Saturnmånen Mimas

Mimas

Oppdaging
Oppdagar	William Herschel
Oppdaga dato	17. september 1789
Baneparametrar
Store halvakse	185 520 km
Eksentrisitet	0,0202
Omløpsperiode	22 t 37 min 5 s
Banehelling	1,53°
Er ein satellitt til	Saturn
Fysiske eigenskapar
Middeldiameter	397,2 km
Masse	3,84·1019 kg
Middeltettleik	1,17 g/cm3
Overflategravitasjon	0,077 m/s2
Rotasjonsperiode	22 t 37 min 5 s (bunden)
Aksehelling	0,005 °
Albedo	0,77
Atmosfære	ingen

Mimas er den sjuande av planeten Saturn sine kjende månar. Mimas er oppkalla etter ein av titanane som vart felt av Herakles og vart oppdaga i 1789 av William Herschel.

Mimas' lave tettleik tyder på at den for det meste består av is, med ein liten del stein. Overflata vert dominert av eit nedslagskrater med ein diameter på 130 km ein har gjeve namnet Herschel. Krateret er så stort at det utgjer 1/3 av månen si totale diameter. Kraterveggene er omtrent 5 km høge, botnen går så djupt som 10 km, og toppen i midten står 6 km over kraterbunnen. Nedslaget må ha vore i nærleiken av å knuse Mimas. Det er observert sprekkar på den motsette sida av månen som kan ha oppstått under nedslaget.

Overflata er metta med krater, men ingen av dei er på langt veg så store som Herschel. Dette tyder på at Mimas tidlegare har vore bombardert av enda større lekam enn det som skapte Herschel, noko som førte til at alle spor etter tidlegare nedslag vart viska ut. Restane har så samla seg og danna Mimas slik me kjenner den.

Interaksjon med Saturn sine ringar

Observasjonar av romsonden Cassini har vist at Mimas og utsjånaden på G-ringen i Saturns ringer har ein samanheng. Mimas bidreg til å halde den fine partiklane i denne ringen på plass.

Referanser

Denne astronomiartikkelen er ei spire. Du kan hjelpe Nynorsk Wikipedia gjennom å utvide han.