ჟან-პოლ სარტრი
ჟან-პოლ სარტრი (ფრანგ. Jean-Paul Sartre [ ʒã pol saχtχ]) (დ. 21 ივნისი, 1905, პარიზი, საფრანგეთი — გ. 15 აპრილი, 1980, იქვე) — ფრანგი ეგზისტენციალისტი ფილოსოფოსი, დრამატურგი, ნოველისტი, პოლიტიკური აქტივისტი, ბიოგრაფი, ლიტერატურული კრიტიკოსი, ესეისტი. მეოცე საუკუნის ფრანგული ფილოსოფიის, ეგზისტენციალიზმის და მარქსიზმის ერთ-ერთი წამყვანი ფიგურა. სარტრიზე განსაკუთრებული გავლენა მოახდინეს, მარტინ ჰაიდეგერმა და ედმუნდ ჰუსერლიმ. სხვადასხვა სფეროებზე: მარქსისტულ ფილოსოფიაზე, სოციოლოგიაზე და ლიტერატურულ კვლევებზე, სარტრის ნამუშევრები დღემდე დიდ გავლენას ახდენენ. სარტრი ასევე ცნობილია ავტორთან და სოციალურ თეორისტთან, სიმონა დე ბოვუარისთან მისი ხანგრძლივი ურთიერთობით. 1964 წელს დაჯილდოვდა ნობელის პრემიით ლიტერატურის დარგში, თუმცა მან ჯილდოზე უარი განაცხადა.
ბიოგრაფია
[რედაქტირება | წყაროს რედაქტირება]ჟან-პოლ-შარლ-ელიმარ სარტრი (ფრანგ. Jean-Paul Charles Aymard Sartre) დაიბადა 1905 წლის 21 ივნისს პარიზში, ბურჟუაზიულ ოჯახში. მამა სამხედრო პირი იყო, დედა კი — ალზასელი პროფესორების, შვაიცერების, ოჯახის შვილი. პატარა სარტრის დაბადებიდან ცოტა ხანში მამა ყვითელი ციებით გარდაიცვალა. მამის ადგილი დაიკავა მკაცრი და ავტორიტეტული ხასიათის ბაბუამ, რომელიც ზრუნავდა შვილიშვილის განათლებაზე სკოლაში შესვლამდე. 1907-დან 1917 წლამდე პატარა „პულუ“ (ასე უწოდებდნენ სარტრს ბავშვობაში) დედის მშობლებთან ცხოვრობდა, სადაც მას ანებივრებდნენ და ყველა სურვილს უსრულებდნენ. ამან ბავშვში ერთგვარი ნარცისიზმი განავითარა. შვეიცერების დიდ ბიბლიოთეკაში სარტრი ადრევე აღმოაჩენს ლიტერატურას და თანატოლებთან თამაშს კითხვას ამჯობინებს.
1917 წელს სარტრის დედა მეორედ გათხოვდა კაცზე, რომელიც ჟან-პოლს სიცოცხლის ბოლომდე სძულდა. ისინი ლა როშელში გადადიან საცხოვრებლად, სადაც სარტრი 15 წლის ასაკამდე დარჩება. 1921 წელს ბავშვი ავად გაახდა და სასწრაფოდ პარიზში გადაიყვანეს, სადაც დატოვეს კიდეც სასწავლებლად ლიცეუმში. ლიცეუმში სარტრი გაიცნობს და დაუმეგობრდება პოლ ნიზანს. ამ პერიოდში წერს ორ პატარა მოთხრობას, რომლებშიც საზოგადოებრივი პირობითობებით გაჯერებულ ცხოვრებაზე ირონიითაა ლაპარაკი. ლიცეუმში 2 წლის სწავლის შემდეგ სარტრი და ნიზანი უმაღლეს პედაგოგიურ სასწავლებელში ჩაირიცხებიან. აქ სარტრი გამოირჩევა თავისი პროვოკატორულობით, მორალური ავტორიტეტის წინააღმდეგ ბრძოლით. გარდა ამისა, იგი ძალიან დიდ შრომისმოყვარეობასაც იჩენს.
უმაღლეს სასწავლებელში სწავლის პირველი 4 წლის მანძილზე სარტრი არ ინტერესდება პოლიტიკით. იგი სპონტანური ანარქისტია და არც ერთ მანიფესტაციაზე არ დადის.
1928 წელს იგი გაიცნობს სიმონა დე ბოვუარს, რომელიც ცხოვრების ბოლომდე მისი კომპანიონი იქნება. 1929 წელს იგი ჩააბარებს ფილოსოფიაში საკნდიდატო გამოცდას და ფილოსოფიის პროფესორად ინიშნება ჰავრში, შემდეგ კი პარიზში.
1933–1934 წლებში სარტრი ბერლინში იმყოფება და ახლოს ეცნობა ჰუსერლის ფილოსოფიას.
1938 წელს გამოდის მისი პირველ რომანი გულისრევა, რომელიც ლიტერატურულ მოვლენად იქნება შეფასებული.
![](http://upload.wikimedia.org/wikipedia/commons/thumb/e/e1/Sartrebeauvoir.jpg/200px-Sartrebeauvoir.jpg)
1942 წელს სარტრი თავს ანებებს მასწავლებლობას. მეორე მსოფლიო ომის შემდეგ იგი პოლიტიკით იტერესდება. 1945 წელს აარსებს ჟურნალს les temps modernes, რომლის მთავარი მიზანი არის ბურჟუაზიული საზოგადოების ტრანსფორმირება. იგი გამოდის ალჟირის ომისა და გენერალი დე გოლის, 1968 წლიდან კი კომუნისტური პარტიის წინააღმდეგ.
1964 წელს სარტრი უარს ამბობს ნობელის პრემიის მიღებაზე.
ჟან-პოლ სარტრი გარდაიცვალა 1980 წლის 15 აპრილს. 50 000 ადამიანი მიაცილებდა მის ნეშტს. იგი დაკრძალულია მონპარნასის სასაფლაოზე.
შემოქმედება
[რედაქტირება | წყაროს რედაქტირება]ფილოსოფია
[რედაქტირება | წყაროს რედაქტირება]სარტრის შემოქმედებაში მთავარი მისი ფილოსოფიაა. ეს არის ეგზისტენციალიზმი, რომლის მთელი აზრი სარტრთან ერთ ფრაზაშია მოქცეული: „არსებობა წინ უსწრებს არსს.“ ესე იგი, ადამიანი ჯერ არსებობს და შემდეგ განსაზღვრავს თავის თავს. არ არსებობს არანაირი წინასწარ გასაზღვრული ადამიანური ბუნება ან ბედი. ადამიანი მარტოა სამყაროში და არანაირი დახმარების იმედი არ უნდა ჰქონდეს. თუ რად იქცევა იგი, მხოლოდ და მხოლოდ მასზევეა დამოკიდებული, რადგან იგი აბსოლუტურად თავისუფალია არჩევანში, იგი „განწირულია თავისუფლებისთვის“. ადამიანი ნებისმიერ შემთხვევაში აკეთებს არჩევანს, რადგან არჩევანის არ გაკეთებაც არჩევანია. ასე რომ, სარტრის ფილოსოფია მოქმედებისკენ მიისწრაფვის. არჩევანის გაკეთებას სარტრთან ანგაჟირება ეწოდება. სანამ ამას გააკეთებს, ადამიანი მხოლოდ არსებობაა, ანუ en-soi, ხოლო როცა იწყებს მოქმედებას, ხდება pour-soi. მაგრამ ეს უკანასკნელი, ანუ თავისივე შექმნილი სამყარო საფრთხეში ვარდება, როცა იგი გარდაიქცევა სხვათა დაკვირვების ობიექტად. აქედან გამომდინარეობს სარტრის ცნობილი ფრაზა: „ჯოჯოხეთი სხვებია.“ ამდენად, ადამიანი მუდმივ საფრთხეშია, ჩაკეტილია საკუთარ თავში იმის შიშით, რომ სხვები მას გაანადგურებენ.
ბიბლიოგრაფია
[რედაქტირება | წყაროს რედაქტირება]- წარმოსახვა (1936)
- ეგოს ტრანსცენდეცია (1937)
- გულისრევა (1938)
- კედელი (1939)
- ემოციების თეორიის ესკიზი (1939)
- წარმოსახული (1940)
- ბარონია (1940)
- ბუზები (ჟან-პოლ სარტრი) (1943)
- არსებობა და არარაობა (1943)
- ცხრაკლიტული (1944)
- თავისუფლების გზები (1945)
- ეგზისტენციალიზმი ჰუმანიზმია (1945)
- დაუსაფლავებელი მკვდრები (1946)
- მსჯელობა ებრაულ საკითხზე (1946)
- პატივსაცემი მეძავი (1946)
- ბოდლერი (1946)
- საკუთარი თავის ცნობა და შეცნობა (1947)
- სიტუაციები I (1947)
- თამაშები შემდგარია (1947)
- ჭუჭყიანი ხელები (1948)
- ჯაჭვი (1948)
- სიტუაციები II (1948)
- სიტუაციები III (1949)
- საუბრები პოლიტიკაზე (1949)
- ეშმაკი და უფალი ღმერთი (1951)
- წმინდა ჟენე, მსახიობი და მარტვილი (1952)
- ანრი მარტენის საქმე (1953)
- ნაკრასოვი (1955)
- დიალექტიკური გონების კრიტიკა, ტომი I (1960)
- სიტყვები (1963-1964)
- სიტუაციები IV (1964)
- სიტუაციები V (1964)
- სიტუაციები VI (1964)
- ტროელები (1965)
- სიტუაციები VII (1965)
- ოჯახის იდიოტი (1971-1972) sur Gustave Flaubert (გიუსტავ ფლობერი)
- სიტუაციები VIII (1972)
- სიტუაციები IX (1972)
- სიტუაციების თეატრი (1973)
- ამბოხების გონი აქვთ (1974)
- სიტუაციები X (1976)
- ლიტერატურული კრიტიკები
- რა არის ლიტერატურა ?
რესურსები ინტერნეტში
[რედაქტირება | წყაროს რედაქტირება]- საიტი სარტრის შესასხებ
- სარტრის "სიტყვები" მიმოხილვა
- სტატიები სარტრზე იტალიურ ენაზე
- სარტრის ციტირებები
- ჟან-პოლ სარტრის ბიოგრაფია და ციტირებები
- სარტრის შემოქმედების ანალიტიკური კვლევები დაარქივებული 2006-11-25 საიტზე Wayback Machine.
სქოლიო
[რედაქტირება | წყაროს რედაქტირება]- ↑ 1.0 1.1 1.2 Deutsche Nationalbibliothek Record #11860564X // ინტეგრირებული ნორმატიული ფაილი — 2012—2016.
- ↑ 3.0 3.1 SNAC — 2010.
- ↑ ბროდვეის ინტერნეტ მონაცემთა ბაზა — 2000.
- ↑ 5.0 5.1 Find a Grave — 1996.
- ↑ 6.0 6.1 Internet Speculative Fiction Database — 1995.
- ↑ 7.0 7.1 NooSFere — 1999.
- ↑ 8.0 8.1 filmportal.de — 2005.
- ↑ 9.0 9.1 ბროკჰაუზის ენციკლოპედია
- ↑ 10.0 10.1 Dobson A. Sartre, Jean-Paul // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T076087
- ↑ 11.0 11.1 Gran Enciclopèdia Catalana — Grup Enciclopèdia, 1968.
- ↑ 12.0 12.1 GeneaStar
- ↑ 13.0 13.1 Roglo — 1997. — 10000000 ეგზ.
- ↑ 14.0 14.1 Internet Philosophy Ontology project
- ↑ 15.0 15.1 AlKindi
- ↑ 16.0 16.1 Babelio — 2007.
- ↑ Brozović D., Ladan T. Hrvatska enciklopedija — LZMK, 1999. — 9272 გვრ.
- ↑ 18.0 18.1 18.2 18.3 18.4 Archivio Storico Ricordi — 1808.
- ↑ 19.0 19.1 19.2 19.3 19.4 The Fine Art Archive — 2003.
- ↑ 20.0 20.1 Munzinger Personen
- ↑ 21.0 21.1 Педагоги и психологи мира — 2012.
- ↑ https://www.landrucimetieres.fr/spip/spip.php?article994
- ↑ Libraries Australia Authorities
- ↑ The Nobel Prize in Literature 1964 — ნობელის ფონდი.
- ↑ The Nobel Prize amounts — ნობელის ფონდი.
- ↑ 26.0 26.1 Bakewell S. Au café existentialiste — Éditions Albin Michel, 2018. — P. 490. — ISBN 978-2-253-25783-7
|
- დაბადებული 21 ივნისი
- დაბადებული 1905
- გარდაცვლილი 15 აპრილი
- გარდაცვლილი 1980
- ნობელის პრემიის ლაურეატები ლიტერატურაში
- ხელოვნებისა და მეცნიერების ამერიკული აკადემიის წევრები
- ჟან-პოლ სარტრი
- ფრანგი მწერლები
- ფრანგი დრამატურგები
- ათეისტი ფილოსოფოსები
- ათეისტი მწერლები
- ეგზისტენციალისტები
- ფრანგი ანარქისტები
- ფრანგი ათეისტები
- ფრანგი ჰუმანისტები
- ფრანგი ლიტერატურის კრიტიკოსები
- ფრანგი მარქსისტები
- მარქსისტი ჰუმანისტები
- მარქსისტი მწერლები
- ონტოლოგები
- ფენომენოლოგები
- პარიზელი მწერლები
- XX საუკუნის ფრანგი ფილოსოფოსები
- XX საუკუნის ათეისტები
- XX საუკუნის ფრანგი რომანისტები
- XX საუკუნის ბიოგრაფები
- XX საუკუნის ფრანგი დრამატურგები
- ფრანგი ათეისტი მწერლები
- ეპისტემოლოგები
- ნობელის პრემიის ლაურეატები ანბანის მიხედვით
- ედემით გარდაცვლილები
- გონების ფილოსოფოსები