Co protegia in VPN mes laptop u mes PC?
VPNs pon porscher in ulteriur nivel da segirezza per tes laptop u tes PC ed uschia ta proteger dad attatgas da hackers, attatgas da phishing e dad auters privels en l’internet. VPNs cripteschan tias datas e tia posiziun cun crear in «tunnel» tranter tes computer e l’internet. Sche tes laptop u tes PC n’utilisescha nagin VPN pon hackers e terzas partidas eventualmain interceptar tes traffic e periclitar la protecziun da tias datas.
I dat pliras raschuns per utilisar in VPN per ta proteger cun utilisar tes laptop u tes PC:
- Meglra protecziun da datas: Perquai ch’in VPN mascrescha tia adressa IP, pos ti navigar pli discretamain en l’internet. Ti sas che rimnaders da datas na pon betg sa far in maletg cumplet da tias activitads cun duvrar tia IP sco identificatur univoc.
- Dapli protecziun cunter spiuns: Cun criptar tias datas cun agid dad in VPN daventi praticamain nunpussaivel per insatgi da spiunar ora tia connexiun da rait per vegnir a savair tge e cun tgi che ti communitgeschas.