Renània-Palatinadu
Coordinadas: 49°54′47″N 7°26′59″E / 49.913056°N 7.449722°E
Artìculu in LSC
![](http://upload.wikimedia.org/wikipedia/commons/thumb/b/b7/Flag_of_Rhineland-Palatinate.svg/245px-Flag_of_Rhineland-Palatinate.svg.png)
![](http://upload.wikimedia.org/wikipedia/commons/thumb/c/cd/Germany_Laender_Rheinland-Pfalz.png/244px-Germany_Laender_Rheinland-Pfalz.png)
Sa Renània-Palatinadu (in tedescu: Rheinland-Pfalz) est unu de sos 16 istados federados de Germània postu in su cantone sud-otzidentale de su paisu. S'istadu est istadu istituidu in su 1946 cumprendende su chirru meridionale de sa provìntzia prussiana de su Renu, sa provìntzia Renu-Àssia de s'Istadu Populare de Àssia, su chirru otzidentale de sa Provìntzia de Nassau e sa manna parte de sa regione istòrica de su Palatinadu. Tirat a 19 853 km² e contat casi 4 milliones de bividores. Sa capitale est Mainz.
Sa Renània-Palatinadu làcanat in su norte cun sa Renània de su Norte-Westfàlia, in s'est cun s'Àssia e su Baden-Württemberg, in su sud cun sa regione frantzesa de s'Alsàtzia e cun su Saarland e in s'ovest cun su Lussemburgu e su Bèlgiu (Vallònia). S'asse printzipale de s'istadu est su riu Renu, chi format sa làcana cun Baden-Württemberg e Àssia a sud-est, in antis de cùrrere longu sa parte setentrionale de sa Renània-Palatinadu. Unos àteros rios chi rugrant s'istadu sunt sa Mosella (Mosel), su Saar e su Lahn, totus tributàrios de su Renu.
Artìculos in ligòngiu
[modìfica | modìfica su còdighe de orìgine]Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Renània-Palatinadu |