Hoofletter
![](http://upload.wikimedia.org/wikipedia/commons/thumb/7/79/A_%28capital_and_small%29.svg/150px-A_%28capital_and_small%29.svg.png)
Hoofletters (Engels: "Capital letters") sluit die alfabetletters A, B, C, ...Z in (ASCII kode 65 tot 90) en sluit a, b, c, … z uit.
'n Sin begin altyd met 'n hoofletter, met uitsondering waar 'n sin met 'n begin, maar dan word die eerste woord na die 'n wel met 'n hoofletter geskryf. Bv. 'n Appel is rooi.
Wanneer hoofletters gebruik word in die middel van 'n sin
[wysig | wysig bron]- Name en vanne van persone
- Gelowe en hulle volgelinge – bv Christene en Christendom, Moslems en Islam, Hindoes en Hindoeïsme, Boeddhiste en Boeddhisme, ens.
- Dae van die week – bv Maandag, Dinsdag, ens.
- Maande van die jaar – bv Februarie, April, Desember, ens.
- Eerste letter van 'n kolpunt ("bullet") (uitgesluit 'n)
- Geografiese dinge, ingesluit straatname, stede, dorpe, provinsies, lande, federasies, subkontinente, kontinente, oseane (Atlantiese Oseaan), seë (Middellandse See), mere, riviere, woestyne en berge – bv Kerkstraat, Asië, Bangkok, Kaapstad, Oos-Afrika, Engelse Mere Distrik, Berg Everest, Niagara Valle, Noord-Wes Europa, Oranjerivier, Suidelike Afrika, Jemen, ens.
- Planete en sterrestelsels – bv, Mercurius, Venus, Melkweg, Andromeda-sterrestelsel, ens. LW dat die son en die maan en die aarde met kleinletters geskryf word. Hierdie woorde is selfstandige naamwoorde. Die feit dat die lidwoord, "die" vooraan geskryf word, bevestig dit.[1]
- Historiese en geologiese tydperke – bv die Ystydperk, die Middeleeue, die Steentydperk, die Reformasie, die Renaissance, die Kambriese Periode, Oerknal, ens.
- Tale – bv Afrikaans, Engels, Duits, ens.
- Handelsmerke – bv Coca-Cola, DaimlerChrysler, Intel, Kodak, Lycra, Microsoft, Toyota en Volkswagen.
- Universiteitsgrade – bv, Baccalaureus in Kuns, Baccalaureus in Besigheid, Meesters in Wetenskap, Doktors in Filosofie, ens.
- Oorloë – bv die Angolese Oorlog vir Onafhanklikheid, die Eerste Wêreldoorlog, die Golfoorlog, die Viëtnam-oorlog, maar die oorlog in Italië.
Wanneer hoofletters nie gebruik word in die middel van 'n sin nie
[wysig | wysig bron]- Akademiese vakke – rekenkunde, biologie, chemie, aardrykskunde, geskiedenis, wiskunde, fisika, behalwe taalvakke soos Afrikaans, Engels en Zoeloe.
- Algemene kartografiese terme – bv ewenaar, breedtegraad, lengtegraad.
- Algemene chemiese, tegniese, finansiële en regsterme – bv balansstaat, butanol, kontantvloei, katalise, ingenieurskontrak, etanol, regsgeding, polipropileen, raffinaderye, opbrengs op ekwiteit en volhoubare ontwikkeling – tensy dit eiendomsreg name is, soos Chevron se Isokraking tegnologie™ en Sasol Advanced Synthol™ reaktor.
- Maatskappy departemente, forums en komitees – bv raad van direkteure, bekendmaking werkgroep, groep finansiële afdeling, groep menslike hulpbronne-afdeling, gelyke indiensnemingsforum, interne ouditkomitee en korporatiewe bestuurskomitee.
- Kompasrigtings – bv, oos, noord, noord-ooste, suid, suid-wes en wes, behalwe waar hierdie verwys na die groot subkontinentale streke soos Suid-Afrika, Oos-Afrika, Noord-Wes-Europa en Suid-Oos-Asië.
- Geldeenhede – bv, dollar, euro, kroon, pond, pula, rand, sjilling, jen en yuan.
- Werkstitels en beroepe – bv, rekenmeester, prokureur, voorsitter, uitvoerende hoof, direkteur, ingenieur, algemene bestuurder, geoloog, bestuurder, besturende direkteur, president, veiligheidsverteenwoordiger en vise-president.
- Gedeeltes van lande, state, provinsies, lande en metropolitaanse gebiede – byvoorbeeld, die suide van China, oostelike Duitsland, suidelike kus van die Wes-Kaap, die suide van Kalifornië en noord Hampshire, maar let op woordeboekgespesifiseerde uitsonderings soos "Londen’s West End".
- Komitees, sentrums, departemente en sake-eenhede
As 'n reël, kapitaliseer ons nie die meeste interne komitees en ander organisasies of eenhede nie, soos bv:
- komitee van besturende direkteure
- korporatiewe maatskaplike belegging
- werknemerwelstandsprogram
- groep korporatiewe sake-afdeling
- groep uitvoerende komitee
- groep finansiële departement
- groep beleggerbetrekkinge-afdeling
- groep regsafdeling
- groep beplanningdepartement
- materiaal veiligheidsdatastaat
- kantoor van die hoof uitvoerende beampte
- voorsieningskettingbestuur
- totale gewaarborgde pakket
Let ook op: Internet word met hoofletters geskryf, maar intranet nie.
Ons skryf Wêreldwye Web, maar webcam, webcast, weblog, webmeester, webbladsy.
Moenie maatskappyname geheel en al in hoofletters skryf nie:
Moet dit nie gebruik nie | Gebruik dit |
---|---|
CONDEA | Condea |
ENGEN | Engen |
ESKOM | Eskom |
ORYX | Oryx |
SASOL | Sasol |
Meervoude van naamwoorde
Wanneer na die formele naam van 'n spesifieke organisasie verwys word, kapitaliseer ons die eerste letter van elke hoofwoord, soos bv New York Aandelebeurs, Londense Aandelebeurs of Suid-Afrikaanse Lugdiens. Wanneer daar egter na meer as een verwys word, skryf ons New York en Londen aandelebeurse.
Eie diskresie
[wysig | wysig bron]- Titels: Die outeur kan self besluit of elke woord in 'n titel gekapitaliseer word. Indien die outeur wel besluit om dit te doen, word slegs die lang of belangrikste woorde in die titel gekapitaliseer.[2]
Kyk ook
[wysig | wysig bron]- Handwoordeboek van die Afrikaanse Taal (HAT)
- Woordeboek van die Afrikaanse Taal (WAT)
- Wikipedia:Riglyne vir voorbladartikels
- Afrikaanse Woordelys en Spelreëls
- Grondbeginsels van die Afrikaanse spelling
- Wikipedia:Algemene spelfoute
- Speltoetser
- Spelling
- Woordeboek
- Koppelteken
- Deelteken
- Kappie (leesteken)
- Akuut-aksentteken
- Gravis-aksentteken
- Afkappingsteken
Voetnotas
[wysig | wysig bron]- ↑ Volgens die artikel (nl) Hoofdletter in namen van planeten (vertaal): Kry name van planete 'n hoofletter? Ja, name van planete kry 'n hoofletter: Jupiter, Mars, Mercurius, Neptunus, Saturnus, Venus, Uranus ensovoorts. 'n Uitsondering is die aarde. Die naam kry deurgaans geen hoofletter. Ook ander name van hemelliggame en konstellasies word as eiename beskou en kry 'n hoofletter, byvoorbeeld: Andromeda, die Groot Beer, Kreef, die Poolster, Weegskaal, Melkweg, ens. Behalwe die aarde is die son en die maan ook uitsonderings. In nie-wetenskaplike tekste skryf ons die benaming met 'n klein letter: Die film het 'n debat gevoer oor die verwarming van die aarde; Die son skyn fel vandag; Sugtend hy kyk na die maan. In gespesialiseerde wetenskaplike tekste oor sterrekunde en ruimtevaart kry son, maan en aarde egter soms wel 'n hoofletter. 17 Februarie 2014. Kyk ook Aarde:Hoofletter of kleinletter.
- ↑ Vir meer, kyk Rules for Capitalization in Titles of Articles en Rules for Capitalization in Titles.
Eksterne skakels
[wysig | wysig bron]Wikiwoordeboek het 'n inskrywing vir hoofletter.