Ж. Ж. Тҳомсон

Жозеф Жон Тҳомсон (талаффузи: Жозеф Жон Томсон) (1856.18.12, Читем-Хилл, Манчестер яқинида — 1940.30.8, Кембриж) — инглиз физиги, металларнинг электрон назарияси асосчиларидан бири. Лондон қироллик жамияти аъзоси (1884-йилдан) ва президенти (1915— 1920). Манчестердаги Оуэне коллежини (1876) ва Кембриж университетининг Тринити коллежини (1880) тугатган. 1884-1919-йилларда Кембриж университети проссор ва Кавендиш лаборатория раҳбари. 1897-йилда электронна кашф этиб, унинг зарядини ва массасини аниклаган. 1903-йилда атомнинг биринчи моделини таклиф қилган. Рентген нурининг узлуксиз спектрини тушунтириб берган. 1911-йилда параболалар усулини ишлаб чиққан, бу усул кейинчалик массспектрометрия соҳасининг яратилишига олиб келди. Т. изотопларни очишда катта рол ўйнади. Газлардаги электр разрядларини ўрганди. Нобел мукофоти лауреати (1906).