Lusaka (provinsie)
![](http://upload.wikimedia.org/wikipedia/commons/thumb/f/fc/Lusaka_in_Zambia.svg/220px-Lusaka_in_Zambia.svg.png)
![](http://upload.wikimedia.org/wikipedia/commons/thumb/c/c3/Zambia_districts_in_Lusaka_Province_2022.png/220px-Zambia_districts_in_Lusaka_Province_2022.png)
Die provinsie Lusaka is een van Zambië se tien provinsies. Die stad Lusaka is die belangrikste en grootste nedersetting van die provinsie en trouens van die land. Die provinsie se geskatte bevolking in 2009 was 1 800 339,[2] amper twee keer meer as tydens die sensus van 1990 en net iewat minder as die Koperstreek, wat die grootste provinsiale bevolking het.
Lusaka-provinsie word begrens deur die Suidelike Provinsie, Sentrale Provinsie en Oostelike Provinsie asook die buurstate Mosambiek en Zimbabwe. Ondanks sy betreklike groot bevolking, is dit Zambië se kleinste provinsie met 'n oppervlak van 21 896 km2. Die bevolkingsdigtheid van 82,22 mense per vierkante kilometer is amper vyf keer meer as die nasionale gemiddeld van 17,03 (2009-skatting).
Ander noemenswaardige dorpe in die provinsie is Kafue, die naasgrootste nedersetting met 'n geskatte bevolking van 47 816 in 2009, Chilanga, Chongwe en Luangwa, waarskynlik die oudste Europese nedersetting in die land, geleë by die samevloeiing van die Luangwa- en Zambeziriviere aan die grens met Mosambiek en Zimbabwe.
Verwysings
[wysig | wysig bron]- ↑ 2022 Census of Population and Housing - Zambia
- ↑ "World Gazetteer, bevolking- en ander statistieke". Geargiveer vanaf die oorspronklike op 19 September 2012. Besoek op 19 September 2012.