Спартак Масква (футбольны клюб)

	Спартак Масква
Заснаваны	1922
Горад	Масква, Расея
Стадыён	Адкрыцьцё Арэна; Умяшчальнасьць: 45 360
Прэзыдэнт	Леанід Фядун[d]
Кіраўнік	Лукойл
Галоўны трэнэр	Гільерма Абаскаль[d];
Чэмпіянат	Прэм’ер-ліга
· 2023—2024	5 месца
Хатнія колеры	Выязныя колеры
	Галерэя здымкаў у Вікісховішчы; spartak.com

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Спартак (неадназначнасьць).

«Спарта́к Масква́» (па-расейску: Спартак Москва) — расейскі футбольны клюб з гораду Масквы. Заснаваны ў 1922 годзе. 12-разовы чэмпіён СССР, 10-разовы чэмпіён Расеі, 10-разовы ўладальнік Кубка СССР, трохразовы ўладальнік Кубка Расеі.

Гісторыя

1922—1935

Папярэднік «Спартака» МГС быў заснаваны 18 красавіка 1922 году спартоўцамі з маскоўскага раёну Чырвоная Прэсьня, паводле прапановы Івана Арцем’ева^[1]. Група энтузіястаў, з Арцем’евым на чале, атрымала дазвол на злом некалькіх закінутых дамоў у раёне Прэсьненскай заставы для наступнага будаўніцтва стадыёну. У 1922 годзе ўжо былі гатовыя трыбуны, агароджы, распранальні й само поле. Паралельна адбылася рэарганізацыя двух фізкультурных калектываў: «Расейскага гімнастычнага таварыства» і «Таварыства фізычнага выхаваньня» Прэсьненскага футболу, то бок, іх пераўтварылі ў «Маскоўскі гурток спорту» (МГС). Тады ж у каманду прыйшлі браты Старасьціны (Мікалай, Аляксандар, Андрэй і Пётар), зь якімі зьвязана вялізная частка гісторыі «Спартаку». Назва будучай каманды выклікала бурныя спрэчкі, і ў рэшце рэшт спыніліся на кампрамісным варыянце — «Маскоўскі гурток спорту Чырвонапрэсьненскага раёну» («МГС»), але ўжо праз год клюб быў перайменаваны ў «Чырвоную Прэсьню», як і прапаноўвалася першапачаткова Арцем’евым. Да 1935 году каманда выступала пад назвамі «Чырвоная Прэсьня», «Харчавік» і «Промкаапэрацыя».

Папярэднікі «Спартака» выступалі ў чэмпіянаце Масквы — першы год у клясе «Б», але заняўшы першае месца як у вясновым, гэтак і восеньскім турнірах, каманда трапіла ў клясу «А», спаборніцтва ў якім адразу ж выйграла. Усяго ў 1923—1935 гадох каманда чатыры разы перамагала ў першынстве Масквы, і пяць разоў станавілася першай у «клюбным заліку» — комплексным паказчыку, які ўлічваў акрамя вынікаў гульняў яшчэ й выступленьні малодшых камандаў, статыстычныя паказчыкі, гульнявую дысцыпліну й агульную працу спартовай сэкцыі.

Склад

Актуальны на 21 ліпеня 2024 году

№	Пазыцыя	Імя	Год нараджэньня
2	Аб	Алег Рабчук	1998
4	Аб	Алексіс Дуартэ	2000
6	Аб	Срджан Бабіч	1996
7	Нап	Аляксандар Собалеў	1997
9	Нап	Манфрэд Угальдэ	2002
11	Нап	Шамар Нікалсан	1997
12	Нап	Віліян Жузэ	1991
17	Нап	Антон Зінькоўскі	1996
18	ПА	Наіль Умяраў	2000
19	Нап	Хэсус Мэдына	1997
20	Аб	Тамаш Таварыш	2001
22	ПА	Міхаіл Ігнатаў	2000
23	Аб	Мікіта Чарноў	1996

№	Пазыцыя	Імя	Год нараджэньня
25	ПА	Даніл Пруцаў	2000
28	ПА	Данііл Зорын	2004
35	ПА	Крыстафэр Мартынш	1997
39	Аб	Павал Маслаў	2000
47	ПА	Раман Зобнін	1994
57	Бр	Аляксандар Селіхаў	1994
68	ПА	Руслан Літвінаў	2001
70	Нап	Павал Мялёшын	2004
77	Нап	Тэо Банганда	1995
82	Аб	Данііл Хлусевіч	2001
97	Аб	Данііл Дзянісаў	2002
98	Бр	Аляксандар Максіменка	1998

Крыніцы

^ Нисенбойм Э., Расинский В. Спартак Москва. Официальная история 1922-2002. — Москва: МС Медиа, 2002. — С. 10—14. — 870 с. — ISBN 5-902215-01-3

Вонкавыя спасылкі

Афіцыйны сайт

[1] Нисенбойм Э., Расинский В. Спартак Москва. Официальная история 1922-2002. — Москва: МС Медиа, 2002. — С. 10—14. — 870 с. — ISBN 5-902215-01-3

[1]