Майнц
Майнц
| |
---|---|
Висбаденаас харагдах Майнцын сүмийн үзэмж Захын талбай дахь байшингууд Хуучин хот Юденсанд (Еврейчүүдийн элс) оршуулгын газар Майнцын сүм болон Райн мөрөн | |
| |
Улс | ![]() |
Муж | Райнланд-Пфальц |
Тойрог | Хотын тойрог |
Байгуулагдсан | МЭӨ 13/12 он |
Хуваалт | 15 дүүрэг |
Засаг захиргаа | |
• Хотын дарга (2023–31) | Нино Хаасе[1] (Бие даагч) |
Газар нутаг | |
• Нийт | 97.75 км2 (37.74 бээр2) |
Хамгийн өндөр цэг | 285 м (935 фут) |
Хамгийн нам цэг | 85 м |
Хүн ам (2021-12-31)[2] | |
• Нийт | 217,556 |
• Нягтрал | 2,200/км2 (5,800/бээр2) |
Цагийн бүс | UTC+01:00 (ТЕЦ) |
• Зун (ЗЦ) | UTC+02:00 (ТЕЗЦ) |
Шуудангийн код | 55116–55131 |
Залгах код | 06131, 06136 |
Улсын дугаар | MZ |
Вэб сайт | www.mainz.de |
Майнц хот нь германы Райнланд-Пфальц муж улсын нийслэл бөгөөд нийт 204.268 оршин суугчтай томоохон хотуудын нэг юм.
Түүх
[засварлах | кодоор засварлах]Эртний болон дундад зууны үе
[засварлах | кодоор засварлах]Энэ газар нутагт сүүлчийн мөстлөгийн үед буюу 20.000-25.000 жилийн өмнө анчид ан ав хийж байсан ул мөрийг 1921 онд олдсон олдворууд нотолж байгаа юм.
Майнц хотын анхны байнгын оршин суугчид нь Кельтчүүд байв. Кельтчүүд нь МЭӨ Рейн мөрний орчим нутагт ихээхэн хүчээ авч байжээ. МЭ-ний 4-р зууны дунд үед Бишофийн удирдлага дор христийн шашинтангууд бий болсон аж. Ойролцоогоор 406 оны үед Майнц хотыг Вандален, Аланен болон Зубен нар эзлэн сүйтгэжээ. Баруун Ромын Эзэнт Гүрний задран унасаны дараа тус хотын аажмаар буцаж сэргэж эхэлсэн бөгөөд 480 он гэхэд френкийн эздэд харъяалагдах болов.
782 оноос эxлэн 1244 он хүртэл энэ хотын төрийн хэргийг ромын-католик шашинтангууд, шашин төрийг хослуулан эрхэлж байв. 1244 оноос эхлэн шашны нөлөө төрийн хэрэгт зөвхөн нэр төдий болж үлдсэн аж. Үүнээс гадна иргэдийг хүчээр хөдөлмөрлүүлэхийг хориглосон бөгөөд харин хотыг хамгаалах дайн тулаанд бүгд дуудагдан орох ёстой байв.
1477 онд анхны их сургууль үүсгэн байгуулагдсан. 1450 онд Иоханнес Гутенберг нь анхны хэвлэх машиныг зохион бүтээсэн байна. 16-р зуунд энэ хотыг тойруулан бүрэн хэрэм барисан ба энэ хэрэм нь 20-р зуун хүртэл хотыг цаашид хөгжих хөгжлийн саад болж байв. Хэдийгээр ийм хэрэм байсан боловч 30 жилийн дайны үед шведийн арми Майнц хотыг ямар тэмцэлгүйгээр буулган авч байсан байна. Хэрэмтэй холбоотойгоор хүн амын тоо ч гэсэн 30.000 илүү гарч байгаагүй аж.
Орчин үеийн Майнц
[засварлах | кодоор засварлах]20-р зууны эхээр Майнц хотын хүн амын тоо огцом өсөн 100.000 хүрч том хот болов.
Дэлхийн 1-р дайны дараа францчууд тус хотыг мэдэлдээ авсан бөгөөд энэ нь 1930 он хүртэл үргэлжлэв. Тиймээс ч 20-иод оны хөгжил цэцэглэлт энэ хотыг тойрч өнгөрсөнтэй адил байлаа. Национал социализмын эхэн үед хотын иргэд шинэ системийг дэмжихээс илүү эсэргүүцэн жагссан нь их байв. Хэдий тийм ч 3000 гаран нацист гишүүд нь тус хотын ихэнх еврей иргэдийг хөөн зайлуулсан байна.
Дэлхийн 2-р дайн тус хотыг 1942 он хүртэл тойрч гарсан бол харин энэ цагаас эхлэн бага багаар нэмэгдсээр 1945 оны 2 сарын-27-нд английн нисэх хүчний бөмбөгдөлтөнд бараг 80% нь сүйдсэн байна. Энэ дайны дараа дахиад л францын мэдэлд очсон байна.
Газар зүй
[засварлах | кодоор засварлах]Байрлал
[засварлах | кодоор засварлах]![](http://upload.wikimedia.org/wikipedia/commons/thumb/e/e7/Mainz_aerial_photograph.jpg/220px-Mainz_aerial_photograph.jpg)
![](http://upload.wikimedia.org/wikipedia/commons/thumb/e/ec/50._Breitengrad_in_Mainz.jpg/220px-50._Breitengrad_in_Mainz.jpg)
Майнц хот нь Майн голын Рейн мөрөнтэй цутгах уулзвар дээр оршиx бөгөөд Райнланд-Пфальц мужийн таван том төв хүн ам төвлөрсөн газруудын нэг юм. Үүнээс гадна Рейн мөрний нөгөө талд орших Хессен мужийн нийслэл Висбаден хоттой нийлэн муж улсууд дамнасан давхар нийслэлийг үүсгэх ба нийлээд барагцаагаар 480.000 хүн амтай болдог. Майнц хотын ойролцооx том хотуудын тоонд Майны Франкфурт, Дармштадт, Рейний Лудвигсхафен болон Манхайм ордог. Майнц нь тойроггүй хот юм.
Майнц хот нь Рейн мөрний баруун талд далайн төвшнөөс дээш 82-245 м-т өндөрт оршдог. Майнц хот дундуур газар зүйн бүсчлэлийн хойд хагасын 50°-н өргөрөг дайран өнгөрдөг. Хөрш хот болон тойрог хотын тоонд Висбаден, Гинсхайм-Густавсбург (Гросс-Герау тойрогт харъяалагдана), Майнц-Бингений тойрог (үүнд: Боденхайм, Гау-Бишофсхайм болон Харксхайм хамаарна), Цорнхайм, Доод-Олм, Дээд-Олм, Клайн-Винтерхайм, Эссенхайм, Ваккернхайм, Рейний Хайдесхайм болон Буденхайм орно.
Хотын дүүргүүд
[засварлах | кодоор засварлах]![](http://upload.wikimedia.org/wikipedia/commons/thumb/7/78/Mainz_subdivisions.svg/220px-Mainz_subdivisions.svg.png)
Майнц хот нь 15 дүүрэгт хуваагддаг.
Д/д. | Дүүрэг | Газар нутаг км² |
Хүн ам | Хүн ам км² тутамд |
Гадаадын иргэд |
Гадаад иргэдийн эзлэх хувь (хувиар %) |
---|---|---|---|---|---|---|
15 | Алтштадт | 2,414 | 17.009 | 7.046 | 3.044 | 17,9 |
16 | Нойштадт | 3,661 | 27.175 | 7.423 | 6.013 | 22,1 |
24 | Оберштадт | 5,868 | 21.054 | 3.588 | 4.084 | 19,4 |
25 | Хартенберг-Мюнхфелд | 3,427 | 16.749 | 4.887 | 3.196 | 19,1 |
31 | Момбах | 6,316 | 13.457 | 2.131 | 3.246 | 24,1 |
41 | Гонзенхайм | 9,127 | 23.825 | 2.610 | 3.088 | 13,0 |
42 | Финтен | 11,061 | 14.296 | 1.292 | 1.892 | 13,2 |
51 | Бретценхайм | 10,651 | 19.521 | 1.833 | 2.538 | 13,0 |
52 | Мариенборн | 3,015 | 4.274 | 1.418 | 793 | 18,6 |
53 | Лерхенберг | 2,411 | 5.960 | 2.472 | 935 | 15,7 |
54 | Драйс | 3,078 | 3.087 | 1.003 | 170 | 5,5 |
61 | Хехтсхайм | 14,043 | 15.142 | 1.078 | 1.843 | 12,2 |
62 | Эберсхайм | 9,833 | 5.580 | 567 | 573 | 10,3 |
71 | Вайзенау | 4,056 | 11.803 | 2.910 | 2.510 | 21,3 |
72 | Лаубенхайм | 8,789 | 8.971 | 1.021 | 893 | 10,0 |
Муж улсын нийслэл Майнц | 97,750 | 207.903 | 2.127 | 34.818 | 16,7 |
Уур амьсгал
[засварлах | кодоор засварлах]![](http://upload.wikimedia.org/wikipedia/commons/thumb/d/d6/MAINZ_nieder.svg/220px-MAINZ_nieder.svg.png)
Жилд орох хур тунадасны хэмжээ 613 мм бөгөөд хамгийн бага хур тунадастай сар нь 2-р сар бол харин хамгийн их хур тунадас ордог сард зургаадугаар сар орно. Энэ сард орох хур тунадасны хэмжээг хоёрдугаар сартай харьцуулбал 1,7 дахин их хур тунадас ордог байна.
Жилийн дундаж температур нь 10,1 °C[5] бөгөөд үүгээр германы жилийн дундаж температураас нэлээд өндөр температур юм.
Сарын дундаж температур болон хур тунадасны хэмжээ: Майнц
Эх сурвалж: Intellicast[6]
|
Хотын дүр төрх
[засварлах | кодоор засварлах]Зургийн цомог
[засварлах | кодоор засварлах]![](http://upload.wikimedia.org/wikipedia/commons/thumb/e/e0/Mainz_May2007_cropped.jpg/900px-Mainz_May2007_cropped.jpg)
![](http://upload.wikimedia.org/wikipedia/commons/thumb/4/43/Mainz_Panorama_1.jpg/900px-Mainz_Panorama_1.jpg)
![](http://upload.wikimedia.org/wikipedia/commons/thumb/9/94/Mainz_Panorama_2.jpg/900px-Mainz_Panorama_2.jpg)
![](http://upload.wikimedia.org/wikipedia/commons/thumb/7/76/Mainz_Panorama_3.jpg/900px-Mainz_Panorama_3.jpg)
Эдийн засаг болон дэд бүтэц
[засварлах | кодоор засварлах]![](http://upload.wikimedia.org/wikipedia/commons/thumb/0/0b/Mainz_Luftbild_Panorama_der_modernen_Landeshaupt-_und_Universit%C3%A4tsstadt_Mainz_Foto_2008_Wolfgang_Pehlemann_Wiesbaden_IMG_0063.jpg/220px-Mainz_Luftbild_Panorama_der_modernen_Landeshaupt-_und_Universit%C3%A4tsstadt_Mainz_Foto_2008_Wolfgang_Pehlemann_Wiesbaden_IMG_0063.jpg)
Ерөнхий мэдээлэл
[засварлах | кодоор засварлах]Эдийн засаг болон дэд бүтцийн хувьд Майнц хот нь Рейн-Майн нутагт харъяалагдана. Герман улс том хотуудаа эдийн засгаар нь харьцуулан жагсаасан жагсаалтанд 2000 оноос тогтмол дээгүүр байранд ордог. Жишээлбэл 2005 онд хийсэн <<Эдийн засгийн долоо хоног>> гэсэн судалгаагаар Майнц нь нийт судалгаанд орсон 50 хотоос дөрөвдүгээр байранд бичигдэж байсан байсан дараа жил нь тус судалгааг давтан явуулахад тавдугаар байрт орсон байна.
Зам тээврийн дэд бүтэц
[засварлах | кодоор засварлах]Хурдны зам
[засварлах | кодоор засварлах]Майнц хотыг баруунаас зүүн чиглэлд дайрсан хурдны зам A 60 байхаас гадна өмнө зүг рүү Кайзерслаутерн хотын чиглэлд A 63-р холбогдоно. Мөн түүнчлэн орон нутгийн замууд болох Б 9 болон Б 40 замууд нь хотыг дайран гардаг.
Хот хоорондын зорчигч тээврийн галт тэрэг
[засварлах | кодоор засварлах]Майнцын төв галт тэрэгний буудал дээр өдөрт нийт 104 хот хоорондын галт тэрэг ирэх буюу явах бөгөөд үүгээр нийтдээ 60.000 гаруй зорчигч тээвэрлэдэг байна.[7]
Цахим холбоос
[засварлах | кодоор засварлах]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Wiktionary: Майнц – Энэ үгийг тайлбар толиос харна уу |
Лавлах холбоос
[засварлах | кодоор засварлах]- ↑ Wahl der Oberbürgermeister der kreisfreien Städte, Landeswahlleiter Rheinland-Pfalz. Retrieved 5 July 2023.
- ↑ "Bevölkerungsstand 2021, Kreise, Gemeinden, Verbandsgemeinden" (in German). Statistisches Landesamt Rheinland-Pfalz. 2022.
{{cite web}}
: CS1 maint: unrecognized language (link) - ↑ Statistische Informationen zur Stadtentwicklung Landeshauptstadt Mainz 2015-08-24
- ↑ Flächen laut Auskunft des Amtes für Stadtentwicklung, Statistik und Wahlen. Landeshauptstadt Mainz. Vom 8. Mai 2013.
- ↑ Германы цаг уурын алба: 1961–1990 оны хоорондох дундаж температур (ZIP; 53 кБ)
- ↑ "Mainz historic weather averages". Intellicast. June 2011. Retrieved 21 September 2009.
- ↑ Angaben der Deutschen Bahn AG