Portugallingva Vikipedio
| Portugallingva Vikipedio | |
|---|---|
 | |
| Retadreso | pt.wikipedia.org |
| Kategorio | Vikipedio (libera reta enciklopedio) |
| Lingvo | portugala |
| Posedanto | Fondaĵo Vikimedio |
| Statistikoj | |
| je la 7-a de aŭgusto 2024 | |
| Artikolnombro | 1 130 600 |
| Profundeco | 197.5 |
| Paĝoj | 5 738 850 |
| Redaktoj | 68 208 633 |
| Uzantoj | 3 107 498 |
| Aktivaj uzantoj | 7 906 |
| Administrantoj | 50 |
| Dosieroj | 62 966 |
La portugallingva Vikipedio (portugale: "Wikipédia em português" aŭ "Wikipédia lusófona") estas la eldono de Vikipedio en la portugala lingvo.
Laŭ la disdivido de portugallingvanoj en la mondo, la plejparto el portugallingvaj vikipediistoj loĝas en la sudamerika lando Brazilo kaj la eŭropa lando Portugalio, sed la projekto ankaŭ havas signifan kvanton da kunlaborantoj en la aliaj oficiale portugalparolantaj landoj kaj teritorioj, do Angolo, Kabo-Verdo, Ekvatora Gvineo, Gvineo Bisaŭa, Mozambiko, Sao-Tomeo kaj Principeo kaj Orienta Timoro. El aliaj landoj, aparte elstaras verkantoj (aparte portugalaj elmigrintoj) en Nederlando. En septembro 2006, la vikipedia branĉo havis 61,3 procentaĵojn da kunlaborantoj el Brazilo, 17,7 procentaĵojn el Portugalio, 11,1 procentaĵojn el Nederlando kaj 9,9 procentaĵojn el ĉiuj aliaj ŝtatoj sume.
La 7-an de aŭgusto 2024 ĝi enhavas 1 130 600 artikolojn.
Gravaj datoj
[redakti | redakti fonton]- 11-a de majo 2001: oficiala ekesto de la portugallingva Vikipedio
- 31-a de oktobro 2002: enkonduko de la "tria etaĝo" de la programo MediaWiki, kio kaŭzas la perdon de la ĝistiama historio de artikoloj
- 9-a de julio 2004: la portugallingva Vikipedio atingas la sojlon dek mil artikoloj
- 26-a de januaro 2006: la projekto atingas la sojlon cent mil artikoloj kaj
- la 29-an de novembro 2006 havas la du cent milan artikolon.
- La 2007 ĝi atingas la sojlon tri cent mil artikoloj, kaj
- la 13-an de aŭgusto 2009: la sojlon kvin cent mil artikoloj.
- La 7-an de aŭgusto 2024 ĝi enhavas 1 130 600 artikolojn.
Vidu ankaŭ
[redakti | redakti fonton]Eksteraj ligiloj
[redakti | redakti fonton]
| ||||||||||||||
