北美獨立戰爭

美國獨立戰爭圖畫

英屬北美反亂，一般叫做美國獨立戰爭（英文：American War of Independence，西文：Guerra de Independencia de los Estados Unidos）是18世紀後半段，英國立在七年戰爭勝利之後，因為搭自家本身个英屬北美殖民地協調矛盾失敗，立在法國、西班牙、荷蘭資助下發生个殖民地叛亂事件。昰个戰爭當中，英屬北美个老百姓在當地奴隸主咾土豪个帶領下頭，組織民兵並尋求到法國个大力支援。西班牙，荷蘭在歐洲對英國進行糾纏騷擾（參考1781直布羅陀之圍)。戰爭个結果是英國雖然總體丄戰勝著歐洲別个殖民國家，弗過立在北美失去著戰略優勢，被迫搭前殖民地丄自稱美利堅合眾國個人開始談判，在末，通過《倫敦條約》確認美國个獨立。昰場戰爭也普遍畀當成美國立國个開始。18世紀交關啟蒙文人稱讚昰个戰爭代表爻人類自由民主个方向。同時，戰爭當中法國个大量財政支出也造成本身个困境加重，加速爻法國大革命个爆發。