Яр
Выгляд
![](http://upload.wikimedia.org/wikipedia/commons/thumb/c/ca/Gully_in_the_Kharkov_region.jpg/220px-Gully_in_the_Kharkov_region.jpg)
Яр (народны тэрмін, запазычаны з цюрк. мовы; роў) — глыбокі са стромкімі схіламі размыў, утвораны часовымі вадасцёкамі; найбольш яскравы і небяспечны вынік воднай эрозіі глебы.
Яры ўтвараюцца пры інтэнсіўных ліўневых дажджах, разворванні і апрацоўцы глебы ўдоўж схілаў, пракладцы дарог, празмерным выпасе жывёлы, знішчэнні дрэвавай і травяністай расліннасці на схілах, рэкрэацыйнай дыгрэсіі зямель і інш. Даўжыня дасягае некалькіх кіламетраў, шырыня і глыбіня - дзясяткаў метраў. Бываюць схілавыя і донныя, у раёнах з карбанатнымі глебаўтваральнымі пародамі адзначаецца падземная яравая эрозія.
З цягам часу эрозія запавольваецца, схілы зарастаюць і яр ператвараецца ў балку.
Літаратура
[правіць | правіць зыходнік]- Геаграфічныя паняцці і тэрміны. Мн.: Беларуская Энцыклапедыя, 1993. ISBN 5-85700-085-8
![]() |
Яр на Вікісховішчы |
---|