang nakikitang option para mag-cancel
Kung hindi mo nakikita ang option sa pag-cancel sa account mo, kailangan mong i-cancel ang account sa pamamagitan ng kumpanyang naniningil sa iyo. Pumunta sa Account page mo at tingnan ang seksyong Membership. May makikita kang link na gagabay sa iyo sa proseso ng pag-cancel sa kumpanyang naniningil sa iyo, o instructions para makipag-ugnayan sa kumpanyang naniningil sa iyo para mag-cancel.
Pag-cancel bago matapos ang billing period
Kung magka-cancel ka nang may natitira pang panahon sa billing period mo, puwede mong gamitin ang Netflix hanggang sa matapos ang billing period. Para malaman kung kailan magsasara ang account mo, tingnan ang mga detalye ng billing sa iyo.
Pag-cancel kapag on hold ang account
Kung on hold ang account mo, magsasara ito agad kapag nag-cancel ka.
Pag-cancel kung may gift card o promotional balance ka
Pagkatapos mong mag-cancel, patuloy mong magagamit ang Netflix sa loob ng ilang buwan ng serbisyo hangga't kasya ang natitirang balanse ng Netflix gift card o promotion mo. Kapag naubos na ang balance mo, hindi ka na makakapag-Netflix.
Pag-pause ng membership
Kung gusto mo lang mag-break, puwede mong i-pause ang membership mo sa halip na mag-cancel.
Kung i-pause mo ang membership mo, puwede kang patuloy na manood ng Netflix hanggang sa susunod na billing date mo. Sa susunod na billing date mo, hindi ka sisingilin at ipo-pause ng 1 buwan ang membership mo. Pagkatapos ng 1 buwan, sisingilin ka ng kasalukuyang presyo ng plan mo at puwede kang manood ulit ng Netflix.
Paano mag-pause ng membership
Pumunta sa page na I-cancel ang Membership. Posibleng kailangan mong mag-sign in kung hindi ka pa naka-sign in.
Piliin ang I-pause nang 1 Buwan.
Hindi ka makakapag-stream o download kapag naka-pause ang membership, pero puwede ka pa ring mag-browse ng Netflix at magdagdag sa List Ko.
Paano i-extend na naka-pause na membership
Isang linggo bago automatic na i-unpause ang account mo, magkakaroon ka ng option na i-extend ang pag-pause ng isang karagdagang buwan.
Gamit ang web o mobile browser, pumunta sa Account page mo.
Piliin ang I-extend ang Pag-pause mula sa banner na nagsasabing Handa ka na bang manood? sa itaas ng Account page mo.
Ipo-pause ang membership mo ng isa pang buwan.
Paano i-unpause ang membership
Habang naka-pause ang membership mo, puwede mo itong i-unpause o i-cancel kahit kailan mula sa Account page mo. Para i-unpause ang membership mo:
Gamit ang web o mobile browser, pumunta sa Account page mo.
Piliin ang I-unpause Na mula sa banner na nagsasabing Handa ka na bang manood? sa itaas ng Account page mo.
Agad kang sisingilin at ia-update ang billing date mo, at makakanood ka na kaagad ng Netflix.
Pagsali ulit sa Netflix
Puwede mong i-restart ang Netflix account mo kahit kailan.
Itatabi namin ang Activity sa Panonood mo nang 10 buwan pagkatapos magsara ng account mo, para maging available ito kung magsisimula ka ulit sa loob ng panahong iyon. Available din nang 10 buwan ang:
Mga rekomendasyon sa iyo
Mga rating
Mga detalye ng account
History ng paglalaro
Mga game save (pero sa games na hindi supported ang cloud saves, dapat pa ring i-install ang game at game data sa device kung saan ito nilaro)
Pagpigil sa ibang tao na simulan ulit ang account mo
Para siguraduhing walang sinuman sa tirahan mo ang makakapag-restart ng Netflix nang walang pahintulot mo, inirerekomenda naming palitan mo ang password mo pagkatapos i-cancel ang membership mo, siguraduhing i-check ang kahon na nagsasabing Mag-sign out sa lahat ng device. Sa pamamagitan nito, mapapalitan ang kasalukuyan mong password at masa-sign out ang kahit anong device kung saan posibleng naka-sign in pa ang account mo.