Matirde de Canossa
ZE-P
|
Sta paggina chie a l'è scrita in zeneize, co' ina grafia tipo quella do Prian do 1745 |
Matirde de Canossa (1046 - 1115).
Vìtta
[modìfica | modìfica wikitèsto]Figgia de Bonifaçio, marcheize de Toscaña, e da contessa Beatrixe de Lotaringia. Sposa do Gofreddo o Zembo (1069), ducca de Loreña, da pœu a se maiò torna, pe di motivi politichi, co-o Guerfo V de Bavea (1089); a visse into periodo ciu agúo da lotta de investitûe, e a fu a ciu valida sostegnitrixe da politica papâ.
O so dominio o s'estendeiva sorvetutto inte l'Italia settentrionâ, co-i comitæ de Brescia, Bergamo, Mantoa, e inte l'Italia centrâ con Areçço, Siena, Cornieo; inoltre a g'aveiva di ben inta Loreña.
L'episodio curminante do duello tra a Gexa e l'Impeo, l'umiliaçion de l'Enrico IV denanti a-o pontefixe Grigœu VII, o l'avegne into 1077 into castello de Canossa, de propietæ da contessa. Ciu tardi, into 1081, l'Enrico o depose a Matirde da ogni so drito e l'anno doppo o ghe levò squæxi tutti i ben.
Ma lê a continuò a inviâ agiutti a pappa Grigœu assediao in Romma, e ascì doppo a morte do pappa, malgrao e sconfite e persecuçioin, a rescistette a Canossa, ariescindo, primma da so morte, a vedde ben megioæ e condiçioin do so partio.
A fu sepelia inta badia de San Beneito de Poliron; in Basilica do San Pê a Romma ghe fu eretto, into sec. 17º, un monumento grandioso (œuvia de Gian Loenço Bernini) e fu intitolao a lê a cappella privâ do pontefixe (co affreschi do Romanelli).
Lasciando parte di so ben in ereditæ a-a Gexa, a dette motivo a un longo ciæto tra i pappi e i imperatoî, dæto che quest'urtimi ne rivendicavan o possesso comme superioî fœüdæ e i primmi se refaxeivan a-o testamento da contessa.
Una biografia celebrativa de Matirde a l'è quella trasmissane da Donizon (tra di atri codexi, notevoliscimo pe miniatue quello conservao inta Biblioteca Vaticaña).
Atri progètti
[modìfica | modìfica wikitèsto]Wikimedia Commons a contêgne di files in sce Matirde de Canossa
Contròllo de outoritæ | VIAF (EN) 37711457 · ISNI (EN) 0000 0000 8117 1784 · SBN (IT) SBLV199947 · LCCN (EN) n81003591 · GND (DE) 118731726 · BNF (FR) cb119739115 (data) · BNE (ES) XX1025484 (data) · BAV (EN, IT) 495/53351 · CERL cnp01319702 · WorldCat Identities (EN) n81-003591 |
---|