Saul Bellow
Saul Bellow | |
---|---|
![]() Fotoportret van Bellow, stofomslag van Herzog (1964) | |
Gebore | Solomon Bellows 10 Junie 1915 Lachine, Quebec, Kanada |
Sterf | 5 April 2005 (op 89) Brookline, Massachusetts, Verenigde State |
Nasionaliteit | Kanadees/Amerikaans |
Alma mater | Universiteit van Chicago Northwestern University Universiteit van Wisconsin–Madison |
Beroep | skrywer |
Eggenoot |
|
Handtekening | |
![]() |
Saul Bellow (gebore as Solomon Bellows; 10 Junie 1915 – 5 April 2005) was 'n Kanadees-Amerikaanse skrywer. Hy het die Pulitzerprys, die Nobelprys vir Letterkunde en die Nasionale Kunstemedalje vir sy skryfwerk ontvang.[1] Hy is die enigste skrywer wat Amerika se nasionale boekprys vir fiksie drie keer kon wen. Hy het ook in 1990 die Nasionale Boekstigting se medalje vir lewenslange uitsonderlike bydraes tot die Amerikaanse letterkunde gewen.[2]
Sy skryfwerk versinnebeeld in die woorde van die Sweedse Nobelkomitee "'n mengsel van die ryk pikareske roman en 'n subtiele analise van ons kultuur, van vermaaklike avontuur, drastiese en tragiese episodes in vinnige opeenvolging wat afgewissel word met filsofiese gesprekvoering, en wat alles ontwikkel is deur 'n kommentator met 'n spitsvondige tong en deurtastende insig in die eksterne en interne komplikasies wat ons aandryf om op te tree of ons daarvan te weerhou; wat bestempel kan word as die dilemma van ons tyd." [3] Sy bekendste werke sluit The Adventures of Augie March, Henderson the Rain King, Herzog, Mr. Sammler's Planet, Seize the Day, Humboldt's Gift en Ravelstein in. Bellow se werk word beskou as 'n belangrike verteenwoordiger van 20ste eeuse letterkunde.[4]
Bellow het gesê dat van al sy karakters, Eugene Henderson van Henderson the Rain King hom die beste voorstel.[5] Bellow het grootgeword as 'n immigrant uit Quebec. Christopher Hitchens beskryf Bellow se fiksie en hoofkarakters as 'n spieëlbeeld van sy eie hunkering na onvergelykbaarheid, 'n geveg "om nie slegs die omstandighede van die ghetto te oorkom nie, maar ook gehtto-psigose."[6][7] Bellow se protagoniste worstel almal met wat Albert Corde, die dekaan in The Dean's December, "die grootskaalse kranksinnighede van die 20ste eeu" noem.
Temas en styl
[wysig | wysig bron]![](http://upload.wikimedia.org/wikipedia/commons/thumb/4/49/Saul_Bellow.jpg/220px-Saul_Bellow.jpg)
Die werke van die skrywer spreek die verbluffende aard van die moderne beskawing, en die vermoë van die mens om sy broosheid te bowe te kom en grootsheid (of ten minste bewustheid) te bereik, aan. Bellow het verskeie gebreke in die moderne beskawing, en hierdie gebreke se vermoë om waansinnigheid, oëverblindery en materialisme te bevorder, raakgesien. [8] Die hoofkarakters in Bellow se fiksie beskik oor die potensiaal tot heldedade, en word baie keer gekontrasteer met die negatiewe kragte van die samelewing. Hierdie karakters is dikwels Joods en voel dikwels vervreem.
Die Joodse lewe en -identiteit is 'n belangrike tema in Bellow se werk, alhoewel hy 'n renons daarin gehad het om 'n "Joodse skrywer" genoem te word. Bellow se werk toon ook waardering vir Amerika en 'n fassinasie met die destydse uniekheid en lewenskragtigheid van die Amerikaanse ervaring.
Bellow se werk bevat heelwat verwysings na, en aanhalings uit, Proust en James se werk. Hierdie verwysings na hoëkultuur word egter dikwels afgewissel met kwinkslae en spitsvondighede. Bellow het outobiografiese elemente in sy fiksie geïnkorporeer en daar word dikwels gespekuleer dat baie van sy hoofkarakters ooreenkomste met hom toon.
Politiese beskouinge
[wysig | wysig bron]Soos wat hy ouer geword het, het Bellow wegbeweeg van linkse politiek en homself geïdentifiseer met kulturele konserwatisme.[9] Sy opponente het feministe, kampusaktiviste en postmoderniste ingesluit.[10] Bellow het ook betrokke geraak in die dikwels omstrede kwessie van betrekkinge tussen Amerikaanse Jode en Afro-Amerikaners.[11] Bellow het 'n kritiese houding teenoor multikulturalisme ingeneem en op 'n keer volgens Alfred Kazin gesê: "Wie is die Tolstoi van die Zoeloes en die Proust van die Papuane? Ek sal hom met graagte lees."[12][13] Bellow het homself later ietwat van hierdie opmerkings gedistansieër, wat hy gekarakteriseer het as "terloopse en sekerlik pedantiese opmerkings." Hy het egter by sy standpunt oor multikulturalisme gehou en geskryf:
In any reasonably open society, the absurdity of a petty thought-police campaign provoked by the inane magnification of "discriminatory" remarks about the Papuans and the Zulus would be laughed at. To be serious in this fanatical style is a sort of Stalinism – the Stalinist seriousness and fidelity to the party line that senior citizens like me remember all too well.[14]
Ondanks sy vereenselwiging met Chicago het hy hom gedistansieër van sommige van die stad se meer konvensionele skrywers. In 'n 2006 onderhoud met die tydskrif Stop Smiling het Studs Terkel oor Bellow gesê: "Ek het hom nie goed geken nie. Ons het oor politieke kwessies verskil. Tydens die betogings wat aan die begin van Norman Mailer se Armies of the Night plaasvind het, toe Mailer, Robert Lowell en Paul Goodman opgetrek het om teen die Viëtnamoorlog te protesteer, is Bellow uitgenooi vir 'n soort teenvergadering. Hy het gesê: 'Natuurlik sal ek dit bywoon'. Hy het egter 'n groot gewag daarvan gemaak. In pleks daarvan om net 'OK' te sê, was hy trots daarop. Daarom het ek 'n brief aan hom geskryf waarvan hy nie gehou het nie. Hy het my beantwoord met 'n brief van sy eie. Hy het my 'n Stalinis genoem. Andersins was ons vriendelik met mekaar. Hy was natuurlik 'n briljante skrywer. Ek is versot op Seize the Day."
Pryse en eerbewyse
[wysig | wysig bron]- 1948 Guggenheim-genootskap[15]
- 1954 Nasionale Boekprys vir fiksie
- 1965 Nasionale Boekprys vir fiksie
- 1971 Nasionale Boekprys vir fiksie
- 1976 Pulitzerprys vir Fiksie
- 1976 Nobelprys vir Letterkunde
- 1980 O. Henry-toekenning
- 1986 St. Louis letterkunde-prys van die Saint Louis-universiteit[16][17]
- 1988 Nasionale Kunstemedalje
- 1989 PEN/Malamud-toekenning
- 1989 Peggy V. Helmerich skrywersprys vir uitsonderlikheid[18]
- 1990 Die Nasionale Boekstigting se medalje vir lewenslange uitsonderlike bydraes tot Amerikaanse Letterkunde[19]
- 1997 Nasionale Joodse Boekprys vir The Actual[20]
- 2010- ingelyf in Chicago se Literary Hall of Fame.[21]
Bellow word uitgebeeld in ses portrette wat deel is van die versameling van die Nasionale Portretgalery van die Verenigde State en wat 'n foto deur Irving Penn,[22] 'n skildery deur Sarah Yuster,[23] 'n borsbeeld deur Sara Miller[24] en skilderye deur Edward Sorel en Arthur Herschel Lidov insluit.[25][26][27] 'n Kopie van die Miller-borsbeeld is in 1993 geïnstalleer in die Harold Washington Library Center.[28] Bellow se skrywersnalatenskap word gehuisves in die biblioteek van die Universiteit van Chicago.[29]
Bibliografie
[wysig | wysig bron]Romans en novelles
[wysig | wysig bron]- Dangling Man (1944)
- The Victim (1947)
- The Adventures of Augie March (1953), Nasionale Boekprys vir fiksie[30]
- Seize the Day (1956)
- Henderson the Rain King (1959)
- Herzog (1964), Nasionale Boekprys[31]
- Mr. Sammler's Planet (1970), Nasionale Boekprys[32]
- Humboldt's Gift (1975), wenner van die 1976 Pulitzerprys vir Fiksie[33]
- The Dean's December (1982)
- More Die of Heartbreak (1987)
- A Theft (1989)
- The Bellarosa Connection (1989)
- The Actual (1997)
- Ravelstein (2000)
Kortverhaalbundels
[wysig | wysig bron]- Mosby's Memoirs and Other Stories (1968)
- Him with His Foot in His Mouth and Other Stories (1984)
- Something to Remember Me By: Three Tales (1991)
- Collected Stories (2001)
Toneelstukke
[wysig | wysig bron]- The Last Analysis (1965)
Biblioteek van Amerika-uitgawes
[wysig | wysig bron]- Novels 1944–1953: Dangling Man, The Victim, The Adventures of Augie March (2003)
- Novels 1956–1964: Seize the Day, Henderson the Rain King, Herzog (2007)
- Novels 1970–1982: Mr. Sammler's Planet, Humboldt's Gift, The Dean's December (2010)
- Novels 1984–2000: What Kind of Day Did You Have?, More Die of Heartbreak, A Theft, The Bellarosa Connection, The Actual, Ravelstein (2014)
Vertalings
[wysig | wysig bron]- Gimpel the Fool (1945), kortverhaal deur Isaac Bashevis Singer (in 1953 deur Bellow vertaal)
Nie-fiksie
[wysig | wysig bron]- To Jerusalem and Back (1976), memoires
- It All Adds Up (1994), essaybundel
- Saul Bellow: Letters, geredigeer deur Benjamin Taylor (2010), korrespondensie
- There Is Simply Too Much To Think About (Viking, 2015), bundel bestaande uit korter nie-fiksie stukke
Werke oor Saul Bellow
[wysig | wysig bron]- Saul Bellow's Heart: A Son's Memoir, Greg Bellow, 2013 ISBN 978-1608199952
- Saul Bellow, Tony Tanner (1965) (sien ook sy City of Words [1971])
- Saul Bellow, Malcolm Bradbury (1982)
- Saul Bellow Drumlin Woodchuck, Mark Harris, University of Georgia Press. (1982)
- Saul Bellow: Modern Critical Views, Harold Bloom (Red.) (1986)
- Handsome Is: Adventures with Saul Bellow, Harriet Wasserman (1997)
- Saul Bellow and the Decline of Humanism, Michael K Glenday (1990)
- Saul Bellow: A Biography of the Imagination, Ruth Miller, St. Martins Pr. (1991)
- Bellow: A Biography, James Atlas (2000)
- Saul Bellow and American Transcendentalism, M.A. Quayum (2004)
- "Even Later" and "The American Eagle" in Martin Amis, The War Against Cliché (2001). Laasgenoemde essay kan ook gevind word in die Everyman's Library-uitgawe van Augie March.
- 'Saul Bellow's comic style': James Wood in The Irresponsible Self: On Laughter and the Novel, 2004. ISBN 0-224-06450-9.
- The Hero in Contemporary American Fiction: The Works of Saul Bellow and Don DeLillo , Stephanie Halldorson (2007)
- "Saul Bellow", 'n liedjie wat geskryf is deur Sufjan Stevens en op sy album The Avalanche verskyn en opnames bevat uit sy konsepalbum, Illinois
- The Life of Saul Bellow: To Fame and Fortune, 1915–1964 (2015), en The Life of Saul Bellow: Love and Strife, 1965–2005 (2018), Zachary Leader
Verwysings
[wysig | wysig bron]- ↑ University of Chicago accolades – National Medal of Arts. Opgespoor op 8 Maart 2008.
- ↑ "Distinguished Contribution to American Letters". National Book Foundation. Opgespoor op 12 Maart 2012.
- ↑ "Nobel Prize in Literature 1976 – Press Release". nobelprize.org. Besoek op 26 Augustus 2015.
- ↑ Doodsberig: Saul Bellow BBC News, Tuesday, 5 April 2005
- ↑ "The New York Times, Mel Gussow and Charles McGrath[2005], in Saul Bellow, Who Breathed Life into American Novel, Dies at 89". nytimes.com. Besoek op 26 Augustus 2015.
- ↑ Christopher Hitchens (2011). Arguably: Shortlisted for the 2012 Orwell Prize. Atlantic Books. p. 54. ISBN 978-0-85789-257-7.
- ↑ "Jewish American titan from the ghetto" Deur Christopher Hitchens, 30 Desember 30, 2011
- ↑ Malin, Irving. Saul Bellow's Fiction. Carbondale: Southern Illinois University Press, 1969
- ↑ Review: The Joan Peters Case, Edward W. Said, Journal of Palestine Studies, 15:2 (Winter, 1986), pp. 144–150. Opgespoor op 27 Maart 2008.
- ↑ "The New American McCarthyism: policing thought about the Middle East" (PDF). Geargiveer vanaf die oorspronklike (PDF) op 20 Oktober 2005.
- ↑ Ahmed, Azam and Ron Grossman (5 Oktober 2007) "Bellow's remarks on race haunt legacy in Hyde Park." Chicago Tribune.
- ↑ John Blades (19 Junie 1994). "Bellow's Latest Chapter". Chicago Tribune. Besoek op 1 Oktober 2012.
- ↑ "Mr. Bellow's planet by Dominic Green published in the New Criterion November 2018".
- ↑ Saul Bellow (10 Maart 1994). "Papuans and Zulus". New York Times Book Review. Besoek op 10 Junie 2015.
- ↑ Connelly, Mark (2016). Saul Bellow: A Literary Companion. McFarland. p. 8. ISBN 978-0786499267.
- ↑ "Saint Louis Literary Award – Saint Louis University". www.slu.edu. Geargiveer vanaf die oorspronklike op 23 Augustus 2016. Besoek op 26 Mei 2018.
- ↑ Saint Louis University Library Associates. "Recipients of the Saint Louis Literary Award". Geargiveer vanaf die oorspronklike op 31 Julie 2016. Besoek op 25 Julie 2016.
- ↑ Connelly, Mark (2016). Saul Bellow: A Literary Companion. McFarland & Company, Inc. p. 16. ISBN 9780786499267.
- ↑ Aarons, Victoria (2016). The Cambridge Companion to Saul Bellow. Cambridge University Press. p. 85. ISBN 978-1107108936.
- ↑ "Past Winners". Jewish Book Council (in Engels). Besoek op 20 Januarie 2020.
- ↑ "Saul Bellow". Chicago Literary Hall of Fame (in Engels). 2010. Besoek op 8 Oktober 2017.
- ↑ "Saul Bellow". Besoek op 26 Mei 2018.
- ↑ "Saul Bellow". Besoek op 26 Mei 2018.
- ↑ "Saul Bellow". Besoek op 26 Mei 2018.
- ↑ "Saul Bellow". Besoek op 26 Mei 2018.
- ↑ "Saul Bellow". Besoek op 26 Mei 2018.
- ↑ "Saul Bellow". Besoek op 26 Mei 2018.
- ↑ "Bellow's Defection No Match For Affection From Hometown". Geargiveer vanaf die oorspronklike op 9 Julie 2018. Besoek op 26 Mei 2018.
- ↑ "Guide to the Saul Bellow Papers 1926–2015". www.lib.uchicago.edu. Besoek op 26 Mei 2018.
- ↑ "National Book Awards – 1954". National Book Foundation (NBF). Opgespoor op 2012-03-03. (Met 'n essay deur Nathaniel Rich van die toekennings se 60-jaar herdenkingsblog.)
- ↑ "National Book Awards – 1965". NBF. Opgespoor op 2012-03-03. (met 'n toespraak deur Bellow en essay deur Salvatore Scibona van die toekennings se 60-jaar herdenkingsblog.)
- ↑ "National Book Awards – 1971". NBF. Opgespoor op 2012-03-03. (Met 'n essay deur Craig Morgan Teicher van die toekennings se 60-jaar herdenkingsblog.)
- ↑ "History". Past winners & finalists by category. The Pulitzer Prizes. Opgespoor op 30 Maart 2012.
Eksterne skakels
[wysig | wysig bron]![]() |
Wikiquote het aanhalings in verband met Saul Bellow |
![]() |
Wikimedia Commons bevat media in verband met Saul Bellow. |
- Saul Bellow by Find a Grave
- Guide to the Saul Bellow Papers 1926-2015 by die University of Chicago Special Collections Research Center
Hierdie artikel is in sy geheel of gedeeltelik vanuit die Engelse Wikipedia vertaal. |