Kevili
![]() | |
Klass |
psephite, karrek glastek ![]() |
---|---|
![]() |
Kevili yw karrek wodhosek klastek komposys a dharnow myns grow po buli kromm po goelinek yn matriks a wodhesow gans perthyglow le, kepar ha tewes, fennleys po pri. An klastow ha matriks yw kelmys gans kalciom karbonat, horn oksid, silika po pri kaleshes. Gelwys yw kevili gans klastow trihornek po elynnek avel brecchia.
Kevili a furv pan vo grow menhes. I a hwer yn gweliow a bub oos dororiethel, mes i yw le ages 1% a dhalghedh karrygi godhosek oll. Hevelep yns i dhe grag yn aga furvow.
Kerghynedhow godhosek
Kevili yw godhosys yn niver a gerghynedhow godhosek.
- Keynvorow down - gelwys yw godhesow a'n kerghynnedh ma avel turbidites. Yn tipek i yw digemyskys gans klastow kromm.
- Keynvorow bas - kevili dhyworth an kerghynnedh ma a dhiskwedh tyller an arvor y'n termyn a vons gwrys.
- Avonow - kevili godhesys yn avonow yw digemyskys gans klastow kromm treusperthys avel karg gweli yn kevradhow liv meur.
- Fennvaow - avonow a dhiskarg godhesow ogas dhe venydhyow pan hwrello drehedhes tir isel.
- Rewlivel - rewlivow a dreusperth godhesow a vynsow kemysk (rewtinyow). Furv a gevili yw rewtinyowit (tillite), pan vo rewtinyow menhes.
Ensamplow war Veurth
War an planet Meurth, ensamplow a gevili veu kevys gans gwandras NASA 'Curiosity' yn tyller henwys "Hottah". Gwirhaval yw an kevili dhe furvya war weli gover nans yw bilvilyow a vledhynnyow. An perthyglow yw yntra myns tewes ha pelyow golf. Hwithrans a dhiskwedhas an gover dhe liva orth gevradh kerdhes gans downder a feter.
-
Kevili
-
Kevili war an planet Meurth (Hottah)
-
Kevili dhyworth treth koth
-
Fennva yn Death Valley, Kaliforni le mayth yw kevili godhesys gans goverow wosa hager-awel.