Camtschatca
![](http://upload.wikimedia.org/wikipedia/commons/thumb/0/00/Kamchatka_peninsula_topo.jpg/220px-Kamchatka_peninsula_topo.jpg)
![](http://upload.wikimedia.org/wikipedia/commons/thumb/5/5b/%D0%9A%D0%B0%D1%80%D1%82%D0%B0_%D0%94%D0%B0%D0%BB%D1%8C%D0%BD%D0%B5%D0%B3%D0%BE_%D0%92%D0%BE%D1%81%D1%82%D0%BE%D0%BA%D0%B0.jpg/220px-%D0%9A%D0%B0%D1%80%D1%82%D0%B0_%D0%94%D0%B0%D0%BB%D1%8C%D0%BD%D0%B5%D0%B3%D0%BE_%D0%92%D0%BE%D1%81%D1%82%D0%BE%D0%BA%D0%B0.jpg)
Camtschatca[1] seu Camtschatka[2] (Russice Камчатка, tr. Kamčatka), seu phonetice nostris auribus melius Camsatca[3] et Camptiadica[4], est paeninsula in Asia septentrionali et orientali, inter mare Ochotense ad occidentem et mare Beringianum oceanumque Pacificum ad orientem sita. In dicione Russiae est, in cuius territorio Camsatico includitur.
Geographia
[recensere | fontem recensere]Camsatca, aream circa 270 milia chm2 habens, secunda a maxima paeninsula Russica est. Maximum paeninsulae flumen etiam Camsatca vocatur. Iugum Medium (Sredinnyj) paeninsulam dimidiat.
Vulcanismus
[recensere | fontem recensere]In Camtschatca sunt plus centum et sexaginta vulcani, quorum sexaginta octo sunt activi.[5] Mons Fontinalis altissimus est; prope quem et mons Innominatus stat; mons Avaczensis et mons Coraecicus in parte Camtschatcae meridiana prope portum Petri et Pauli siti sunt. In paeninsula Kronokiensi[6] prope montem igniferum Kronokiensem et Vallis scauturiginum geyzerianarum, aquarum calidarum salientium abundans, sita est. Shivelucz est montium igniferorum Camtschatkae erumpentium maxime septentrionalis.
Notae
[recensere | fontem recensere]- ↑ Petri Pallas Zoographia rosso-asiatica (Petropoli, 1811), 313 Caroli a Linné species plantarum, tomus 5 (Berolini, 1830), 10.
- ↑ Atlas Russicus (Petropoli, 1745), 8.
- ↑ Ex opinabili exemplari Anglico.
- ↑ Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 485.
- ↑ Полуостров Камчатка (Russice).
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Кроноцкий..
Nexus externi
[recensere | fontem recensere]![]() |
Vicimedia Communia plura habent quae ad Camtschatcam paeninsulam spectant. |
![]() |
Situs geographici et historici: Locus: 57°0′0″N 160°0′0″E • OpenStreetMap • GeoNames • Store norske Lexikon • Treccani |