Нацыянальны парк Канайма
Нацыянальны парк Канайма | |
---|---|
Parque Nacional Canaima | |
| |
Катэгорыя МСАП — II (Нацыянальны парк) |
|
Размяшчэнне | Венесуэла |
Плошча | 30000 км² |
Дата заснавання | 1962 |
![]() |
Нацыянальны парк Канайма (ісп.: Parque Nacional Canaima) — нацыянальны парк на ўсходзе Венесуэлы. Займае плошчу 30000 км². На тэрыторыі парка знаходзіцца самы вялікі ў свеце вадаспад Анхель. Створаны 12 чэрвеня 1962 г. У 1994 г. парк уключаны ў спіс сусветнай спадчыны ЮНЕСКА.
Ландшафты
[правіць | правіць зыходнік]Нацыянальны парк Канайма месціцца на тэрыторыі ўсходу Гвіяны. 65% яго плошчы займаюць сталовыя горы-тэпуі, якія ўяўляюць сабою найстаражытнейшыя геалагічныя фармацыі (2000 - 1500 млн гадоў) і ўнікальныя біялагічныя комплексы. Найбольш вядомыя тэпуі — Аўянтэпуй, Рарайма, Кукекан, Чыманта́. Плоскія вяршыні і вертыкальныя схілы сталовых гор пакрыты трапічнай расліннасцю. Дзякуючы багатым ападкам на тэрыторыі парка існуе густая сетка рэк. Некаторыя з іх пачынаюцца на вяршынях тэпуі і вадаспадамі зрыньваюцца ўніз. Так, на Аўянтэпуй утвараецца самы вялікі ў свеце вадаспад Анхель.
Прырода
[правіць | правіць зыходнік]Для пейзажаў Нацыянальнага парка Канайма характэрны густыя трапічныя лясы і саванна. Флора вельмі разнастайная. Уключае каля 300 эндэмічных відаў раслін. Распаўсюджаны рэдкія віды пальмаў, хмызнякоў, травы. Фаўна ўключае такія рэдкія віды, як ягуар, кагуар, гіганцкі мурашкаед, гіганцкая выдра, тукан, паўднёваамерыканская гарпія, гіганцкі браняносец, ігуана звычайная і інш. Адзіная вядомая эндэмічная жывёла — рараймская мыш.
Гісторыя
[правіць | правіць зыходнік]Тэрыторыя Нацыянальнага парка Канайма была населена каля 10 тысяч гадоў таму. У нашы дні тут жыве плямя індзейцаў-карыбаў пемон. Парк быў створаны 12 чэрвеня 1962 г. У 1994 г. уключаны ў спіс сусветнай спадчыны ЮНЕСКА. Развіваецца турызм.
Спасылкі
[правіць | правіць зыходнік]![]() |
Сусветная спадчына ЮНЕСКА, аб’ект № 701 рус. • англ. • фр. |
- unesco.org
- Parque Nacional Canaima Архівавана 12 кастрычніка 2011.
- Parque Nacional Canaima: potencia turística de diversidad natural Архівавана 11 кастрычніка 2015.