Plantae
![]() ![]() | |
Dati | |
---|---|
Fonte de | grasi vezetałi, latte vegetale (it) ![]() ![]() ![]() ![]() |
Tasonomia | |
Superdomain | Biota |
Superregno | Eukaryota |
Rènjo | Plantae ![]() Haeckel, 1866 |
El regno de łe piante (Plantae Haeckel, 1866) el contien a ocio 350 000 spece de organismi vivénti, destinti de sòłito co nomi de àlbori, arbusti, caspi, erbe, roeghine, ranpeganti, sucułénte, felse, muschi e ancor paréci altri.
La magior parte de łe piante che łe xe conosuo łe xe mese drénto el grupo de łe Angiosperme (divixion Magnoliophyta), co, a ocio, 250 000 spece che ła se destingue da łe altre divixion par ła produsion de fióri seguia, daspò l'inpołinasion, da ła formasion de séme serai e proteti drénto un fruto.
Ła parte de ła biołogia che ła revarda el studio de łe piante ła xe ła botànega.
Drio sti qua łe piante łe ga ste caraterìsteghe fondamentałe qua:
- łe xe organismi autòtrofi, dónca łe xe bone a produr el łor magnar retrotràmite da sostanse che no łe reagise miga in maniera sénplexe (l'aria, l'aqua, el terén);
- łe fa ła fotosìntexi, che ła xe ła particołar reasion chìmega che ła perméte de desformar anidride carbònega e aqua in sùcheri e osìgeno, col'agiuto del Sol e de ła clorofiła;
- łe xe formae da sèłułe eucariote, dónca sełułe conpletamente evołue, dotae de un nùcleo come se dixe;
- łe parete sełułare łe xe riche de sełułoxa e łe sèłułe stése de àmido.
I łìmiti precisai del regno de łe Piante, par quanto revarda i organismi manco conplesi e in particołar unisełułari, i xe stai ogeto de vałutasion miga tute conpagne intrà i studióxi.
Ai inisi el regno de łe Piante (en maniera più s-ceta, el regno Vegetal) el contegnéva anca organismi eteròtrofi, come i Fónghi, e tuti i bateri. Daspò łe Piante łe ga tacà a èser i sołi organismi autòtrofi plurisełułari, co ła creasion del regno dei Protisti, chel contegnéva tuti i organismi unisełułari anca autòtrofi.
Ancó se taca de nóvo a portar indrio inte el regno de łe Piante i organismi unisełułari autòtrofi, basta che i sia eucarioti[1]. Sta roba ła pol referir in particołar a łe àłeghe verde, par tradision conpagne ai Protisti; sta qua łe faria parte del regno de łe Piante, parché łe ga sèłułe co łe parete de sełułoxa, łe ga el stéso tipo de clorofiła de łe piante terestre e łe produxe àmido co ła fotosìntesi.
Note
[canbia | canbia el còdaxe]- ↑ Only six kingdoms of life vardà el 22-09-2009
Altri progeti
[canbia | canbia el còdaxe]Wikimedia Commons el detien imàjini o altri file so piante
Wikispecies el detien informasion so piante
Controło de autorità | LCCN (EN) sh85102839 · GND (DE) 4045539-7 · BNF (FR) cb11933145f (data) · BNE (ES) XX525083 (data) · NDL (EN, JA) 00572119 |
---|