Ravi Zacharias
Ravi Zacharias | |
---|---|
![]() Zacharias in 2013 | |
Gebore | Frederick Antony Ravi Kumar Zacharias 26 Maart 1946 Madras (nou Chennai), Tamil Nadu, Indië |
Sterf | 19 Mei 2020 (op 74) |
Nasionaliteit | Kanada Verenigde State |
Alma mater | Trinity Internasionale Universiteit |
Beroep | Christen apologeet, stigter en voorsitter van die raad van Ravi Zacharias International Ministries |
Era | 21ste eeuse filosofie |
Webwerf | http://rzim.org |
Ravi Zacharias (26 Maart 1946 – 19 Mei 2020[1]) was 'n Indies-gebore Kanadees-Amerikaanse Christelike evangelis en filosoof.[2][3][4] Zacharias is die outeur van meer as 30 boeke wat oor Christenskap handel,[5] insluitende die Evangelical Christian Publishers Association se Goue Medalje pryswenner Can Man Live Without God? in die kategorie "teologie en doktrine"[6] asook die Christelike topverkopers Light in the Shadow of Jihad[7] en The Grand Weaver.[8] Zacharias was die stigter en voorsitter van die raad van Ravi Zacharias International Ministries (RZIM) en aanbieder van die radioprogramme Let My People Think en Just Thinking.[9]
Vroeë lewe en opvoeding
[wysig | wysig bron]Zacharias is op 26 Maart 1946 in Madras, Indië gebore. Toe hy nog jonk was het sy gesin na Delhi verhuis waar hy grootgeword het. [10] Sy familie was Anglikaans, [11] maar hy was tot op die ouderdom van sewentien, toe hy probeer het om selfmoord te pleeg deur gif in te sluk, 'n ateïs. Terwyl hy in die hospitaal was, het 'n plaaslike Christenwerker vir hom 'n Bybel gebring en sy moeder aangesê om vir hom voor te lees uit Johannes 14.[12] Zacharias het gesê dat dit Johannes 14:19 was wat hom aangeraak het as die bepalende paradigma: "omdat Ek lewe en julle sal lewe", en dat hy gedink het, "dit is miskien my enigste hoop: 'n nuwe manier van leef. Die lewe soos omskryf deur die outeur van die lewe." Hy het sy lewe daaraan toegewy om Christus te aanbid: "Jesus, as U die een is wat lewe gee soos dit bedoel is, wil ek dit hê. Kry my asseblief uit hierdie hospitaalbed, en ek belowe dat ek geen steen onaangeraak sal laat in die strewe na waarheid nie."[13]
In 1966 het Zacharias saam met sy gesin na Kanada geëmigreer, en sy voorgraadse graad aan die Ontario Bible College (nou Tyndale-universiteit) in 1972 behaal, sowel as sy M.Div. graad aan die Trinity International University. In 1990 het hy 'n sabbatsperiode van twee tot drie maande by Ridley Hall, Cambridge, 'n Anglikaanse teologiese skool in Cambridge, spandeer.
Loopbaan
[wysig | wysig bron]As leraar
[wysig | wysig bron]![](http://upload.wikimedia.org/wikipedia/commons/thumb/8/82/Ravi_Zacharias_at_Christ_Community_Chapel.jpg/220px-Ravi_Zacharias_at_Christ_Community_Chapel.jpg)
Zacharias het die somer van 1971 in Suid-Viëtnam deurgebring, waar hy Amerikaanse soldate geëvangeliseer het, sowel as gevange Viet Cong-lede. [14] Nadat hy aan die Ontario Bybelkollege gegradueer het, het hy 'n bediening aanvaar by die Christian and Missionary Alliance (C&MA) in Kanada. [15] In 1974 het die C&MA het hom na Kambodja gestuur, waar hy slegs 'n kort tydjie voor die val van die Khmer Rouge gepreek het. [16] In 1977, nadat hy aan Trinity gegradueer het, is Zacharias deur die C&MA versoek om wêreldwyd te preek. [17]. Hy is later georden deur die [18] Christian and Missionary Alliance en as 'n internasionale evangelis opgeroep.[19].
In 1983 is Zacharias uitgenooi om in Amsterdam te praat tydens die Billy Graham Evangelistic Association se jaarlikse evangelisasie konferensie. Hier het hy die eerste keer 'n gebrek aan bediening opgemerk op die gebied van die Christelike apologetiek. [20] Na Amsterdam het Zacharias die somer deurgebring met evangelisasiewerk in Indië, waar hy voortgegaan het om die noodsaaklikheid van 'n apologetiese bediening om mense na Christus te lei en om Christenleiers op te lei te besef. In Augustus 1984 is Ravi Zacharias International Ministries in Toronto, Kanada, in die lewe geroep om sy roeping as "klassieke evangelis in die arena van intellektuele weerstand" te realiseer en voort te sit. [19] Vandag is die hoofkwartier daarvan in Atlanta, Georgia geleë en beskik dit oor kantore in Kanada, Indië, Singapoer, die Verenigde Koninkryk, die Midde-Ooste, Hong Kong, Roemenië, Turkye, Oostenryk, Spanje en Suid-Afrika. [21]
In 1989 is Zacharias kort na die val van die Berlynse Muur uitgenooi om in Moskou te praat. Terwyl hy daar was het hy lesings aan studente aan die Lenin Militêre Akademie sowel as politieke leiers van die Sentrum vir Geopolitieke Strategie gegee. [22] Dit was die eerste van vele evangelisasie geleenthede op politieke gebied. Toekomstige gebeure het 'n uitnodiging in Bogota, Colombië in 1993 ingesluit, waar hy met lede van die regbank gepraat het oor die belangrikheid van 'n soliede morele fondament. [23]
In 1990 skryf hy sy eerste boek getiteld A Shattered Visage: The Real Face of Atheism. [24] In 1993 is Zacharias uitgenooi om tydens sy eerste besoek aan die Veritas Forum aan Harvard-universiteit 'n lesing te gee, [25] en later daardie jaar was hy een van die hoofsprekers tydens die Urbana konvensie. [26] Zacharias was tot sy afsterwe 'n gereelde gas tydens hierdie forums, [27] en het beide lesings gegee en studente se vrae beantwoord asook deelgeneem aan antwoordsessies aan akademiese instellings soos die Universiteit van Georgia, [28] die Universiteit van Michigan,[29] en die Pennsylvanië Staatsunversiteit (Penn State).[30]
Zacharias het media-aandag getrek toe die The Church of Jesus Christ of Latter-Day Saints (LDS Kerk) in 2004 sy kansel by die Salt Lake Tabernakel aan hom beskikbaar gestel het vir 'n reeks boodskappe. Zacharias het 'n preek oor "Wie is die waarheid? Die verdedig van Jesus Christus as die weg, die waarheid en die lewe" aan ongeveer 7000 leke en geleerdes uit beide LDS- en Protestantse kampe gelewer in 'n inisiatief om 'n oop gesprek tussen die kampe te bewerkstellig. [31]
Sommige evangeliste het die besluit van Zacharias gekritiseer om nie van hierdie geleentheid gebruik te maak om die "diepliggende" verskille tussen die historiese Christelike geloof en die leër van die LDS-kerk direk aan te spreek nie. Hy het geantwoord deur te beweer dat Christene nie onmiddellik die teologiese verskille met Mormonisme moet veroordeel nie, maar "een stap op 'n slag moet bou, ten einde ons geloof met helderheid en oortuiging te kommunikeer". Hy het gesê dat dit net so effektief is as om die foute van iemand se geloof aan hom of haar uit te wys. [32]
Die spreekbeurt is byna gesaboteer deur 'n bewering van die organiseerder van die geleentheid, Greg Johnson, die president van Standing Together, dat Zacharias niks met die redigering van die boek The Kingdom of the Cults te make gehad het nie, maar slegs sy naam aan die jongste uitgawe verleen het. Johnson het later om verskoning gevra vir sy opmerking. [33]
Zacharias was 'n gereelde dosent binne die evangelisasiegemeenskap tydens geleenthede soos die Future of Truth-konferensie in 2004, [34] die National Religious Broadcasters Convention and Exposition in 2005, [35] en die National Conference on Christian Apologetics in 2006 . [36] Tydens daaropvolgende aande in Oktober 2007 het hy eers die studente en fakulteit van Virginia Tech en daarna die gemeenskap van Blacksburg, Virginia, toegespreek oor die onderwerp van kwaad en lyding in die nasleep van die Virginia Tech-slagting. [37] Zacharias het die evangeliese medewerkers verteenwoordig by geleenthede soos die Nasionale Dag van Gebed in Washington, DC en die jaarlikse gebedsontbyt by die Verenigde Nasies. Daar is 'n onderhoud gevoer met Zacharias tydens Focus on the Family se Waarheidsprojek. In November 2009 het Zacharias 'n ekumeniese verklaring onderteken wat bekendstaan as die Manhattan Declaration: A Call of Christian Conscience wat die heiligheid van menslike lewe, die waardigheid van die huwelik as 'n vereniging van man en vrou, en vryheid van godsdiens as fundamentele beginsels van geregtigheid en die algemene goed bevestig. [38]
In 2014 publiseer Zacharias sy boek The Lamb and The Fuhrer, wat 'n denkbeeldige gesprek tussen Adolf Hitler, Jesus en Dietrich Bonhoeffer uitbeeld. [39] In 2016 het die Republikeinse presidentskandidaat Marco Rubio Zacharias aangestel op sy pro-lewe (anti-aborsie) Adviespaneel genaamd Dignity Of Life. [40]
Volgens die openbare belastingopgawe (Form 990) het Ravi Zacharias en sy vrou in 2015 'n totale verdienste van $523,926 uit sy nie-winsgewende maatskappy Ravi Zacharias International Ministries (RZIM) gerapporteer. [41]
Wêreldsiening
[wysig | wysig bron]Zacharias het beweer dat 'n koherente wêreldsiening vier vrae op bevredigende wyse moet kan beantwoord: die van oorsprong, die betekenis van die lewe, moraliteit, en die lotgeval. Hy beweer dat, terwyl elke groot geloof eksklusiewe eise oor die waarheid maak, die Christelike geloof uniek is in die vermoë daarvan om al vier hierdie vrae te beantwoord.[42] Hy het roetinegewys gepraat oor die koherensie van die Christelike wêreldsiening,[43] en gesê dat Christenskap daartoe in staat is om die moeilikste filosofiese aanvalle te weerstaan.[44] Zacharias het geglo dat die Christelike apologete vanuit drie vlakke moet kan redeneer: vanuit logika, ten einde dit houdbaar en volhoubaar te maak; vanuit gevoelens, ten einde dit leefbaar te maak; en vanuit die vraag of 'n mens die reg het om dit te gebruik om morele oordele te fel.[45] Zacharias se styl van apologie het hoofsaaklik gefokus op Christenskap se antwoorde op die lewe se groot eksistensiële vrae,[46] met verdediging van God.
Persoonlike lewe
[wysig | wysig bron]Zacharias het op 7 Mei 1972 met Margaret "Margie" Reynolds getrou. Hy het haar tydens een van sy kerk se jeuggeleenthede ontmoet. [47] Hulle het drie kinders genaamd Sarah, Nathan and Naomi, gehad[48] Hy het in Atlanta, Georgia, gewoon.[12]
Zacharias is in Maart 2020 gediagnoseer met 'n kwaadaardige kankergewas binne sy rugstring.[49] Sarah Zacharias Davis, Zacharias se dogter en HUB van Ravi Zacharias International Ministries (RZIM) het aangekondig dat Zacharias sou terugkeer na sy woning in Atlanta, Georgia vir "so lank as wat die Here ons gee." 'n Aantal hoëprofiel Christene het aanlyn boodskappe gestuur wat Zacharias se invloed op hulle beskryf het.[50] Zacharias het op 19 Mei 2020 op 74-jarige ouderdom by sy huis in Atlanta gesterf.[51]
Bibliografie
[wysig | wysig bron]- A Shattered Visage: The Real Face of Atheism (1994, 2004) ISBN 0-8010-6511-9
- Can Man Live Without God? (1994, 1996) ISBN 0-8499-3943-7
- Deliver Us From Evil (1996, 1998) ISBN 0-8499-3950-X
- Cries of the Heart (1998, 2002) ISBN 0-8499-4387-6
- The Merchant and the Thief (1999) (kinderboek) ISBN 0-7814-3296-0
- The Broken Promise (2000) (kinderboek) ISBN 0-7814-3451-3
- Jesus Among Other Gods (2000, 2002) ISBN 0-8499-4327-2
- Jesus Among Other Gods (Jeugopvoeding) (2000) ISBN 0-8499-4217-9
- The Lotus and the Cross: Jesus Talks with Buddha (2001) ISBN 1-57673-854-X
- Sense and Sensuality: Jesus Talks with Oscar Wilde (2002) ISBN 1-59052-014-9
- Light in the Shadow of Jihad: The Struggle For Truth (2002) ISBN 1-57673-989-9
- Recapture the Wonder (2003) ISBN 1-59145-276-7
- Is Your Church Ready?: Motivating Leaders to Live an Apologetic Life (2003) (Redakteur, met Norman Geisler) ISBN 0-310-25061-7
- Who Made God? And Answers to Over 100 Other Tough Questions of Faith (2003) (Algemene redakteur, met Norman Geisler) ISBN 0-310-24710-1
- The Kingdom of the Cults (2003) (Redakteur) ISBN 0-7642-2821-8
- I, Isaac Take Thee, Rebekah: Moving From Romance to Lasting Love (2004) ISBN 0-8499-0822-1
- The Prince and the Prophet: Jesus Talks With Mohammed (Kopiereg 2004, om postuum uitgegee te word) ISBN 1-59052-319-9
- The Lamb and the Führer: Jesus Talks with Hitler (2005) ISBN 1-59052-394-6
- Walking From East to West: God in the Shadows (Met R.S.B. Sawyer) (2006) ISBN 0-310-25915-0
- The Grand Weaver: How God Shapes Us Through the Events of Our Lives (2007) ISBN 0-310-26952-0
- Beyond Opinion: Living the Faith We Defend (2008) ISBN 0-8499-1968-1
- The End of Reason: A Response to the New Atheists (2008) ISBN 0-310-28251-9
- Is There Not a Cause (2008) (Nasionale gebedsdag boek) ISBN 978-1930107212 (Oudio CD ISBN 978-1612560168)
- New Birth or Rebirth: Jesus Talks with Krishna (2008) ISBN 1-59052-725-9
- There is a Plan (2009) (uittreksels uit The Grand Weaver) ISBN 0-310-31849-1
- Has Christianity Failed You? (2010) ISBN 0-310-26955-5
- The Lotus and the Cross: Jesus Talks with Buddha (2010) ISBN 1-60142-318-7
- Why Jesus? Rediscovering His Truth in an Age of Mass Marketed Spirituality (2012) ISBN 978-0-89296-319-5
- The Lamb and the Fuhrer--Graphic Novel (2014) ISBN 978-161328-137-6
- Why Suffering? Finding Meaning and Comfort When Life Doesn't Make Sense (2014) ISBN 978-1-45554-970-2
- with Vince Vitale, Jesus Among Secular Gods: The Countercultural Claims of Christ (2017) ISBN 9781455569151
- The Logic of God: 52 Christian Essentials for the Heart and Mind (2019) ISBN 9780310454052
- with Abdu Murray, Seeing Jesus from The East: A Fresh Look at History's Most Influential Figure (2020) ISBN 978-0-310-53129-6
Verwysings
[wysig | wysig bron]- ↑ https://maroelamedia.co.za/nuus/wereld/bekende-evangelis-sterf/ Opgespoor en besoek op 20 Mei 2020
- ↑ Fearon, Matthew. "Obituary: Ravi Zacharias" (in Engels). RZIM. Geargiveer vanaf die oorspronklike op 25 Mei 2020. Besoek op 20 Mei 2020.
- ↑ "Enrichment Journal" (in Engels). Geargiveer vanaf die oorspronklike op 23 April 2019. Besoek op 21 Mei 2020.
- ↑ "Apologetics315.com website". Geargiveer vanaf die oorspronklike op 10 Februarie 2018. Besoek op 21 Mei 2020.
- ↑ Daniel Silliman (19 Mei 2020), "Ravi Zacharias Dies of Cancer", ChristianityToday. Opgespoor op 19 Mei 2020
- ↑ "1995 Gold Medallion Book Awards Winners". Evangelical Christian Publisher's Association. 1995. Geargiveer vanaf die oorspronklike op 18 Mei 2008. Besoek op 5 Julie 2008.
- ↑ "Christian Bestsellers List, Augustus 2002". Christian Booksellers Association and the Evangelical Christian Publisher's Association. Augustus 2002. Geargiveer vanaf die oorspronklike op 19 Mei 2008. Besoek op 5 Julie 2008.
- ↑ "Christian Bestsellers List, Oktober 2007". Christian Booksellers Association and the Evangelical Christian Publisher's Association. Oktober 2007. Geargiveer vanaf die oorspronklike op 19 Mei 2008. Besoek op 5 Julie 2008.
- ↑ "Ravi Zacharias | RZIM". rzim.org. Geargiveer vanaf die oorspronklike op 25 Augustus 2012. Besoek op 21 Mei 2020.
- ↑ Zacharias 2006, pp. 42–43.
- ↑ Zacharias 2006, p. 45.
- ↑ 12,0 12,1 "Ravi at Princeton University - Why I'm Not an Atheist" (in Engels). Geargiveer vanaf die oorspronklike op 5 April 2020 – via www.youtube.com.
- ↑ Zacharias 2006, pp. 101–105.
- ↑ Zacharias 2006, p. 170.
- ↑ Zacharias 2006, p. 163.
- ↑ Zacharias 2006, p. 173.
- ↑ Zacharias 2006, p. 178.
- ↑ Silliman, Daniel (19 Mei 2020). "Ravi Zacharias dies of cancer". Christianity Today (in Engels). Geargiveer vanaf die oorspronklike op 28 Junie 2020.
- ↑ 19,0 19,1 Edward Plowman (Maart 1998). "Meet Ravi Zacharias". National and International Religion Report (in Engels). Evangelicals Now. Geargiveer vanaf die oorspronklike op 1 September 2013. Besoek op 4 Maart 2008.
- ↑ Zacharias 2006, p. 185.
- ↑ Zacharias 2006, pp. 192–193.
- ↑ Zacharias 2006, pp. 197–199.
- ↑ Zacharias 2006, pp. 200–201.
- ↑ Zacharias 2006, p. 203.
- ↑ Zacharias 2006, pp. 205–206.
- ↑ Zacharias, Ravi. "Jesus Christ Among Other Gods: Urbana 1993 Address" (in Engels). Geargiveer vanaf die oorspronklike op 16 Julie 2007. Besoek op 5 Julie 2008.
- ↑ "NEWS: Truth Makes a Comeback in University Settings". Christianity Today. 40 (1). Januarie 1996. Besoek op 18 Februarie 2008.
While certain speakers such as Zacharias, sociologist Os Guinness, law professor Phillip Johnson, and philosopher Eleanor Stump have made repeat appearances, the actual presentation differs from school to school.
- ↑ Parker, Pearman (28 September 2007). "Celebrated evangelist attracts thousands". redandblack.com (in Engels). The Red and Black Publishing Company Inc. Geargiveer vanaf die oorspronklike op 25 Mei 2020. Besoek op 18 Februarie 2008.
- ↑ Schwartz, Karen (4 Februarie 2003). "U. Michigan: U. Michigan speaker discusses American culture's ties to religion". The America's Intelligence Wire. Financial Times Ltd. Besoek op 18 Februarie 2008.
- ↑ Colella, Kristin (17 Februarie 2005). "Author shares insight on faith". Daily Collegian online (in Engels). Collegian Inc. Geargiveer vanaf die oorspronklike op 25 Mei 2020. Besoek op 21 November 2013.
- ↑ Moore, Carrie A. (15 November 2004). "Evangelical preaches at Salt Lake Tabernacle". Deseret Morning News (in Engels). deseretnews.com. Geargiveer vanaf die oorspronklike op 19 Julie 2008. Besoek op 15 Februarie 2008.
- ↑ Chang, Pauline J. (24 Desember 2004). "Evangelical Defends Decision to Speak at Mormon Tabernacle" (in Engels). The Christian Post. Geargiveer vanaf die oorspronklike op 29 Mei 2016. Besoek op 20 Maart 2008.
- ↑ Beverley, James A. (Januarie 2005). "Evangelist in Brigham Young's Court". Christianity Today (in Engels). christianitytoday.com. Geargiveer vanaf die oorspronklike op 20 November 2018. Besoek op 20 Maart 2008.
- ↑ Newswire, PR (15 Julie 2004). "Future of Truth Conference Explores Biblical Realities, Exposes Theological Heresies to Present a More Convincing Picture of Truth in Today's Society; Conference Will Feature Trusted Theologians Ravi Zacharias, William Lane Craig, Phillip Johnson, Erwin Lutzer, Emir Caner and Frank Peretti at The Moody Church in Chicago". PR Newswire Association LLC. Besoek op 18 Februarie 2008.
- ↑ Chang, Pauline J. (13 Februarie 2005). "Thousands Flock to Anaheim for Largest Christian Communications Convention" (in Engels). The Christian Post. Geargiveer vanaf die oorspronklike op 29 Mei 2016. Besoek op 18 Februarie 2008.
- ↑ Vu, Michelle (2 Maart 2007). "MissionFest Opens Asking 'What Does it Mean to be Human?'" (in Engels). The Christian Post. Geargiveer vanaf die oorspronklike op 29 Mei 2016. Besoek op 18 Februarie 2008.
- ↑ Key, Lindsay (10 Oktober 2007). "Virginia Tech audience hears Christian speaker". The Roanoke Times (in Engels). roanoke.com. Geargiveer vanaf die oorspronklike op 22 Februarie 2012. Besoek op 15 Februarie 2008.
- ↑ "Manhattan Declaration: A Call of Christian Conscience" (in Engels). Demossnews.com. Geargiveer vanaf die oorspronklike op 1 September 2013. Besoek op 29 Mei 2011.
- ↑ "First Graphic Novel by Apologist Ravi Zacharias". Religion Press Release Services. Religion News Service. 18 Junie 2014. Geargiveer vanaf die oorspronklike op 19 Februarie 2016. Besoek op 11 Maart 2018.
- ↑ Gryboski, Michael (21 Januarie 2016). "Rubio Forms 'Dignity of Life' Board Featuring Al Mohler, Ravi Zacharias" (in Engels). The Christian Post. Geargiveer vanaf die oorspronklike op 6 April 2020. Besoek op 11 Maart 2018.
- ↑ "Ravi Zacharias International Ministries, Full Filing - Nonprofit Explorer". ProPublica (in Engels). Geargiveer vanaf die oorspronklike op 21 Maart 2020.
- ↑ Zacharias, Ravi (1997). Deliver Us From Evil. Nashville: Word. pp. 219–220. ISBN 0-8499-3950-X.
- ↑ Duin, Julia (4 Julie 2003). "Christian worldview; Theologian-author Zacharias decries media double-standard". The Washington Times. Besoek op 18 Februarie 2008.
- ↑ "Ravi Zacharias: Defender of the FAITH; Alpharetta minister takes the Gospel to intellectuals". The Atlanta Journal and The Atlanta Constitution. 1 Maart 1997. Besoek op 18 Februarie 2008.
- ↑ Zacharias, Ravi; Norman L. Geisler (2003). Is Your Church Ready?. Grand Rapids: Zondervan. pp. 33-34. ISBN 0-8499-3950-X. Besoek op 17 Maart 2008.
{{cite book}}
: AS1-onderhoud: url-status (link) - ↑ Byvoorbeeld: Zacharias, Ravi (1994). Can Man Live Without God. Dallas: Word Publishing. p. Introduction, page xvi. ISBN 0-8499-1173-7.
{{cite book}}
: Onbekende parameter|nopp=
geïgnoreer (hulp) - ↑ Zacharias 2006.
- ↑ Foust, Michael (19 Mei 2020). "Ravi Zacharias dead at 74". Christian Headlines. Geargiveer vanaf die oorspronklike op 25 Mei 2020. Besoek op 9 Mei 2020.
- ↑ Foust, Michael (13 Maart 2020). "Ravi Zacharias Reveals He Has Malignant Tumor: 'We Are Trusting The Lord'". Christian Headlines (in Engels). Geargiveer vanaf die oorspronklike op 23 Mei 2020. Besoek op 21 Maart 2020.
- ↑ BST, Staff writer Sun 17 May 2020 12:16. "Ravi Zacharias cancer update: Beautiful tributes for apologist after grim prognosis". www.christiantoday.com (in Engels). Geargiveer vanaf die oorspronklike op 18 Mei 2020. Besoek op 18 Mei 2020.
- ↑ "Ravi Zacharias dies of cancer at 74". Disrn (in Engels). Geargiveer vanaf die oorspronklike op 30 Mei 2020. Besoek op 19 Mei 2020.
Aangehaalde werke
[wysig | wysig bron]- Zacharias, Ravi (2006). Walking From East to West: God in the Shadows. Grand Rapids: Zondervan. ISBN 0-310-25915-0.
{{cite book}}
: Ongeldige|ref=harv
(hulp)
Eksterne skakels
[wysig | wysig bron]![]() |
Wikiquote het aanhalings in verband met Ravi Zacharias |