Mozilla VPN
Segir, fidabel e svelt – sin mintga apparat, dapertut.
Ina rait privata virtuala (VPN) dals creaturs da Firefox.
Installar Mozilla VPNSfera privata en in pass
Navighescha, streamescha, gama e lavura senza desister da tia sfera privata en l'internet. Igl è tuttina sche ti es en viadi, utiliseschas il WLAN public u sche ti vuls simplamain augmentar tia segirezza online, nus dain adina la prioritad a tia sfera privata.
Tscherna l'abunament il pli adattà per tai
Tut noss plans includan:
- Opziun da connectar enfin 5 apparats
- Dapli che 500 servers en passa 30 pajais
- Criptadi a nivel da l'apparat
- Nagina restricziun dal volumen da datas transferibel
- Naginas registraziuns da tias activitads en la rait
- Garanzia da restituziun da 30 dis
Recumandà
Plan annual
Spargnar 50%
59.88 US$ en total + taglia
4.99 US$/mais + taglia
Plan mensil
9.99 US$/mais + taglia
Ina rait svelta e segira
Mozilla VPN sa basa sin ina rait globala da servers. Nus criptain tia activitad en la rait e zuppain tia adressa IP cun agid dal protocol il pli avanzà WireGuard®. Nus na registrain, fastizain u cundividain mai questas datas.
In VPN dad ina marca da la quala ti pos ta fidar
Mozilla cumbatta dapi passa 20 onns per la protecziun da datas en l'internet e dat adina la prioritad a las persunas. Nus vegnin sustegnids dad in'organisaziun senza finamira da profit ed ans engaschain per in internet meglier e pli saun per tuts. Tut quai che nus faschain è part da nossa missiun e s'orientescha a noss princips.
Connectescha cun dapli che 500 servers en passa 30 pajais
Dumondas frequentas
Tge è in VPN ed a tge serva el?
Essend che l'internet dominescha adina pli fitg nossa vita da mintgadi, daventan era la protecziun da datas e la segirezza online adina pli impurtantas. In VPN, ina rait virtuala privata, serva per etablir ina connexiun segira e privata cun l'internet. Quella funcziunescha uschia ch'ella creescha in «tunnel» tranter tes apparat e l'internet e ta protegia en dus reguards impurtants:
- El zuppa tia adressa IP. Quai protegia tia identitad e renda nunvisibla tia posiziun actuala.
- El criptescha il traffic da datas tranter tai e tes purschider da VPN uschia che nagin en tia rait locala n'al po decriptar u modifitgar.
Dà in'egliada a tschintg exempels da la vita reala en ils quals ti pudessas duvrar in VPN sin tes apparat.
Tge infurmaziuns arcuna Mozilla VPN?
Nus observain strictamain ils princips da la protecziun da datas da Mozilla e nus ramassain las datas necessarias per garantir il funcziunament dal VPN e per optimar cuntinuadamain il product. Nus registrain era datas da campagnas e da recumandaziuns en nossa applicaziun mobila per gidar Mozilla da chapir l'effect da nossas campagnas da marketing. Ve a savair dapli en nossa decleraziun davart la protecziun da datas.
Co vegn protegida mia sfera privata?
Il protocol WireGuard® criptescha tes traffic en la rait e protegia tut tias infurmaziuns privatas. Cumpareglià cun protocols da VPN existents è il code lev da WireGuard pli simpel dad examinar e reveder per analists da segirezza – e cun quai er in'opziun pli segira per il VPN. Ultra da quai restan tias activitads online anonimas perquai che nus na registrain, fastizain u cundividain mai tias datas da rait.
Fa Mozilla VPN buna figura en cumparegliaziun cun la concurrenza?
Malgrà che VPNs gratuits paran dad esser attractivs na s'obligheschan quels betg en la medema maniera da resguardar la protecziun da datas sco Mozilla VPN. Auters VPNs n'han betg l'experientscha da Mozilla cun passa 20 onns svilup da products che mettan en il center las persunas e lur sfera privata.
Cun tge apparats è Mozilla VPN cumpatibel?
Mozilla VPN è cumpatibel cun telefonins, tablets e computers desktop cun:
Tge reglas ha Mozilla VPN per la restituziun?
L'emprima giada che ti abuneschas Mozilla VPN via la website da Mozilla pos ti dumandar ina restituziun sche ti annulleschas tes conto entaifer ils emprims 30 dis. Mozilla vegn a restituir l'import da l'emprima perioda da tes abunament.
Sche ti cumpras tes abunament via ina cumpra in-app da l'App Store dad Apple u il Google Play Store è tes pajament suttamess a las directivas e cundiziuns da l'App Store. Ti stos inoltrar eventualas dumondas che pertutgan la facturaziun u restituziun dad ina tala cumpra tar Apple u Google.
Co poss jau administrar mes abunament?
Sche ti utiliseschas gia Mozilla VPN pos ti midar tes plan u administrar tes abunament da tut temp.
Co poss jau telechargiar Mozilla VPN sche jau hai gia in abunament?
Visita la pagina da telechargiada per installar Mozilla VPN sin tes apparat e t'annunzia lura cun agid da tes Firefox Account.