ბეშტუაშ ვერისა ვა რე აზარელი დო შილებე იკათუანდას დამუშაფაშ ჩილათეფს. გაახალაით ბრაუზერიშ ჩუალირი ოქარღადეეფი დო ტეშ მეანგიორო გჷმირინეთ ბრაუზერიშ ბეშტუაშ ფუნქცია ავტომატურო.
ჩინური ლიჩი [ 1] თაშნეშე ჩინური ლიჩჟი (ლათ. Lítchi chinénsis , ჩინ.荔枝 ) — საპინდიშობური ფანიაშ ჯაშ გუმნაღელი [ 2] , თაშნეშე ჩინებული რე მიჭოთ "ლიჩი", "ლიჩჟი", "ლაიაი", "ლისი", "ჩინური მარგული".
ტროპიკული ჯა, ნამუთ ჩინეთიშ ობჟათე-ბჟაეიოლშე, გუანდუნიშ დო ფუძიანიშ პროვინციეფს ჩანს, სოდე თე ჩანარიშ მოჸონაფა დოფიქსირაფილი რე XI ოშწანურაშე . ლიჩიშ თარი მაწარმალეფი რე ჩინეთი, ნამუსჷთ ეკოჸუნს ინდოეთი , ობჟათე-ბჟაეიოლი აზიაშ დო ობჟათე აფრიკაშ შხვა ქიანეფი. მაღალი იროწვანე ჯა, ლიჩი გიმიღანს მორჩილი ხორცამ გუმნაღელს, ნამუთ გალეშე ვარდიშფერ-ჭითა ფერიშ რე, უჭკომური სქელი კანით, ნამუთ დინოხოლენ გემუან ატატას ფორუნს. ლიჩიშ თასი, თაშნეშე კობუ გუმნაღელი იკათუანს ჰიპოგლიცინს დო თიში დაბალი ჰომოლოგის, გლიცინს , ნამუსჷთ შეულებუ ჰიპოგლიკემია გჷმიჭანუასჷნ, ნამუთ მერსხილი რე გვერდოშქირენულ ინდოარი დო ვიატნამალი ბაღანეფს (ნამუეფჷთ ბრელი ლიჩის ჭკომუნჷნა) ენცეფალოპათიაშ ჩხე დო ჩხურუწკჷმა[ 3] .
სქოლიო