Spesery
![](http://upload.wikimedia.org/wikipedia/commons/thumb/0/07/Spices_in_an_Indian_market.jpg/250px-Spices_in_an_Indian_market.jpg)
Speserye is gedroogde sade, vrugte, wortels, bas, of ander plantprodukte wat primêr gebruik word vir geur, kleur of preservering van voedsel. Soms word 'n spesery gebruik om slegte geur te verberg.
Speserye word onderskei van kruie, wat dele van groen blaarplante is en ook gebruik word vir geur en om geregte beter te laat vertoon.
Baie speserye het antimikrobiese eienskappe. Dit kan verduidelik waarom speserye meer algemeen gebruik word in die warmer klimaatsones, waar meer aansteeklike siektes voorkom, en waarom die gebruik van speserye prominent is in vleis, wat veral vatbaar is vir bederf.[1]
Speserye het ook ander gebruike, insluitend godsdienstige rituele, medisinale, skoonheidsmiddel- of parfuumproduksie, of as 'n groente. Borriewortels word byvoorbeeld verbruik as 'n groente, en knoffel as 'n antibiotikum.[2]
Verwysings
[wysig | wysig bron]- ↑ Thomas, Frédéric; Daoust, Simon P.; Raymond, Michel (2012). "Can we understand modern humans without considering pathogens?". Evolutionary Applications. 5 (4): 368–379. doi:10.1111/j.1752-4571.2011.00231.x. ISSN 1752-4571.
- ↑ "Garlic: A natural antibiotic" (in Engels). ACM Modern Drug Discovery April 2002 Vol. 5, No. 4, p 12. 1 April 2002. Geargiveer vanaf die oorspronklike op 10 April 2016. Besoek op 23 Augustus 2010.