Hipócrates
Hippocrates of Kos | |
---|---|
![]() A conventionalized image in a Roman "portrait" bust (19th-century engraving) | |
Kamundagan | c. 460 BC Kos, Ancient Greece |
Kagadanan | c. 370 BC (aged approximately 90) Larissa, Antigong Gresya |
Trabaho | Mediko |
Era | Gresya Klasiko |
![](http://upload.wikimedia.org/wikipedia/commons/thumb/9/9c/Centro_M%C3%A9dico_Nacional_Siglo_XXI_-_6.jpg/250px-Centro_M%C3%A9dico_Nacional_Siglo_XXI_-_6.jpg)
Si Hipócrates nin Kos (/hɪˈpɒkrətiːz/; Plantilya:Lang-grc-gre; c. 460 – c. 370 BC), midbid man na Hippocrates II, sarong Griyegong mediko kan peryodo klasiko na konsideradong saro sa lataw na pigura sa historya nin medisina. Siya tradisyonal na sinasambitan na "Ama nin Medisina" sa pagmidbid kan saiyang danay na kontribusyon sa lantad nin medisina, arog kan paggamit nin prognosis asin pag'obserba klinikal, sistematikong pagkategoriya kan mga helang, o pagpormulasyon nin teoriya humoral. An Hipokratikong eskwelahan nin medisina antigong Griyegong medisina, [pagtugdas nin disiplina na laen sa ibang lantad nin adal na dati ipigdudukot sa (theurgy asin pilosopiya), na huli kaini naitindog an medisina bilang sarong propesyon.[1][2]
Si Soranus nagsurat na an ama ni Hipocrates Heraclides, sarong doktor, asin saiyang ina si Praxitela, aki ni Tizane. An duwang aki ni Hippocrates, Thessalus asin Draco, asin saiyang manugang, Polybus, mga estudyante niya. Susog ki Galen, na nagin mediko ngapit, si Polybus, an tunay na tagamana ni Hipocrates, manta si Thessalus asin Draco sinda lambang saro may aking lalaki an pangaran Hippocrates (Hippocrates III asin IV).[3][4]
Si Soranus nagsasabi na si Hipocrates nakanood nin medisina sa saiyang ama asin lolo (Hippocrates I), asin nag'adal nin iba pang mga adalon ki Democritus saka ki Gorgias.Si Hipocrates pwedeng nagtraining sa asklepieion nin Kos, asin nagkuang mga leksyon sa Thracian na medikong si Herodicus nin Selymbria. Si Plato nabanggit si Hipocrates sa duwa niyang dialogue: sa Protagoras, si Plato pigladawan si Hipocrates bilang "Hippocrates nin Kos, an Asclepiad";[5][6] mantang sa Phaedrus, si Plato nagswestyon na may pagsaboot si "Hipocrates an Asclepiad" na kaipohan an sangkap na pagkaaram kan natura nin hawak para sa pagbulong.[7] Si Hipocrates nagtukdo asin nagpraktis medisina sa lawig nin buhay niya, na nagparabyahe nakaabot pang Thessaly, Thrace, asin sa Dagat nin Marmara. Magkapirang usipon dapit sa pagkagadan niya an natatala. Siya posible nagadan sa Larissa, sa edad na 83, 85 o 90, alagad iba man ngani nagsasabi na siya inabot an edad sobra sa 100.[4]
Toltolan
[baguhon | baguhon an source]- ↑ Garrison 1966, pp. 92–93
- ↑ Nuland 1988, p. 5
- ↑ Adams 1891, p. 19
- ↑ 4.0 4.1 Margotta 1968, p. 66
- ↑ Martí-Ibáñez 1961, pp. 86–87
- ↑ Plato 380 B.C.
- ↑ Plato 360 B.C. 270c