Wikipedia:免責聲明
維基百科是內容開放个在線个百科全書，伊是由個人搭仔團體志願合作開發個人類知識个共有資源。箇只計劃个體系允許任何人通過網絡來修改其內容，故咾請注意儂勒拉箇埭尋着个內容，並弗一定畀任何相關領域个專家或者專業人員審查過，因此維基百科嘸沒辦法保證畀儂看个信息是完善、正確、可靠个。
箇並弗指儂勒拉維基百科浪尋弗着有價值个信息搭仔正確个信息，只是維基百科弗保證箇埭个信息个有效性。任何特定條目个內容儕可能勒拉最近畀人修改脫、破壞脫或者畀對相關領域認知狀況弗一致個人改過。請注意，大多數百科全書同參考作品也有差弗多个免責聲明。
嘸沒正式个同行評審
[編輯]阿拉社群當中活躍个編寫人會得用Special:最近更改搭仔Special:新建頁面工具來監視新个搭仔更改个內容。必過，維基百科个內容並嘸沒普遍接受同行評審；雖然講讀者好修改錯誤或者參與到非正式个同行評審當中去，伊拉並嘸沒法律義務箇能介做，故咾儂勒拉箇埭看到个獲得个所有信息儕弗對或是針對特定目的或是一般使用个適用性提供任何暗示个保證。即使講有星條目已經通過同行評審或者通過典範條目等个評選，伊拉還是咾有可能勒拉儂瀏覽之前剛剛修改過。
假使講維基百科裡向或者鏈接到外部網站个信息弗準確或者涉及到誹謗，作者、參與者、贊助者、管理員或者其他任何跟維基百科有關個人儕弗會得對此負責。
嘸沒合同，嘸沒有限許可
[編輯]請確認儂曉得，儂勒拉箇埭獲得个信息儕是自由个、免費个，任何人搭儂嘸沒契約或者合同關係，無論是本站个用戶、所有人、服務器提供商、任何維基百科參與個人自家、管理員，還是其他任何跟本計劃搭仔相關計劃有直接或者間接關係个個人或者團體。勒拉有限許可下頭，儂好隨便從本站拷貝任何內容，但箇並弗表示維基百科或者伊个代理人、成員、組織人或者其他用戶對伊承擔任何契約性个或者契約以外个責任。
除脫知識共享 — 署名-相同方式共享 4.0 國際協議（CC-BY-SA）搭仔GNU自由文檔許可證（GFDL），儂搭維基百科之間嘸沒協議跟使用或者修改箇星信息有關係；維基百科浪也嘸沒任何人應該對修改、編輯或者移除脫儂勒拉維基百科浪或者相關計劃浪張貼个任何信息負責。
商標
[編輯]維基百科條目里向用个或者提到个任何商標（包括服務商標、集體商標），或者是設計權搭仔提到个其他權利，儕屬於渠對應所有人个財產。維基百科條目个原作者勒拉箇埭根據CC-BY-SA搭仔GFDL許可方案來用箇星商標，箇個意思並弗是儂也好做相同或者類似目的个使用。除脫另外有說明，維基百科或者維基媒體基金會跟任何箇類權利个所有人之間弗會有關係，故咾也嘸辦法授權儂用任何受到保護个內容。儂勒拉用任何箇種或者相似个無形財產个辰光要自家承擔風險。
人格權
[編輯]維基百科包括好確認身份个活拉个或者最近過世個人个傳記。勒拉某些司法管理區，有關人格權个法律限制隨便用活拉個人或者最近故脫個人个照片，獨立於箇星圖个著作權狀態。勒拉用箇星類型个內容之前，請確保跟你个目的相關个法律啊是真个畀儂用箇星內容个權利。儂需要對確保弗侵犯其他人個人格權全權負責。
司法管轄區搭仔內容合法性
[編輯]請注意，儂拿儂拉箇埭尋着个信息發布出去有可能會得違反儂勒拉个國家或者司法管理區个法律。維基百科个數據庫儕存拉美國个服務器里向，故咾所有內容儕受到當地法律搭仔美國聯邦法律个保護。儂勒拉个國家或者司法管轄區个法律有可能嘸沒對相同種類个言話或者發行進行保護。維基百科並弗鼓勵任何人違反法律，故咾假使儂鏈接到箇只域名或者使用、拷貝、轉載本站个信息，維基百科嘸辦法為可能个違反法律个做法負責。
嘸沒專業意見
[編輯]假使講儂到箇埭个想法是看到具體个建議（比方講勒拉醫學、法律或者風險管理方面咾啥），請儂去諮詢一名註冊或者勒拉目標領域裡向有能力个專業人士。