Puja
![](http://upload.wikimedia.org/wikipedia/commons/thumb/5/51/Babasteve-ganges_water.jpg/180px-Babasteve-ganges_water.jpg)
Puja (Devanagari: पूजा) is ’n aanbiddingsritueel in Hindoeïsme vir een of meer gode, ter ere van ’n gas of om ’n gebeurtenis spiritueel te vier.[1][2] Die Sanskrit-woord pūjā beteken "eerbiedig, vereer, aanbid".[3] Puja, die liefdevolle offer van lig, blomme en water of kos aan ’n godheid, is ’n essensiële ritueel in Hindoeïsme.
Gebruike
[wysig | wysig bron]Puja-rituele word ook in Boeddhisme en Djainisme gehou. In Hindoeïsme word dit op ’n verskeidenheid geleenthede, tye en plekke gedoen. Dit kan ’n individuele puja tuis wees, of deel van ’n tempelseremonie of jaarlikse fees. In ander gevalle word dit gedoen as deel van deurgangsrites, soos ’n geboorte of troue, of voor ’n nuwe onderneming.[4] Puja in Hindoeïsme is nie verpligtend nie. Vir sommige kan dit ’n daaglikse rirueel wees, vir ander periodiek en vir nog ander iets wat selde gedoen word.
Puja verskil volgens die sekte, streek, geleentheid en godheid.[5][6] ’n Hindoe sal gewoonlik ’n puja alleen uitvoer, maar soms in die teenwoordigheid van ’n priester wat goed opgelei is in die ingewikkelde ritueel en gesange. In laasgenoemde geval kan kos, vrugte of soetgoed ingesluit wees as offerandes vir die fees of god; daarna word dit deur almal teenwoordig geniet.[6][7]
Verwysings
[wysig | wysig bron]- ↑ James Lochtefeld, The Illustrated Encyclopedia of Hinduism, Vol. 2, ISBN 0-8239-2287-1, ble. 529-530.
- ↑ Paul Courtright, in Gods of Flesh/Gods of Stone (Joanne Punzo Waghorne, Norman Cutler, and Vasudha Narayanan, reds), ISBN 978-0231107778, Columbia University Press, sien Hoofstuk 2.
- ↑ पूजा Sanskrit Dictionary, Duitsland (2009)
- ↑ Lindsay Jones, red. (2005). Gale encyclopedia of religion. Vol. 11. Thompson Gale. pp. 7493–7495. ISBN 978-0-02-865980-0.
- ↑ Flood, Gavin D. (2002). The Blackwell companion to Hinduism. Wiley-Blackwell. ISBN 978-0-631-21535-6.
- ↑ 6,0 6,1 Puja, Encyclopædia Britannica.
- ↑ Hiro G. Badlani (2008), Hinduism: a path of ancient wisdom, ISBN 978-0595436361, ble.. 315-318.
Skakels
[wysig | wysig bron]Wikimedia Commons het meer media in die kategorie Puja.
Hierdie artikel is in sy geheel of gedeeltelik uit die Engelse Wikipedia vertaal.