Arlene Foster
Is polaiteoir de chuid Thuaisceart Éireann í Arlene Isabel Foster, PC, (née Kelly), a rugadh ar an 17 iúil 1970.
Gairmréim
[cuir in eagar | athraigh foinse]![](http://upload.wikimedia.org/wikipedia/commons/thumb/4/48/Arlene_Foster_MLA_%28cropped%29.jpg/177px-Arlene_Foster_MLA_%28cropped%29.jpg)
Bhí Foster ina Ceannaire ar an bPáirtí Aontachtach Daonlathach ó Nollaig 2015 go dtí 2021. i mí na Nollag 2015, tháinig Arlene Foster i gcomharbacht ar Peter Robinson mar cheannaire. Ba í an tríú ceannaire ar an DUP. Ba ea í an duine is óige riamh í sa phost agus an chéad bhean agus smidiríní déanta den tsíleáil ghloine aici.[1]
![](http://upload.wikimedia.org/wikipedia/commons/thumb/a/ac/Theresa_May_and_FM_Arlene_Foster.jpg/177px-Theresa_May_and_FM_Arlene_Foster.jpg)
Ar an 11 Eanáir 2016, bhí Arlene Foster daingnithe mar Chéad-Aire ar Thionól Thuaisceart Éireann.[2]
D’éirigh thar barr le Foster sa bhliain 2016.[3] Bhí sí buacach i dtoghchán an Tionóil in 2016, comórtas a ritheadh faoin mana ‘Vótáil d’Arlene’. Bhí 38 suíochán as 108 ag an DUP.
Sa bhliain sin freisin ghlac an DUP taobh an Bhreatimeachta sa reifreann faoi bhallraíocht na Ríochta Aontaithe san Aontas Eorpach.
Conspóidí
[cuir in eagar | athraigh foinse]I dtús 2017, thosaigh an chonspóid faoin RHI, an scéim fuinnimh nach raibh srian ar bith ar chaiteachas uirthi. D’éirigh Martin McGuinness, Sinn Féin, as an leas-chéad-aireacht agus thit Stormont. Chaill Foster a post mar Chéad-Aire in Eanáir na bliana 2017, mar gheall ar a héiginnteacht i dtaca leis an gceist.[2]
Sa toghchán Tionóil a lean ar an 2 Márta 2017, chuir Foster a cos ann go tútach. Chaill aontachtaithe a móramh in Stormont den chéad uair, buille síceolaíoch mór ar cuireadh an milleán ar Foster faoi.[3]
Mhair an folús in Stormont trí bliana agus bhí an DUP ní ba laige nuair a d’fhill na páirtithe ar Stormont sa bhliain 2020, agus Foster ceaptha mar Chéad-Aire arís.
Sa bhliain 2021, bhí an eite bhunchreidmheach sa DUP a d’eascair as Eaglais Shaor Phreispitéireach Ian Paisley míshásta le hiarracht Arlene Foster chun seasamh naimhdeach traidisiúnta an DUP i gcoinne homaighnéasachais a mhaolú. Ba chosúil gurb é sin an cor a thug na buíonta difriúla i measc na n-ionadaithe le chéile chun dúshlán na ceannaireachta a thabhairt.[3] D'éirigh Foster as ceannaireacht an DUP ar 28 Bealtaine 2021 agus as an gcéad-aireacht ag deireadh mhí an Mheithimh.[3]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Nuacht RTÉ (2016-01-11). "Arlene Foster daingnithe mar Chéad-Aire an Tuaiscirt" (as ga).
- ↑ 2.0 2.1 Póilín Ní Chiaráin (Nollaig 2017). "Gluaiseacht na Gaeilge ina dúiseacht ach Stormont faoi shuan" (ga-IE). Tuairisc.ie. Dáta rochtana: 2022-01-11.
- ↑ 3.0 3.1 3.2 3.3 Póilín Ní Chiaráin (Aibreán 2021). "Slán le Arlene – tréimhse chinniúnach romhainn ina diaidh" (ga-IE). Tuairisc.ie. Dáta rochtana: 2022-01-11.
- Daoine a rugadh i 1970
- Daoine beo
- Céad-Airí Thuaisceart Éireann
- Comhaltaí den Tionól Reachtach Thuaisceart Éireann
- Daoine Albanacha na hUladh
- Daoine as Contae Fhear Manach
- Mná Éireannacha
- Polaiteoirí Aontachtacha
- Protastúnaigh Éireannacha
- Fear Manach agus Tír Eoghain Theas (Toghcheantar na Ríochta Aontaithe)