Ernest Rutherford
Neuz
![](http://upload.wikimedia.org/wikipedia/commons/thumb/d/de/Ernest_Rutherford_1908.jpg/250px-Ernest_Rutherford_1908.jpg)
Ernest Rutherford (30 a viz Eost 1871-19 a viz Here 1937) a oa ur fizikour breizhveuriat.
Ganet e oa bet e Brightwater, e-kichen Nelson e Zeland Nevez, m'en doa studiet ar Fizik hag ar Jedoniezh. E 1895 e tivroas da Vreizh-Veur da genderc'hel gant e studioù e Cambridge. E 1898 ez eas da gelenner e Montreal (Kanada) hag e 1907 e voe anvet e Manchester (Bro-Saoz). E 1908 e c'hounezas-eñ Priz Nobel ar Gimiezh. E 1919 ez eas da benn Cavendish Laboratory e Cambridge hag e 1931 e tegemeras an titl a Lord Rutherford of Nelson. E Cambridge e oa aet da Anaon.
Brudet eo evit e labourioù diwar-benn an atom dreist-holl. En abeg d'e studioù diwar-benn ar skinoberiegezh e vez barnet evel unan eus diazezerien ar fizik nukleel.