SimilarWeb

SimilarWeb Ltd (СимиларВеб, англ. similar — "окшош, бирдей" жана web — "желе"), мурда SimilarGroup болчу — маалыматтык технологиялар чөйрөсүндө иштеп жаткан компания. 2007-жылы август айында Ор Оффер тарабынан негизделген. Баш кеңсеси Улуу Британиянын Лондон шаарында жайгашкан. Фирма эл аралык корпорацияларга веб-аналитика, берилиштердин терең анализи жана бизнес анализ кызматтарын сунуштайт. Компания SimilarWeb деп аталган платформасынын жардамы менен веб-сайттардын жана мобилдик колдонмолордун колдонуучуларынын жүрүм-турум моделдери жана катышуу статистикалары жөнүндө берилиштерди чогултуу, эсептөө жана талдоо үчүн көп маалыматтарды иштетүүчү технологияларды колдонот.