SOS
![](http://upload.wikimedia.org/wikipedia/commons/thumb/2/25/SOS_morse_code.png/200px-SOS_morse_code.png)
![](http://upload.wikimedia.org/wikipedia/commons/thumb/1/10/Thesos.jpg/250px-Thesos.jpg)
SOS nazioartean erabiliena den laguntza seinalea da. XX. mendearen hastapenetan erabiltzen hasi zen. 1906ko Berlingo Biltzarrean onartua izan zen, ordurarte Morse kodean erabili ohi zen CQD seinalera ordezkatu asmoz.
Hiru hizki hauek Morse kodean erraz aireratu eta igorri zitezkelako erabaki hautatu ziren: hiru taupada labur, hiru taupada luze eta hiru taupada labur direlarik, (), gainera oso seinale sinplea denez bidalia denean galdu edota interferentzien eraginez gaizki ulertua izateko arrisku gutxiago du. Berez, banatutako hiru hizki ere ez dira (hots, hiru taupada labur - pausaldia - hiru taupada luze - pausaldia - hiru taupada labur), bai ordea etenik ez duen kode jarraia.
Esanahia
[aldatu | aldatu iturburu kodea]Denborarekin jendeak seinalea oroitu zezan hainbat esanahi lotu zitzaizkion.
- Save Our Souls: Geure Arimak Salbatu
- Save Our Ship: Geure Ontzia Salbatu
- Save or Sucumb: Salbatu edo Geureak Eginen Du.
RMS Titanic
[aldatu | aldatu iturburu kodea]Modu okerrean lehenbiziko aldiz 1912ko apirilaren 14an RMS Titanic ontziaren hondoratzean erabilia izan zela aipatu ohi da, baina aurretik beste hainbat europar ontziek ere erabilia izan zuten.
Halere, Titanic ontziaren istripuak SOS seinalea ospetsu bilakatu eta jendartean bere ezagutzaren hedapenean eragin handia izan zuela, aurreko CQD laguntza seinalea ia osoki ordezkatu zuelarik: Come Quickly Distress (Arin Etorri Larrialdea), literalki Copy Quality Distress (Kalitatezko Kopia Larrialdia).