Is-sistemi tas-sigurtà soċjali fl-UE
Hemm differenzi kbar fil-mod kif pajjiżi differenti tal-UE organizzaw il-benefiċċji, il-kura tas-saħħa u servizzi oħra tas-sigurtà soċjali.
Kull pajjiż tal-UE għandu l-liġijiet tiegħu li jiddeterminaw:
- x’benefiċċji għandek dritt għalihom,
- kemm se tirċievi
- għal kemm żmien se tirċievi l-benefiċċji
- kemm jeħtieġlek taħdem fih qabel ma tikkwalifika għall-benefiċċji tal-qgħad, u
- ir-regoli għall-kalkolu tal-benefiċċji.
Twissija
Ir-regoli tal-UE jiddeterminaw biss liema sigurtà soċjali ta’ pajjiż tkoprik meta jkunu involuti 2 pajjiżi jew aktar.
Bħala regola, inti kopert mil-leġiżlazzjoni ta' pajjiż wieħed biss kull darba biex b'hekk tħallas il-kontribuzzjonijiet f'pajjiż wieħed; Int għandek tiġi ttrattat bl-istess mod bħaċ-ċittadini ta’ dak il-pajjiż.
Twissija
Is-sistemi ta’ benefiċċji fil-pajjiż ospitanti tiegħek jistgħu jkunu differenti ħafna minn dak li inti mdorri f’pajjiżek. In-nuqqas ta’ ftehim jista’ jkollu konsegwenzi serji — għalhekk kun ċert li tiċċekkja liema benefiċċji int intitolat għalihom fil-pajjiż ospitanti tiegħek.
Storja bħala eżempju
Kull pajjiż għandu r-regoli tiegħu għall-għoti ta’ benefiċċji
Line, mara mid-Danimarka, kienet qed tgħix u taħdem f'Ċipru meta ħadet is-sensja u applikat għall-benefiċċji tal-qgħad hemmhekk.
Kienet diżappuntata meta skopriet li kienet se titħallas biss għal 156 jum. Fid-Danimarka, il-benefiċċju kien jitla’ sa 4 snin. Qatt ma bassret li d-differenza se tkun daqshekk kbira.
Formoli utli
Biex tkun tista’ tiċċaqlaq mis-sistema tal-benefiċċji ta’ pajjiż għal ieħor, jista’ jkollok bżonn tissottometti formoli li jiċċertifikaw is-sitwazzjoni tal-benefiċċji tiegħek meta tasal.
Skopri dwar il-formoli standard tas-sigurtà soċjali.
Ir-regoli nazzjonali
Iċċekkja r-regoli f’pajjiżek. Aċċessa s-siti web uffiċjali tal-awtoritajiet nazzjonali hawn taħt.