Мурник, Иван Антолович

Мурник Иван Антолович (род. с. Имстичово, Иршавськый Район, Закарпатьска Украйина. 22. юн 1945, ум. 21 авґуст 1968 в. Кошиці, ЧССР; укр. Мурник Іван Антонович; рус. Мурник Иван Антонович) — советьскый солдат, солдат НКВД (1965-1968) міномётчик 315 ґвардійскый мотострілковый полк, 128 мотострілкова бриґада, русиньского происхождіня.

Біоґрафія

Родився Иван Мурник у селі Имстичово Иршавского района, Закарпатьской Украйины, присілок Це́нтра у файті Антола Мурника и Анны Мурник, кӯнчив сиридню школу у селі Имстичово и уж по кӯнцю учобы робив у Иршаві, токарь 6-го розряда, у зачатку 1965 року забратый на службу у вӯйська НКВД, продовжав службу при штабови до юла 1968 року, 21 авґуста из зачатком операції «Дунай» по заверніню Чехословеньска у сферу вплыва СССР въедно из свойым полком перейшов гатар из Чехословеньском, того же дне, у динь быв убитый из огнестрільного оружия чехословеньскым солдатом при переправі через ріку Горнад у варошови Кошиці, пару дню̄в ёго тіло не годни были дӯстати (вись тот час вно было у ріці), кой ёго тіло дӯстали захоронили го у варошови Уґерскоє Ґрадіште, уж у септемброви ёго тіло привезли думӯ у Имстичово для перезахороніня.

Памнять

Имня Ивана Мурника увіковічено на памнятнӯм монументови у центрі села Имстичово, у 2023 році ёму быв покладеный памнятник на місті захороніня у присілкови Центра.

Удкликованя

Тоты даны суть часточно або цалком основаны на даных из удчитовань командіра 315-го полка и воєнной части 91026 Бойко и Варламова и розказах родичӯв Ивана.