Lunfêrd
C'l artìcol chè 'l è scrit in
Carpśàn |
![](http://upload.wikimedia.org/wikipedia/commons/thumb/c/c1/Tango-Region-Map_%28conEtiquetas-Sombra%29.jpg/280px-Tango-Region-Map_%28conEtiquetas-Sombra%29.jpg)
Al lunfêrd, dìt anca lunfa per fèr prìma là in dû 'l vin druê (lunfardo in itagliàṅ), 'l è 'n parlèr da puvrèt ch'a s descòr, insèm a la lengva uficèla, in di dintóren dal Rio dla Plata, indû a gh'è la sitê 'd Buenos Aires, anc se in di ùltem tèimp al gh'l à cavèda 'd stremnèr-es anca in dal Cîl, in dal Paragvài e in dl Urugvài.
In lunfêrd a s canta anca 'l paróli di bâl 'd soquànt tango.
Al lunfêrd al tōś in prêst el só paróli da dimòndi ètri lengvi che 'd lung a 'l tèimp i éren druèdi da 'l persòuni ch'i pasèven dai post puvrèt dla capitèla Buenos Aires, damànd soquànt dialèt castigliàn, ocitàn, itagliàṅ, dôp che anc di prêst in lengva gvaràni e quèciua.
Na só caraterìstica ch'la selta ai óć, l'è che soquànti paròli i deśvìnen sè dagli ètri lìngui, mo cun soquànti sìlabi arbaltèdi, e la spiegasiòun la srèv che acsè in del galéri i perśunér i psiven descòrer méj sàinsa fères capìr da 'l guèrdi.
Soquànt eśèimpi 'd paróli in lunfêrd
- (EGL) camìśa, (LUNF) samica
- (EGL) càmion, (LUNF) mionca
- (EGL) camiunèta, (LUNF) tacamione
- (IT) carne, (LUNF) necar o nerca
- (IT) casa, (LUNF) saca
Colegamèint estèren
- (ES) La definisiòun dal lunfêrd in sìm'a 'l Disiunàri dla Reêl Académia Spaggnóla.
- (ES) Na spiegasiòun dal lunfa in ligna.
- (ES) La só stòria in ligna.
- (LUNF) e (ES) Un disiunàri dal lunfa in ligna.
- (LUNF) e (ES) 'N èter disiunàri dal lunfêrd in dal sit todotango.com.
Bibliugrafìa
- (ES) J. Gobello Aproximación al lunfardo, Buenos Aires, Edisiòun dla Universidad Católica Argentina, 1996.