Universidá Humboldt de Berlín
![](http://upload.wikimedia.org/wikipedia/commons/thumb/d/d1/Edificio_principal_de_la_Universidad_Humboldt%2C_Berl%C3%ADn%2C_Alemania%2C_2016-04-22%2C_DD_25-27_HDR.jpg/220px-Edificio_principal_de_la_Universidad_Humboldt%2C_Berl%C3%ADn%2C_Alemania%2C_2016-04-22%2C_DD_25-27_HDR.jpg)
![](http://upload.wikimedia.org/wikipedia/commons/thumb/e/e3/Alexander_von_Humboldt_Denkmal_-_Humboldt_Universit%C3%A4t_zu_Berlin.jpg/220px-Alexander_von_Humboldt_Denkmal_-_Humboldt_Universit%C3%A4t_zu_Berlin.jpg)
![](http://upload.wikimedia.org/wikipedia/commons/thumb/9/90/Frontansicht_des_Hauptgeb%C3%A4udes_der_Humboldt-Universit%C3%A4t_in_Berlin.jpg/250px-Frontansicht_des_Hauptgeb%C3%A4udes_der_Humboldt-Universit%C3%A4t_in_Berlin.jpg)
La Universidá de Humboldt de Berlín (n'alemán, Humboldt-Universität zu Berlin) ye la más antigua d'esta ciudá alemana. Sirvió como modelu pa otres universidaes europees y d'otros países occidentales.
Historia
[editar | editar la fonte]Foi fundada pol lliberal prusianu Wilhelm von Humboldt en 1810 col nome de «Universidá de Berlín» (Universität zu Berlin). Simultáneamente fundóse tamién un muséu de historia natural que de primeres tuvo allugáu nel mesmu edificiu que la universidá: el Muséu d'Historia Natural de Berlín. En 1889 construyóse un edificiu separáu pa esti muséu d'historia natural. Más tarde, a finales del sieglu XX, el muséu d'historia natural desvenceyóse definitivamente de la universidá.
En 1828 la universidá recibió'l nome de Universidá Friedrich-Wilhelm (Friedrich-Wilhelms-Universität) y más tarde foi conocida como "Universität unter den Linden". A lo último, en 1949 camudóse'l so nome a "Humboldt-Universität zu Berlin" (Universidá Humboldt de Berlín) n'honor al so fundador.
Por esta universidá pasaron munchos de los grandes intelectuales y científicos alemanes de los dos últimos sieglos. Ente ellos destáquense:
- El filósofu idealista Johann Gottlieb Fichte.
- El teólogu Friedrich Schleiermacher.
- El filósofu idealista Georg Wilhelm Friedrich Hegel.
- El filósofu pesimista Arthur Schopenhauer.
- El filósofu y teólogu Romanu Guardini
- El filósofu y fundador del marxismu Karl Marx.
- El físicu y premiu Nobel Albert Einstein.
- El poeta Heinrich Heine.
- El fundador del Partíu Socialdemócrata d'Alemaña Karl Liebknecht.
- El gran ciruxanu Johann Friedrich Dieffenbach.
- El patólogu y antropólogu Max Westenhofer.
- El físicu y matemáticu y premiu Nobel Max Planck.
En total, la Universidá de Humboldt ye la casa de 29 ganadores d'un premiu Nobel.
N'años adelantróse en Berlín un discutiniu sobre la creación d'una súper universidá na que s'hai comtemplado la posible fusión de los trés mayores universidaes de Berlín (Freie Universität, Technische Universität y Humboldt).[1]
La estructura d'esta universidá alemana, enfocada a la enseñanza y la investigación, sirvió de modelu mientres el sieglu XIX a instituciones como la Universidá Johns Hopkins (primer dedicada a la investigación n'Estaos Xuníos) y otres munches como Universidá Harvard, Duke o la Universidá Cornell.
Profesores famosos actuales
[editar | editar la fonte]- Anneliese Abramowski, xermanística
- Jörg Baberowski, historia d'Europa del Este
- Christine Bauhardt, política, xéneru y globalización
- Wolfgang Ernst, medios
- Hans Föllmer, matemática
- Peter Frensch, psicoloxía
- Norbert Fries, llingüística y sintaxis
- Konrad Hagedorn, agricultura
- Michael Kloepfer, derechu públicu
- Claus Offe (em.), ciencia política
- Bernhard Schlink, derechu públicu
- Christian Tomuschat (em.), derechu
- Joseph Vogl, lliteratura alemana moderna
- Heinrich August Winkler, historia moderna
- Eugene Goldstein, físicu
Referencies
[editar | editar la fonte]- ↑ «La súper universidad» (castellanu). Deutsche Welle 03.07.2007 (2007). Consultáu'l 7 de payares de 2007.
Ver tamién
[editar | editar la fonte]Enllaces esternos
[editar | editar la fonte]- Muséu de Ciencies Naturales de Berlín (Museum für Naturkunde), perteneciente a la Universidá. (n'inglés)