Sovaĝiĝo
![](http://upload.wikimedia.org/wikipedia/commons/e/e9/Whorse2.jpg)
Sovaĝiĝinta aŭ sovaĝiĝa organismo estas tiu kiu fuĝis el kaptiteco kaj revenis parte aŭ entute al la natura stato. Sovaĝiĝo estas la procezo per kiu tio okazas. La enmeto de sovaĝiĝintaj animaloj aŭ plantoj en neindiĝenaj regionoj, kiel ĉiu enmetita specio, povas damaĝi ekosistemojn kaj foje povas kontribui al formorto de indiĝenaj specioj. Tamen revenigo de perditaj specioj al ties propraj medioj povas havi la malan efikon, nome revenigi damaĝitajn ekosistemojn reen al ekvilibro.
La difino de sovaĝiĝinta animalo estas ke tiu fuĝis el hejma aŭ kaptiteca statuso kaj vivas aktuale pli malpli kiel sovaĝa aŭ natura animalo. Zoologoj ĝenerale ekskludas el tiu kategorio la animalojn kiuj estis vere sovaĝaj antaŭ la fuĝo el kaptiteco: tiele nek leono fuĝinta el bestoĝardeno nek maraglo (Haliaeetus albicilla) ĵus reenmetita en Britio estas tia konsiderata. Kelkaj komunaj ekzemploj de animaloj kun sovaĝiĝintaj populacioj estas kaproj, katoj kaj porkoj, kiuj tro ofte kaŭzis neripareblan ekologian damaĝon en multaj insuloj tutmonde. En tre specifaj ekologiaj sistemoj kia estas ekzemple Aŭstralio multaj sovaĝiĝintaj animaloj, kiuj dekomence estis traktitaj kiel ekonomiaj fontoj, kiaj kameloj, kunikloj aŭ ĉevaloj, fine kaŭzis ankaŭ neripareblan ekologian damaĝon.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- National Wild Horse and Burro Program Arkivigite je 2008-07-06 per la retarkivo Wayback Machine
- Feral Camels, Informo el Aŭstralia Agrikultura Servo pri ĉirkaŭ 300,000 sovaĝiĝintaj kameloj.
- Alley Cat Allies, Defenda organizaĵo pri sovaĝiĝintaj katoj