വിക്കിപീഡിയ:വർഗ്ഗീകരണം
വിക്കിപീഡിയയില് ഉപയോഗിക്കുന്ന സോഫ്റ്റ്വെയറിന്റെ ഒരു പ്രതേകതയാണ് വര്ഗ്ഗീകരണം, ലേഖനങ്ങള് വര്ഗ്ഗങ്ങളില് ചേര്ക്കാന് ഇതു സാധ്യമാക്കുന്നു, ഇതുവഴി വായനക്കാര്ക്ക് വിഷയസംബന്ധമായ ലേഖനങ്ങള് എളുപ്പത്തില് കണ്ടുപിടിക്കുവാന് കഴിയുന്നു. വര്ഗ്ഗങ്ങള് മറ്റ് വര്ഗ്ഗങ്ങളുടെ ഉപവര്ഗ്ഗങ്ങളായി ചേര്ക്കാനും സാധിക്കുനതാണ്, ഇത് ഇത് ബന്ധപ്പെട്ട വിഷയങ്ങളടെ വൃക്ഷരൂപം ഉണ്ടാകുന്നതിനും അവയിലൂടെ സുഗമമായ സഞ്ചാരം സാധ്യമാക്കുകയും ചെയ്യുന്നു. അതുവഴി വായനക്കാരന് ഒരു വിഷയത്തിലെ ലേഖങ്ങള് നിലനില്ക്കുന്നുണ്ടോ എന്നോ അവയുടെ തലക്കെട്ട് എന്താണെന്നോ അറിയാതെയും അവ കണ്ടെത്തുന്നതിന് സഹായിക്കുന്നു.
വര്ഗ്ഗങ്ങളുടെ പ്രവര്ത്തനം എങ്ങിനെയാണ്
തിരുത്താന് സാധ്യമായ ഏതു താളിലും വര്ഗ്ഗം:''നാമം'' എന്നു ചേര്ക്കുന്നത് ആ താളിനെ നാമം എന്ന വര്ഗ്ഗത്തില് ഉള്പ്പെടുത്തുന്നതിന് കാരണമാകുന്നു. ഇത് ഉള്ളടക്കത്തില് എവിടെ ചേര്ത്താലും താളിനു ഏറ്റവും താഴെയായി വര്ഗ്ഗങ്ങള്ക്കുള്ള പെട്ടിയില് അതിനുള്ള കണ്ണി പ്രത്യക്ഷമാകും. "വര്ഗ്ഗം:നാമം" എന്ന താളിലേക്കായിരിക്കും ഈ കണ്ണി ലക്ഷ്യം വെക്കുന്നത്, ആ താള് നിലവിലില്ലെങ്കില് കണ്ണി ചുവന്ന നിറത്തില് കാണപ്പെടും. സാധാരണയായി താളിന്റെ ഉള്ളടക്കത്തില് ഏറ്റവും താഴെയായി അപൂര്ണ്ണ ഫലകങ്ങള്ക്കും ഇതരഭാഷ കണ്ണികള്ക്കും തൊട്ട് മുകളിലായാണ് ഇവ ചേര്ക്കുക.
സാധാരണ തിരുത്താവുന്ന താളുകള് തന്നെയാണ് വര്ഗ്ഗം താളുകളും (വര്ഗ്ഗം: എന്ന നേംസ്പേസിലാണ് ഇവയുണ്ടാവുക), പക്ഷെ പ്രതേക രീതിയിലാണ് ഇവയുടെ പ്രദര്ശനം - വര്ഗ്ഗത്തില് ഉള്പ്പെടുത്തിയിട്ടുള്ള എല്ലാ താളുകളും അതില് പട്ടിക രൂപത്തില് കാണിച്ചിരിക്കും, വര്ഗ്ഗത്തില് ഉള്പ്പെടുത്തിയിരിക്കുന്ന ഏതെങ്കിലും താള് വര്ഗ്ഗം താളാണെങ്കില് അതിനെ ഒരു ഉപവര്ഗ്ഗമായി പരിഗണിക്കുകയാണ് ചെയ്യുക. അല്ലെങ്കില് അതിനെ ഒരു അംഗമായ താള് ആയി പരിഗണിക്കും; ഇത്തരം അംഗങ്ങളായ താളുകളെ ഉപവര്ഗ്ഗങ്ങളെ താഴെയായി പ്രദര്ശിപ്പിച്ചിരിക്കും. വര്ഗ്ഗത്തിന്റെ താളിലേക്ക് ചേര്ക്കുന്ന സാധാരണ ടെക്സ്റ്റ് ഉള്ളടക്കങ്ങള് ഉപവര്ഗ്ഗങ്ങളുടേയും അംഗതാളുകളുടെയും പട്ടികള്ക്ക് മുകളിലായി പ്രദര്ശിപ്പിക്കപ്പെടും.
മറ്റ് താളുകളില് നിന്ന് വര്ഗ്ഗം താളിലേക്ക് ഒരു കണ്ണി നല്കണമെങ്കില് "വര്ഗ്ഗം" എന്നതിനു മുന്പ് ഒരു കോളന് ചേര്ത്താല് മതി, ഉദാഹരണത്തിന് [[:വര്ഗ്ഗം:ശാസ്ത്രം]] എന്നു നല്കിയാല് വര്ഗ്ഗം:ശാസ്ത്രം എന്ന കണ്ണി ലഭിക്കുന്നതാണ്. ഇത്തരം കണ്ണികള് ആ താളിനെ വര്ഗ്ഗത്തിലേക്ക് ചേര്ക്കുകയില്ല കൂടാതെ അവയെ സാധാരണ വിക്കികണ്ണികളെ പോലെ ഉപയോഗിക്കാവുന്നതാണ്.
വര്ഗ്ഗ വ്യവസ്ഥ
വിക്കിപീഡിയിലെ വര്ഗ്ഗങ്ങളെല്ലാം ചേര്ന്ന് പരസ്പരം വ്യാപിച്ചു കിടക്കുന്ന വൃക്ഷങ്ങളിലായി വ്യത്യസ്ഥതലങ്ങളിലായി ക്രമീകരിക്കപ്പെട്ട നിലയിലുള്ള ഒരു ഘടന രൂപം കൊള്ളുന്നു. ഉപവര്ഗ്ഗങ്ങള്ക്ക് ഒന്നില്കൂടുതല് മാതൃവര്ഗ്ഗങ്ങള് ആവാമെന്നതിനാല് വിക്കിയിലെ വര്ഗ്ഗങ്ങളെല്ലാം ചേര്ന്ന് ഒരു വൃക്ഷം മാത്രമല്ല രൂപം കൊള്ളുക, പരസ്പരം വ്യാപിച്ചുകിടക്കുന്ന വൃക്ഷങ്ങളായാണ് അവ നിലകൊള്ളുക.
അടിസ്ഥാനപരമായ രണ്ട് തരത്തിലുള്ള വര്ഗ്ഗങ്ങളാണുണ്ടാവുക:
- വിഷയ വര്ഗ്ഗങ്ങള് - ഇവ ഒരു പ്രതേക വിഷയത്തിലുള്ള ലേഖങ്ങളെ ഉള്ക്കൊള്ളുന്നു; ഉദാഹരണത്തിന് വര്ഗ്ഗം:സംഗീതം എന്ന വര്ഗ്ഗത്തില് സംഗീതവുമായി ബന്ധപ്പെട്ട ലേഖനങ്ങളാണുണ്ടാവുക.
- പട്ടിക വര്ഗ്ഗങ്ങള് - ഇവ ഒരു പ്രതേക ഗണത്തില്പ്പെട്ട വിഷയങ്ങളുമായി ബന്ധമുള്ള ലേഖങ്ങള് ഉള്ക്കൊള്ളുന്നു; ഉദാരണത്തിന് വര്ഗ്ഗം:സംഗീതജ്ഞര് എന്നതില് സംഗീതജ്ഞരെപ്പറ്റിയുള്ള ലേഖങ്ങള് ഉള്ക്കൊള്ളിച്ചിരിക്കുന്നു.