Beruflich Dokumente
Kultur Dokumente
4kout BAGET PDF - Copie
4kout BAGET PDF - Copie
pou reveye
Jacques Stephen Alexis
Jak,
Jak konpè. Leve non. Leve
Pwoche. Pwoche pi pre.
Vin koute on bri.
Sanble se nan fon wòch yo l ap soti. Ou pa tande?
Non. Ganlè se jis dèyè do mòn yo pito.
Jan l ap fè a se kòmsi se nan lyann yo menm li vle rantre.
Ou pa tande l k ap kouri pyafe tout devan an ?
Se li wi k ap fè tout ravaj sa yo.
Ou pa tande l, oumenm?
Sa tèlman gen lontan, ata vwa l nou prèske bilye lè l te konn ap yenyen devan
fetay la ; nou bilye tout jan li te konn hele lè l ap pase anba kay nou yo, tout ti
joupa yo te fin pa konnen kijan li mache, kouman li kouri, konbe pa li fè ojis anvan
li chavire yo. Yo tout ak tout anba tè nan bouk la te konnen sant li anvan lavalas
pase.
Yo tout, m di w !
Jak, kite m di w :
Se lontan wi nou pa tande l. Lontan vre wi.
Nou te kontinye wè l.
Nou te kontinye santi l.
Nou te kontinye wè l santi.
Nan tout souf nou.
Nan tout rèv nou.
Toupatou.
57 fwa pa jou pandan 30 lane !