Ü
Der Artikl is im Dialekt Owaöstareichisch gschriem worn. |
Ü | ü |
groß gschrim | kloa gschrim |
S'Ü (kloa gschrim ü) is a Buchstob vum lateinischn Alphabet, des aus am U mid am Trema (oda "Umlaud") bestehd.
Vawendung
[Werkeln | Am Gwëntext werkeln]ois U mid Umlaud
[Werkeln | Am Gwëntext werkeln]![](http://upload.wikimedia.org/wikipedia/commons/8/8c/Fraktur_letter_U-umlaut.png)
Im Deitschn güit s'Ü ois a U mid Umlaudpunktal drüwa, ned ois komplett eigna Buchstob. S'Ü kau fia'n laungen Laud [yː] oda fia'n kuazn Laud [ʏ] steh, s'kuaze [y] gibts im Deitschn netta in Fremdweata. Altanativ zu am Ü kau ma im Deitschn aa UE schreim, wos hauptsächli gmocht wiad, waun a Ü technisch ned möglich is.
Aus'm Deitschn is s'Ü in skandinavische Sprochn wia s'Schwedische eidrunga, wos tyskt y („deitsches Y“) gnennd wiad und netta in Wöata voakimmd, de aus'm Deitschn staummen.
Entwückid hod si s'U mid Umlaud aus am U mid am kloan E drüwa (Uͤ), des mid da Zeid zu zwoa Punktal ogwaundlt woan is.
ois U mid Diarese-Zeichn
[Werkeln | Am Gwëntext werkeln]Im Spanischn, und Katalanischn wiad s'Ü gschrim, waun ma kennzeichna muaß, dass a U in am Woat ned stumm is, sondan ois U auszsprecha is. D'Buchstomkombinazion gue wiad nämli im Spanischn ois [ge] ausgsprocha, güe owa ois [gue]. Im Fraunzösischn gibts s'Ü netta in a poa Eignnaumen wia in Capernaüm, im brasilianischn Portugiesischn gheads zwoa eigntli aa gschrim (qüinqüelíngüe „fümfsprochig“), wiad owa imma öfta ausglossn. Im Rest vum portugiesischn Sprochgebiet schreibt ma ka Ü ned.
ois eignes Zeichn
[Werkeln | Am Gwëntext werkeln]In vüi Tuaksprochn, im Ungarischn und im Estnischn stehd s'Ü fia'n Laud [y]. Im Ungarischn kennd ma aa nu a Ű, des fia den söiwn Laud stehd, waun a laung is [yː].
In de chinesischn Umschriftn Pinyin und Wade-Giles stehd s'Ü emso fias [y], wobei ma de Punktal im Pinyin netta schreibt, waun a Woat ohne de Punktal vawexlt wean kentad. Auf de chinesischn Tastatuan gibts owa ka Ü ned, drum nimmd ma in da Rögi s'V, des eh sunst ka Vawendung ned hod. De austronesische Sproch Rotumanisch kennd s'Ü emfois ois Zeichn fias [y].
Doastellung am Rechna
[Werkeln | Am Gwëntext werkeln]Im Unicode is s'Ü an de Codepunkte U+00DC (da Großbuchstob) und U+00FC (da Kloabuchstob) voahaundn. Desöim Stöin belegts in ISO 8859-1.
In TeX kau ma s'Ü im Textsotz mid de Befehle \"U
und \"u
und grafischn Sotz mit \ddot U
und \ddot u
schreim.
Im HTML gibts de benaunnten Zeichn Ü
fias große Ü und ü
fias kloane ü.