Adrijatiku Jonju
Maħluq f'Jannar 2013, sospiż f'Jannar 2020 u attivat mill-ġdid f'Mejju 2023
Missjonijiet:
- jappoġġja l-istrateġija EUSAIR fir-reviżjoni tal-Pjan ta' Azzjoni u l-implimentazzjoni tiegħu;
- isaħħaħ il-kooperazzjoni ma' makroreġjuni oħra tal-UE dwar kwistjonijiet ta' interess komuni (turiżmu, trasport, eċċ.);
- jippromovi s-sjieda taċ-ċittadini tal-makroreġjun Adrijatiku Jonju;
- jippromovi l-iskambju ta' inizjattivi fil-livell lokali/reġjonali fil-makroreġjun Adrijatiku Jonju;
- isaħħaħ il-kooperazzjoni mal-istituzzjonijiet Ewropej għall-implimentazzjoni effettiva tal-politika u l-valuri tal-UE fil-qasam.
President: Andreau Putzu (IT/KRE)
Persuna ta' kuntatt:
Segretarjat tal-Intergrupp
Antonella Passarani
Rond Point Schuman 14 (7th floor)
B - 1040 Bruxelles
Tel.: +32 2 286 85 40
Tel.: +32 476217314
Tel.: +39 3356259028
[email protected]
Ir-Reġjuni tal-Baħar Baltiku
Maħluq fi Frar 2008
Missjonijiet:
- Li, sal-2030, ir-reġjuni tal-Baħar Baltiku jsiru l-makroreġjun fuq quddiem nett fl-innovazzjoni u ffokat fuq in-nies;
- Li l-makroreġjun tal-Baħar Baltiku ikun ir-reġjun fl-avangwardja l-iżjed sostenibbli fl-Ewropa;
- Li l-Baħar Baltiku jkun l-ewwel baħar ħieles minn kull plastik fid-dinja.
President: Sari Rautio (FI/PPE)
Dan il-grupp interreġjonali huwa konness ma' Strateġija Makronazzjonali. Din tipprovdi qafas approvat mill-Kunsill Ewropew biex tissaħħaħ il-koeżjoni ekonomika, soċjali u territorjali f'żona ġeografika speċifika (anke fil-makroreġjuni).
Kuntatt:
Segretarjat tal-Intergrupp
Ulla Karvo
Association of Finnish Local and Regional Authorities
Square de Meeûs 1, 1000 Brussels, Belgium
Tel. +32 474 540 851
[email protected]
Brexit
Maħluq f'Jannar 2018
Missjonijiet:
- Li jikkontribwixxi għad-dibattitu tal-Kumitat sabiex tinkiseb stampa komprensiva tal-impatt tal-Brexit għall-awtoritajiet lokali u reġjonali;
- Li jaqsam ideat dwar soluzzjonijiet li għandhom jinstabu biex jiġu appoġġjati l-awtoritajiet lokali u reġjonali l-aktar milquta;
- Li jiġu identifikati proġetti kondiviżi li l-awtoritajiet lokali u reġjonali jistgħu jiżviluppaw wara l-Brexit;
- Li n-negozjaturi legali tal-UE jiġu pprovduti b'kontribut territorjali u jaġixxu bħala faċilitatur għall-awtoritajiet lokali u reġjonali sabiex jesprimu l-fehmiet tagħhom lill-istituzzjonijiet tal-UE.
President: Is-Sur François DECOSTER (FR/Renew Europe)
Kuntatt:
Segretarjat tal-Intergrupp
Mr. Romain NIVELLE
Mission to the EU
Hauts-de-France Region
Tel.: +32(0)22343080
romain.nivelle @hautsdefrance.fr
Il-Karpazji
Maħluq fi Frar 2016
Missjonijiet:
- Li jippromovi l-Opinjoni tal-Kumitat Ewropew tar-Reġjuni dwar Strateġija makroreġjonali għar-Reġjun tal-Karpazji;
- Li jippromovi l-bini u l-iżvilupp ta' sħubijiet bejn l-awtoritajiet lokali u reġjonali, biex tiġi żgurata integrazzjoni aktar profonda tal-komunitajiet tal-Karpazji u biex jiġu identifikati għanijiet u ħidmiet komuni;
- Li jimmobilizza lill-gvernijiet tal-istati tal-Karpazji biex jieħdu l-inizjattiva biex joħolqu Strateġija Makroreġjonali għar-Reġjun tal-Karpazji billi jagħmlu applikazzjoni formali lill-Kunsill Ewropew;
- Li jorganizza dibattiti, azzjonijiet u proġetti ma' rappreżentanti tal-awtoritajiet lokali miż-żewġ pajjiżi mhux tal-UE li jikkondividu l-firxa tal-Karpazji (is-Serbja u l-Ukrajna), bil-għan li jiġu inklużi fi "strateġija makroreġjonali għaż-żona tal-Karpazji" futura, peress li l-kooperazzjoni tagħhom hija marbuta mill-qrib mal-għanijiet tal-Unjoni Ewropea b'rabta mal-iżvilupp u s-sigurtà;
- Li jappoġġja d-djalogu mal-partijiet interessati tal-Istrateġija tad-Danubju sabiex tiġi żviluppata l-komplementarjetà tal-azzjonijiet meħuda fil-qafas tal-Istrateġija tad-Danubju u l-Istrateġija Makroreġjonali għar-Reġjun tal-Karpazji;
- Li jiżgura mekkaniżmu ta' koordinazzjoni bejn il-membri tal-KtR tar-reġjun tal-Karpazji sabiex jiġi ggarantit approċċ konġunt fi ħdan il-korpi kompetenti tal-KtR għal kwistjonijiet ta' interess komuni marbuta mal-politiki tal-UE;
- Li jieħu azzjonijiet immirati lejn l-iżgurar tal-adeżjoni tal-UE bħala Parti għall-Konvenzjoni tal-Karpazji;
- Li jintensifika l-lobbying relatat mar-reġjun tal-Karpazji fil-livell tal-UE sabiex iħeġġeġ l-impenn politiku u jagħmel l-istrateġija makroreġjonali prijorità.
President: Wladyslaw Ortyl (PL/KRE)
Kuntatt:
Segretarjat tal-Intergrupp
Justyna Rog
Representation of the Podkarpackie Region to Brussels
Avenue de Tervuren 48, 1040 Bruxelles
Tel.: +32479041359
[email protected]
Kooperazzjoni Transfruntiera
Maħluq f'Lulju 2015
Missjonijiet:
- Li jaqsam fehmiet u esperjenzi: il-grupp ser iservi ta' pjattaforma għall-iskambju ta' fehmiet, esperjenzi u prattiki tajbin għall-promozzjoni ta' kooperazzjoni transfruntiera bejn il-membri tal-KtR li jirrappreżentaw reġjuni tal-fruntiera (evalwazzjoni tal-implimentazzjoni ta' programmi ta' kooperazzjoni transfruntiera, definizzjoni tal-isfidi ewlenin, eċċ.);
- Li jinfluwenza: fid-dawl tal-ġabra ta' għarfien imsemmija hawn fuq, il-grupp ser janalizza l-Opinjonijiet tal-KtR, jidentifika dawk b'rilevanza transfruntiera u jiżgura li jiġu inklużi soluzzjonijiet transfruntiera. Għal dan il-għan, se jaħdem mill-qrib mar-relaturi u jifformula wkoll emendi potenzjali skont il-ħtiġijiet reali tar-reġjuni tal-fruntiera. Se jikkontribwixxi wkoll għad-diskussjoni dwar ir-rwol tal-politika ta' koeżjoni biex jiżgura li l-kooperazzjoni transfruntiera tkun għadha parti integrali u importanti minnha;
- Li jieħu l-inizjattiva: il-grupp se jidentifika temi transfruntiera li għandhom jiġu indirizzati fil-livell tal-UE. Se jagħmel suġġerimenti għal avvenimenti tal-pjattaforma REKT, l- Assoċjazzjoni ta' Reġjuni mal-Fruntieri Ewropej, l-Open Days u eventwalment il-konferenzi jew is-seminars tiegħu stess;
- Li jrawwem id-djalogu: il-grupp se jservi bħala pjattaforma ta' komunikazzjoni li se tiffaċilita d-djalogu mal-Kummissjoni (speċjalment id-DĠ REGIO), il-gruppi ta' ħidma fil-Parlament Ewropew, assoċjazzjonijiet Ewropej u partijiet interessati oħra (eż. l-Assoċjazzjoni ta' Reġjuni mal-Fruntieri Ewropeju l-MOT).
President: Pavel Branda (CZ/KRE)
Kuntatt:
Segretarjat tal-Intergrupp
Vít Čaban
Delegation of Prague to the EU
Avenue Palmerston 16, 1000 Bruxelles
Tel: +420 773 790 126
[email protected]
Il-Futur tal-Industrija tal-Karozzi
Maħluq fl-2009
Missjonijiet:
- Li jkun hemm skambju ta' esperjenzi fost it-territorji dwar kwistjonijiet differenti li jikkonċernaw is-settur tal-karozzi u l-futur tal-mobilità (eż. sewqan awtomatizzat, fjuwils tat-trasport sostenibbli, ħiliet, politika industrijali, infrastruttura, żvilupp ta' reġjuni b'industrija awtomotiva jew industrija ta' provvista);
- Li jagħmel kuntatt u jaqsam fehmiet u l-aħjar prattika mal-istituzzjonijiet Ewropej u partijiet interessati oħrajn;
- Li jitrawmu kuntatti bejn raggruppamenti awtomotivi u ta' mobilità, reġjuni u bliet.
President:
Thomas Gottfried Schmidt (DE/EPP)
Viċi-Presidenti: María Victoria Navascués Chivite (ES/PES), Barbara Eibinger-Miedl (AT/EPP), József Berényi (SK/EPP)
Kuntatt:
Segretarjat tal-Intergrupp
Hans-Joachim Gericke
Tel.: +32 2 2358743
[email protected]
https://www.smr.sachsen.de/en/automotive.html
Is-Saħħa u l-Benesseri
Maħluq f'Novembru 2010
Missjonijiet:
- Li jippromovi fehim ta' kif is-setturi kollha jaffettwaw is-saħħa taċ-ċittadini u l-komunitajiet, u li, sussegwentement huwa meħtieġ approċċ ta' governanza f'diversi livell biex jittejbu u jkunu appoġġjati s-saħħa u l-benesseri fl-Ewropa;
- Li jaqsam ideat u għarfien dwar l-investimenti effettivi li għandhom isiru sabiex ikunu appoġġjati sistemi tas-saħħa reżiljenti u tittejjeb is-saħħa tas-soċjetà. Dan għandu jenfasizza r-rwol tal-gvernijiet lokali u reġjonali, u l-implimentazzjoni tal-Fondi Strutturali u ta' Investiment Ewropej, b'mod partikolari;
- Li jaqsam esperjenzi dwar l-isfidi attwali fir-rigward tal-implimentazzjoni tar-riformi tas-sistema tas-saħħa fi klima ta' riżorsi limitati u d-domanda dejjem tikber;
- Li jaġevola diskussjonijiet dwar inizjattivi ta' politika lokali sabiex jinbnew komunitajiet koeżivi u sostenibbli li jippromovu u jippermettu drawwiet sani;
- Li jagħti attenzjoni mill-qrib lill-gruppi vulnerabbli fis-soċjetà, inklużi dawk b'diżabbiltà, u li jindirizza s-saħħa mentali bl-istess mod bħas-saħħa fiżika, billi tkun integrata perspettiva ta' ekwità rigward is-saħħa fil-ħidma tal-grupp;
- Li jinforma lill-membri tal-KtR dwar l-aħħar riċerka u prattika innovattiva b'rabta mal-indirizzar tal-mard kroniku maġġuri u multimorbożitajiet f'popolazzjoni li qed tixjieħ.
President: Birgitta Sacrédeus (SE/PPE)
Kuntatt:
Segretarjat tal-Intergrupp
Marco Di Donato
European Regional and Local Health Authorities
Rue du Trône 62, 1050 Ixelles
Bruxelles (Belgium)
[email protected]
Reġjuni Insulari
Maħluq f'April 2015, sospiż f'Mejju 2017 u riattivat f'Diċembru 2018
Missjonijiet:
- Li jabbozza u japprova white paper dwar it-tielet paragrafu tal-Artikolu 174 tal-liġi kkonsolidata dwar il-gżejjer;
- Li jsaħħaħ id-dimensjoni territorjali billi jiżgura opportunitajiet indaqs ta' żvilupp għall-gżejjer;
- Li jqiegħed kwistjonijiet ta' insularità u ta' diskontinwità territorjali fil-qalba tal-politika Ewropea tat-trasport;
- Li jipprovdi lill-Ewropa b'politika ta' investiment li tinkludi miżuri u strumenti speċifiċi għall-gvernijiet tal-gżejjer;
- Li jemenda r-regoli eżistenti dwar l-għajnuna reġjonali mill-Istat sabiex jiġu armonizzati r-regoli dwar it-territorji insulari Ewropej;
- Li jipprovdi miżuri li jikkumpensaw il-vulnerabbiltà speċifika tat-territorji insulari għall-effetti tat-tibdil fil-klima;
- Li jħeġġeġ it-tranżizzjoni tal-gżejjer għal mudell ta' ekonomija ċirkolari;
- Li jtejjeb il-kompetittività tal-intraprenditorija tal-gżejjer;
- Li jsaħħaħ l-għodod Ewropej għall-analiżi territorjali billi joħloq kategorija ta' statistika insulari;
- Li jwaqqaf korpi speċifiċi responsabbli għall-kwistjonijiet tal-gżejjer fil-kuntest Ewropew.
President: Gaetano Armao (IT/PPE)
Kuntatt:
Segretarjat tal-Intergrupp
Leonardo di Giovanna
Brussels office of the region of Sicily
Rue Belliard 12, 1040 Bruxelles
Tel: +32 26392574
[email protected]
Informazzjoni prattika dwar il-laqgħat tal-gruppi interreġjonali:
- Il-gruppi interreġjonali għandhom jiltaqgħu regolarment matul mandat partikolari, normalment fit-tieni jum ta’ sessjoni plenarja.
- Il-parteċipazzjoni fil-laqgħat tal-gruppi interreġjonali hija volontarja u bla ħlas, u l-parteċipanti mhumiex intitolati għar-rimborż tal-ispejjeż tagħhom.
- Dawn il-laqgħat jistgħu jsiru wiċċ imb wiċċ, f’format ibridu jew mill-bogħod, u jiġu organizzati billi jitqiesu kunsiderazzjonijiet baġitarji, ambjentali u organizzattivi.
- Il-gruppi interreġjonali huma intitolati jorganizzaw żewġ laqgħat kull sena b’interpretazzjoni provduta f’mhux aktar minn tliet lingwi uffiċjali tal-UE, dment li jkunu disponibbli biżżejjed riżorsi finanzjarji u loġistiċi.
- L-interpretazzjoni għal-laqgħat tal-gruppi interreġjonali trid tintalab 10 ġimgħat qabel il-laqgħa ppjanata, peress li japplikaw kundizzjonijiet speċifiċi għall-interpreti.
- Il-gruppi interreġjonali jeħtiġilhom iressqu rapport ta’ attività lill-Bureau tal-KtR kull sentejn u nofs.
- Membru tal-KtR jista’ jissieħeb f’diversi gruppi interreġjonali fl-istess ħin.