Mahmoud Abbas
![](http://upload.wikimedia.org/wikipedia/commons/6/68/Mahmoud_Abbas_2007.jpg)
Si Mahmoud Abbas (Arabe: محمود عباس) (namundag Marso 26, 1935), bisto sa arapodan na Abu Mazen (Arabe: ابو مازن), iyo an nagtukaw bilang Pamayo kan Palestine Liberation Organisation (PLO) poon pa kan Nobyembre 11 2004 asin nagin presidente kan Palestinian National Authority kan Enero 15, 2005 dara kan Fatah (فتح Fataḥ) tiket.
Naelihir na magsirbe sagkod sa Enero 9, 2009, si Abbas nagsadiring pighunat an saiyang termino nin saro pang taon alagad ngani dai pa siya nagbutas sa pwesto maski nagpaso na si plaso tinao niya sa sadiri. Resulta kaini, an karibal na partido pulitika kan Fatah, an Hamas, nagdeklara na dai binibisto an padagos na pagkapot kan pwesto ni Abbas [1][2]
Si Abbas napili na Presidente kan Estado nin Palestino kan Konseho Sentral kan inapod na Palestine Liberation Organisation kan Nobyembre 23, 2008, katongdan na kapot naman niya poon kan taon 2005 maski totoo bakong opisyal. Siya nagsirbe bilang enot na Primer Ministro kan Palestinian Authority poon Marso abot Oktobre 2003 kun kasuarin siya nagdimitir huli sa soboot sabi niya "kulang na suporta" hale sa Israel asin sa Estados Unidos asin huli man sa internal na diringkilan sa laog kan gobyerno niya.[3] Bago siya nagin Primer Ministro, siya nagtukaw sa Negotiations Affairs Department.
Si Abbas huli sa sinasabi niyang mayong nangyayari sa lampas nang 20ng taon na negosasyon para sa katoningan sa duwang lado kan Israel asin Palestino, naghihingoa nang an saiyang estadong Palestino ta'wan nin opisyal na pagmidbid bilang sarong estado kan Pinagsarong mga Estado (United Nations), na sarong lakdang na kun saen an Estados Unidos biyong nangungutiil asin kinokontra man kan Israel. Alagad kan Nobyembre 1, 2011 an Palestino nakua an mayoriyang boto sa lakdang kaining magin myembro ngona kan UNESCO asin sa botong 107 sa miting kaini sa Paris, an Palestino naako bilang myembro. Sa botohan na ini, 52 dai nagpartisipar asin 14 dai nag'oyon alagad an nakuang boto naabot an mayoriyang duwa katolohan ngani ini magin myembro.[4]
Mga panluwas na takod
[baguhon | baguhon an source]- Profile: Mahmoud Abbas, BBC News, 5 Nobyembre 2009
- Abbas: No Force Against Arab Militants, AP (9 Hunyo 2003)
- Someone Was Going to Kill Newsweek Interview of Mahmoud Abbas (21 June 2004){Desyembre 2010)
- Palestinian Head Meets Barghouti, BBC News (26 Nobyembre 2004)
- Bush pledges $50 million to Palestinian Authority, CNN (26 Mayo 2005)
- Chairman Abbas' address to the 63rd session of the United Nations General Assembly (26 Septyembre 2008)
Toltolan
[baguhon | baguhon an source]- ↑ Abbas no longer president/UPI-19361231560412/ Hamas: Abbas no longer president[permanent dead link], UPI (9 January 2009)
- ↑ PLO body elects Abbas 'president of Palestine' Archived 2011-06-08 at the Wayback Machine., AFP (23 November 2008)
- ↑ Palestinian prime minister Abbas resigns lol (CNN)
- ↑ http://english.aljazeera.net/news/middleeast/2011/10/2011103172551498181.html