Paraboiantenn (TV)
A Paraboiantenn fian Feansehempfang, oft nua Schüssl gnannt, wead zum Empfang vo Rundfunkprogramme oda andane Dienste üba Satellitn braucht. De Satellitn doan auf a geostazionärn Eadumlaufbahn in circa 36.000 km Entfeanung de Dienste ausstroin. Wega dea groaßen Entfeanung keman de Signale nua nu rechd schwoch auf da Eadn o. Zum empfanga vom Ku-Bandl glangt heidzdog a Paraboiantenn mit 60 cm Duachmessa.
Paraboispiagl
[Werkeln | Am Gwëntext werkeln]![](http://upload.wikimedia.org/wikipedia/commons/thumb/7/7b/Schotelantenne.jpg/220px-Schotelantenne.jpg)
De Gräßn wead mim Duachmessa vom Spiagl ogem. Am meistn wean Antennen mid am Duachmessa vo 60–85 cm vawendt. De Flächn und damid de Empfindlichkeit wachsd quadratisch mim Duachmessa. Beispuisweis is de Empfangsfächn vo a 85 cm Antenn dopped so groaß wie de vo a 60 cm groaßn. Andas ois bei terrestrischn Sendefrequenzn im VHF- oda UHF-Bandl wead de Stroing im Ku-Bandl deitlich duach Feichtigkeit dämpft. De Signoistärkn ko um mera ois 6 dB obnema. Bei stäakan Regn glangan de Empfangsreserven bei gloane Antenna oft ned um feansehn zum kina.
Aufbau
[Werkeln | Am Gwëntext werkeln]![](http://upload.wikimedia.org/wikipedia/commons/thumb/7/7d/Antenne-toroidale.jpg/110px-Antenne-toroidale.jpg)
De Antenn bstäd aus am Paraboispiagl und am Empfangskopf mim integriatn Frequenzumsetza und ZF-Vastäaka, gnannt da Low Noise Block Converter (LNB). Hinten an da Antenn is a Masthoitarung mid a Gradtabejn zum Ausrichtn obrochd. Füa fui Spiagl gibts spezielle Multifeedhoitarungen de meist voan am Empfangsoam obaud wead. Damid is da Empfang vo mera Satellitn mid oana Antenn meglich.
Offsetantenn
[Werkeln | Am Gwëntext werkeln]De heidzdog ausschliaßlich vawendte Offsetantenn is im Prinzigp Tei vo a Primärfokus-Antenn. De Spiaglflächn is nimma kreisrund, sondan oval. Im Gegnsatz zua Primärfokus-Antenn is da Spiagl nimma direkt aufn Satellitn ausgrichd, sondan weisd a eahebliche Winkeobweichung (Offsetwinke) auf. Da LNB brauchd de sejbe Obweichung ind andane Richtung damida se trotzdem im Brennpunkt vom Spiagl bfindt. A groaßa Voateil vo de Foam is, dass da LNB nimma im Stroingang hängt, und somid koa Empfangsenagie valoan ged. Außadem ko se duach de fosd senkrechte Position, nua nu schwa a Schnee im Reflektor sammen.
Matreal
[Werkeln | Am Gwëntext werkeln]De Spiagl bstengan heid meistens nua nu aus lackiatm Aluminium oda Stoi. Da lack muas aba imma matt sei, weis Sunnaliachd sunst bündelt aufn LNB reflektiad wead und do Lecha eine brennd. Kunststoff wead wegam häan Preis ea sejtn vawendt. Bei eana is a Metoigitta eigoawad desd Stroiung reflektiad. Andas ois bei Metoispiagl gengan koane Schraum duachd Spiaglflächn, sondan auf da Ruckseitn ged da Kunststoff direkt vom Spiagl ind Hoitarung üba. Da Kunststoff ko jede Foab hom, und a duachsichtig sei, damid a an Fassadn ned auffoid. Weida gibts a Drodgittaantenna, deren Voateil a rechd gringa Widastand zum Winddruck is. De Foab is meistens schwoaz um unauffällig zum sei. Da Nochteil bei olle lackierten Antenna is de Rostgfoa bei Lackbschädigungen.
Low Noise Block Converter (LNB)
[Werkeln | Am Gwëntext werkeln]→ Hauptartikel Rauschoama Signoiumsetza
Da LNB sitzt in da mittn vom Brennpunkt und vastäakt de empfangan Satellitnsignale. Beim Ku-Bandl (10,7 bis 12,75 GHz) setztas Signal auf an Frequenzbereich vo 950 bis 2150 MHz um, damid da Receiver des vaoawatn ko. Des is netig wei de Frequenzen vom Ku-Bandl im Kabe zvui Signalstärkn valian dan.
Nomalaweis wead de Antenn auf oan Satellitn ausgricht, wenn aba mera empfanga wean woin, benutzt ma an sognanntn "Multifeedhoita", dea mera LNBs aufnemma ko. Wei aba dabei imma mindestens oa LNB ned im Brennpunkt wean soiche Antenna "schuinde Schissl" gnennt. Meist wead da LNB wos aufn schwächstn Satellitn ausgricht is im Brennpunkt obrocht. Ois Oitanative zum Multifeed gibts speziäe Antennenmastn mid am Motor und a "Polatmounthoidarun", de bei a Draung de geostationäre Bahn, ähnlich wiad Sun, obfoad. De speziän DiSEqCBefehle wean vom Receiver ibas noamale Koaxialkabe übadrogn. Soiche Olagn san aba meist nua füa oan Teilnehma geignet.
Kabe
[Werkeln | Am Gwëntext werkeln]Fia Satellitenolagn wead noamals obgschiamds Koaxialkabe mid F-Stecka vawendt. Da Innenleita soid aus oam Kupfastrang bste und ned aus vadrillte Kupfadrät. Meistens weads Kabe direkt an Reciva ogschloßn. Bei mer Teilnehmaolagn kimd noamal a Multischoida zum oasatz.
Im Netz
[Werkeln | Am Gwëntext werkeln]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)